ຂ່າວຫຼ້າສຸດ

ກອງປະຊຸມພົບປະຜູ້ຊົງຄຸນວຸດທິບັນດາຊົນເຜົ່າ ທົ່ວປະເທດ ຄັ້ງທີ 3 ຈະໄຂຂຶ້ນເດືອນສິງຫານີ້

207 09 ກ.ກ. 2018 ຂ່າວໜ້າ​ໜຶ່ງ
ກອງປະຊຸມພົບປະຜູ້ຊົງຄຸນວຸດທິບັນດາຊົນເຜົ່າ ທົ່ວປະເທດ ຄັ້ງທີ 3 ຈະໄຂຂຶ້ນເດືອນສິງຫານີ້

   ຄະ­ນະ​ກຳ­ມະ­ການ​ສູນ​ກາງ​ແນວ​ລາວ​ສ້າງ​ຊາດ ຖະ­ແຫຼງ​ຂ່າວກ່ຽວ​ກັບ​ການ​ກະ­ກຽມ​ກອງ​ປະ­ຊຸມ​ພົບ​ປະ​ຜູ້​ຊົງ​ຄຸນ​ວຸດ​ທິ​ບັນ­ດາ​ຊົນ­ເຜົ່າທົ່ວ​ປະ­ເທດ ຄັ້ງ​ທີ 3 ປີ 2018 ຂຶ້ນ ວັນ​ທີ 6 ກໍ­ລະ­ກົດ 2018 ນີ້​ທີ່​ສູນ​ເຝິກ­ອົບ­ຮົມ​ສູນ​ກາງ​ແນວ​ລາວ​ສ້າງ​ຊາດ ນະ­ຄອນ­ຫຼວງ​ວຽງ​ຈັນ ໂດຍ​ການ​ຖະ­ແຫຼງ​ຂ່າວ​ຂອງ​ທ່ານ ຈັນ­ທະ​ວົງ ແສນ​ອາ­ມາດ​ມົນ­ຕີ ຮອງ​ປະ­ທານ​ສູນ​ກາງ​ແນວ​ລາວ​ສ້າງ​ຊາດ ຫົວ­ໜ້າ​ອະ­ນຸ​ກຳ­ມະ­ການ​ໂຄ­ສະ­ນາ-ຂະ​ບວນ​ການ​ກະ­ກຽມ​ດຳ­ເນີນ​ກອງ​ປະ­ຊຸມ ມີ​ບັນ­ດາ​ຄະ­ນະ​ກຳ­ມະ­ການ​ທີ່​ກ່ຽວ­ຂ້ອງ​ເຂົ້າ​ຮ່ວມ.

   ທ່ານ ຈັນ­ທະ​ວົງ ແສນ​ອາ­ມາດ​ມົນ­ຕີ ກ່າວ​ວ່າ: ກອງ​ປະ­ຊຸມ​ພົບ​ປະ​ຜູ້​ຊົງ​ຄຸນ​ວຸດ​ທິ​ບັນ­ດາ​ຊົນ­ເຜົ່າທົ່ວ​ປະ­ເທດ ຄັ້ງ​ທີ 3 ປີ 2018 ນີ້ແມ່ນ​ຈະ​ໄດ້​ຈັດ​ຂຶ້ນ​ໃນ​ລະ­ຫວ່າງ​ວັນ​ທີ 10-14 ສິງ­ຫາ 2018 ຜູ້​ຊົງ​ຄຸນ​ວຸດ​ທິ​ບັນ­ດາ­ເຜົ່າ ສ່ວນ​ຫຼາຍ​ແມ່ນ​ບຸກ­ຄົນ​ຜູ້​ອາ­ວຸ­ໂສ​ຂອງ​ຊົນ­ເຜົ່າ ທີ່​ໄດ້​ຮັບ​ຄວາມ​ເຄົາ­ລົບ​ນັບ­ຖື​ຮັກ­ແພງ​ຈາກ​ປະ­ຊາ­ຊົນ​ບັນ­ດາ­ເຜົ່າຈາກ​ມະ­ຫາ­ຊົນ​ພາຍ​ໃນ​ບ້ານ ຫຼື ໃນ​ທ້ອງ­ຖິ່ນ ໃນ​ພາ­ລະ­ກິດ​ປົກ​ປັກ​ຮັກ­ສາ ແລະ ພັດ­ທະ­ນາ​ປະ­ເທດ​ຊາດ ພວກ​ເພິ່ນ​ມີ​ຄຸ​ນະ​ທຳ ມີ​ການ​ກະ­ທຳ​ທີ່​ເປັນ​ແບບ­ຢ່າງ​ອັນ​ດີ ແລະ ມີ​ປະ­ສົບ​ການ​ໃນ​ຫຼາຍ​ດ້ານ ມີ​ບົດ­ບາດ​ເປັນ​ຫຼັກ​ແຫຼ່ງ​ໃນ​ການ​ສຶກ​ສາ​ອົບ­ຮົມເຕົ້າ­ໂຮມ​ຄວາມ​ສາ­ມັກ­ຄີ ມີ​ຄວາມ​ສາ­ມາດໃຫ້​ຄຳ​ເຫັນ​ແນະ­ນຳ​ດ້ານ​ຕ່າງໆ​ທີ່​ເປັນ​ປະ­ໂຫຍດ​ອັນ​ດີ​ໃນ​ການ​ດຳ­ລົງ​ຊີ­ວິດ ກອງ​ປະ­ຊຸມ​ຄັ້ງ​ນີ້ ພາຍ​ໃຕ້​ຫົວ­ຂໍ້ ເສີມ​ຂະ­ຫຍາຍ​ບົດ­ບາດ​ຂອງ​ຜູ້​ຊົງ​ຄຸນ​ວຸດ​ທິ​ບັນ­ດາ​ຊົນ­ເຜົ່າ ໃນ​ການ​ເຕົ້າ­ໂຮມ​ຄວາມ​ສາ­ມັກ­ຄີ​ປອງ​ດອງປະ­ຊາ­ຊົນ​ບັນ­ດາ­ເຜົ່າ ເຂົ້າ​ຮ່ວມ​ພາ­ລະ­ກິດ​ປົກ​ປັກ​ຮັກ­ສາ ແລະ ພັດ­ທະ­ນາ​ປະ­ເທດ​ຊາດ ນີ້​ແມ່ນ​ເຫດ­ການ​ໜຶ່ງ​ທີ່​ສຳ­ຄັນ​ໃນ​ຊີ­ວິດ​ການ­ເມືອງ​ຂອງ​ພັກ ແລະ ຂອງ​ແນວ​ລາວ​ສ້າງ​ຊາດ ທັງ​ເປັນ​ການ​ຍົກ​ລະ­ດັບ​ຄວາມ​ຮັບ­ຜິດ­ຊອບ​ການ­ເມືອງ​ ໃນ​ການ​ປະ­ຕິ­ບັດ​ສິດ​ເປັນ​ເຈົ້າ​ປະ­ເທດ​ຊາດ ແລະ ເສີມ​ຂະ­ຫຍາຍ​ປະ­ຊາ­ທິ­ປະ­ໄຕຂອງ​ປະ­ຊາ­ຊົນ​ບັນ­ດາ­ເຜົ່າ​ຢ່າງ​ກວ້າງ­ຂວາງ.

ຂ່າວທີ່ກ່ຽວຂ້ອງ