ຂ່າວຫຼ້າສຸດ

ປັບລາຄາທີມຕົວເກງແຊັມ+ຄູ່ຊີງ+ດາວຍິງສູງສຸດບານໂລກ 2018

261 06 ກ.ກ. 2018 ວົງຈອນກີລາ
ປັບລາຄາທີມຕົວເກງແຊັມ+ຄູ່ຊີງ+ດາວຍິງສູງສຸດບານໂລກ 2018

        ການແຂ່ງຂັນເຕະບານໂລກ 2018 ທີ່ປະເທດຣັດເຊຍ ເດີນທາງມາເຖິງຮອບ 8 ທີມສຸດທ້າຍ ຫຼືຮອບກ່ອນຮອງຊະນະເລີດແລ້ວ ຫຼ້າສຸດ ! ຮ້ານຮັບພະນັນຖືກກົດໝາຍຂອງອັງກິດ ກໍໄດ້ມີການຫຍັບປັບລາຄາທີມຕົວເກງແຊັມເຕະບານໂລກ 2018 ລວມເຖິງດາວຍິງສູງສຸດ.

          ປາກົດວ່າທີມຕົວເກງອັນດັບ 1 ທີ່ຈະໄດ້ແຊັມຍັງຄົງເປັນທີມຊາດບຣາຊິນ ໃນລາຄາ 3/1 (ແທງ 1 ຈ່າຍ 3 ບໍ່ລວມທຶນ) ຂະນະທີ່ທີມຊາດອັງກິດ ແລະ ທີມຊາດຝຣັ່ງ ເປັນຕົວເກງອັນດັບ 2 ຮ່ວມກັນ ທີ່ລາຄາ 7/2 (ແທງ 2 ຈ່າຍ 7 ບໍ່ລວມທຶນ).

          ຕາມດ້ວຍຕົວເກງອັນດັບ 4 ຕົກເປັນຂອງທີມຊາດແບນຊິກ ທີ່ລາຄາ 5/1 (ແທງ 1 ຈ່າຍ 5 ບໍ່ລວມທຶນ) ຕໍ່ດ້ວຍ ກຣົວຊີ 13/2, ອຸຣຸກວາຍ 14/1, ຣັດເຊຍ 20/1, ຊູແອັດ 22/1 ຕາມລຳດັບ ສ່ວນດາວຍິງສູງສຸດ ຕົວເກງອັນດັບ 1 ຄື ແຮຣີ່ ເຄນ ກອງໜ້າທີມຊາດອັງກິດ ນຳໂດ່ງຍິງໄປແລ້ວ 6 ປະຕູ (4/11)D

          ຕາມດ້ວຍ ໂຣເມລູ ລູກາກູ ສູນໜ້າຈາກແບນຊິກ ທີ່ຍິງໄປແລ້ວ 4 ປະຕູ ເປັນຕົວເກງອັນດັບ 2 ໃນລາຄາ 10/1 ແລະ ຕົວເກງອັນດັບ 3 ເປັນ ຄີລຽນ ເອັມບັບເປ ກອງໜ້າທີມຊາດຝຣັ່ງ ໄວ 19 ປີ ຍິງໄປແລ້ວ 3 ປະຕູ ທີ່ມີລຸ້ນຄວ້າລາງວັນເກີບຄໍາໄປຄອງ (12/1.

          ຂະນະທີ່ ເນມາ ດາວດັງຂອງບຣາຊິນ ຢູ່ຕົວເກງອັນດັບ 4 ຫຼັງຍິງປະຕູໄປໄດ້ພຽງ 2 ລູກເທົ່ານັ້ນ ດ້ວຍອັດຕາຕໍ່ລອງ 14/1 ສ່ວນຕົວເກງທີ່ຈະຄວ້ານັກເຕະໂດດເດັ່ນໃນເຕະບານໂລກໃນຄັ້ງນີ້ ກໍຄື ແຮຣີ ເຄນ ຮ່ວມກັບ ເອັມບັບເປ ເປັນຕົວເກງອັນດັບ 1 (7/2) ຕາມດ້ວຍ ເນມາ (9/2)     

          ໄປຊົມຄູ່ຊິງຊະນະເລີດບານໂລກ 2018 ຍົກໃຫ້ ບຣາຊິນ ພົບກັບ ອັງກິດ ເປັນຕົວເກງອັນດັບ 1 (ໜ້າຈະເປັນຄູ່ຊິງໃນຝັນຂອງຫຼາຍໆຄົນ) ໂດຍມີອັດຕາຕໍ່ລອງຢູ່ທີ່ 5/1 ຂະນະທີ່ ອັງກິດ ພົບກັບ ຝຣັ່ງ ເປັນຕົວເກງອັນດັບ 2 (11/2 ) ແລະ ກຣົວຊີ ພົບ ບຣາຊິນ ເປັນຕົວເກງອັນດັບ 3 (13/2).

ຂ່າວທີ່ກ່ຽວຂ້ອງ