ເອຍໂຣ່ ອໍາລາຕໍາແໜ່ງຜູ້ຈັດການທີມຊາດແອັດສະປາຍ ຫຼັງຈາກຕົກຮອບບານໂລກ

132 09 ກ.ກ. 2018 ວົງຈອນກີລາ
ເອຍໂຣ່ ອໍາລາຕໍາແໜ່ງຜູ້ຈັດການທີມຊາດແອັດສະປາຍ  ຫຼັງຈາກຕົກຮອບບານໂລກ

        ເຟນານໂດ ເອຍໂຣ່ ອໍາລາຕໍາແໜ່ງຜູ້ຈັດການຊົ່ວຄາວຂອງທີມຊາດແອັດສະປາຍແລ້ວ ຫຼັງຕົກຮອບ 16 ທີມສຸດທ້າຍໃນເຕະບານໂລກ 2018 ແລະ ຈະບໍ່ກັບໄປເຮັດໜ້າທີ່ຜູ້ອຳນວຍການຝ່າຍເຕັກນິກເໝືອນເດີມດ້ວຍ.

          ເຟນານໂດ ເອຍໂຣ່ ກ້າວລົງຈາກຕໍາແໜ່ງຜູ້ຈັດການ0ຊົ່ວຄາວຂອງທີມຊາດແອັດສະປາຍເປັນທີ່ຮຽບຮ້ອຍແລ້ວ ເມື່ອວັນອາທິດທີ 8 ກໍລະກົດທີ່ຜ່ານມາ ຫຼັງຈາກທີມຊາດແອັດສະປາຍສ້າງຜົນງານບໍ່ດີໃນການແຂ່ງຂັນເຕະບານໂລກ 2018 ໂດຍພ່າຍແພ້ແກ່ເຈົ້າພາບ ຣັດເຊຍ ໃນການຍິງຈຸດໂທດຫຼົ່ນຕົກຮອບ 16 ທີມສຸດທ້າຍ.

           ເອຍໂຣ່ ໄວ 50 ປີ ຕ້ອງເຂົ້າມາຄຸມແອັດສະປາຍຢ່າງກະທັນຫັນ ຫຼັງຈາກທີ່ ຈູເລນ ໂລເປເຕກີ ຖືກປົດອອກຈາກຕໍາແໜ່ງຜູ້ຈັດການຂອງທີມໃນໄລຍະບໍ່ເທົ່າໃດວັນກ່ອນທີ່ການແຂ່ງຂັນເຕະບານໂລກ 2018 ຈະເລີ່ມຂຶ້ນ ເພາະດັນໄປເປິດຕົວຕົກລົງຄຸມ ຣິວ ມາດຣິດ.

          ຂະນະດຽວກັນ ນອກຈາກ ເອຍໂຣ່ ຈະອໍາລາຕໍາແໜ່ງຜູ້ຈັດການຊົ່ວຄາວຂອງແອັດສະປາຍໄປແລ້ວນັ້ນ ຜູ້ກ່ຽວຍັງຈະບໍ່ກັບມາເຮັດໜ້າທີ່ຜູ້ອໍານວຍການຝ່າຍເຕັກນິກຂອງທີມຊາດເໝືອນເດີມອີກດ້ວຍ.

ຂ່າວທີ່ກ່ຽວຂ້ອງ