ຫຼາຍເຫດຜົນສຳຄັນທີ່ຈະປັ້ນ ອັງກິດ (ມ້າມືດ) ເປັນແຊັມໂລກ

177 06 ກ.ກ. 2018 ວົງຈອນກີລາ
ຫຼາຍເຫດຜົນສຳຄັນທີ່ຈະປັ້ນ ອັງກິດ (ມ້າມືດ) ເປັນແຊັມໂລກ

        ອັງກິດ ມາດີອີຫຼີ ຟອມການຫຼິ້ນສວຍງາມ ຟອມສົດຂະໜາດນີ້ ຫຼາຍຝ່າຍເລີ່ມເຊື່ອກັນແລ້ວວ່າ ການເດີນໄປເຖິງຮອບຊີງຊະນະເລີດ ຫຼື ແຊັມໂລກ ອາດບໍ່ແມ່ນເລື່ອງເພີ້ຝັນກໍໄດ້ ແລະ ນີ້ກໍຄືເຫດຜົນ

      ອັງກິດລົງຫຼິ້ນພົບໂກໂລມບີ ໃນເຕະບານໂລກ ຮອບ 16 ທີມສຸດທ້າຍ ຍິງນຳກ່ອນ ແຕ່ຖືກຕີສະເໝີໃນທ້າຍເກມ ຊ່ວຍຕໍ່ເວບາພິເສດ 120 ນາທີ ເຮັດອັນໃດກັນເພີ່ມບໍ່ໄດ້ ຕ້ອງດວນຈຸດໂທດ ທີ່ອັງກິດໜີບໍ່ພົ້ນ ດວນຈຸດໂທດຍາມໃດ ພ່າຍແພ້ຕົກຮອບຕະຫຼອດ ແຕ່ດັນບໍ່ແມ່ນຄັ້ງນີ້ ພວກເຂົາຊະນະໄດ້ 4-3 ຜ່ານເຂົ້າຮອບ 8 ທີມສຸດທ້າຍໄດ້ ຈົນໃຜໆກໍຄິດວ່າຫຼືຄາວນີ້ ອັງກິດມ້າມືດທີ່ບໍ່ມີໃຜຄາດຫວັງ ຈະໄປໄດ້ເຖິງແຊັມ ຄວາມເປັນໄປໄດ້ພໍມີ ລອງໄປເບິ່ງເດຜົນກັນ

      ຮູ້ຕົວວ່າອ່ອນ

      ຄໍາພັງເພີຍຂອງ ຊຸນວູ ກ່າວໄວ້ວ່າ “ຮູ້ເຂົາຮູ້ເຮົາ ຮົບຮ້ອຍຄັ້ງ ກໍຊະນະຮ້ອຍຄັ້ງ” ອັງກິດມາແຂ່ງບານໂລກ ຄາວນີ້ ບໍ່ແມ່ນໃນຖານະທີມທີ່ຄິດວ່າຕົວເອງເປັນຍັກໃຫຍ່ ເໝືອນກັບທຸກຄັ້ງ ແຕ່ມາໃນຖານະ ທີມເຄີຍໃຫຍ່ຕ່າງ ຫາກ ວັດຕາມຄວາມຈິງແລ້ວທຽບກັບທີມດັງອື່ນໆ ພວກເຂົາເຫັນວ່າດ້ອຍກວ່າທັງສິ້ນ ແມ່ນກະທັ່ງທີມຮ່ວມກຸ່ມຢ່າງ ແບນຊິກ ດັ່ງນັ້ນເວລາຫຼິ້ນ ຫຼືຈັດທີມກໍເລີຍບໍ່ຄ່ອຍປະໝາດ ພົບທີມຮ້ອຍ ທີມໃຫຍ່ ກໍໃສ່ເຕັມແບບໃຈສູ້ໄດ້ໝົດ.

      ສື່ບ້ານເກີດໄມ່ຄາດຫວັງ

      ນີ້ເປັນປັດໄຈຄວາມຫວັງລຳດັບຕົ້ນໆຂອງອັງກິດ ທຸກຄັ້ງທີ່ຈະຍົກພົນອອກນອກປະເທດໄປຫຼິ້ນລາຍການໃຫຍ່ ສື່ບ້ານເກີດຈະເປີດປະເດັນຂ່າວປານກັບວ່າການໄປເອົາແຊັມໂລກ ຫຼືແຊັມເອີໂຣ ສຳລັບອັງກິດ ເປັນເລື່ອງທີ່ຕ້ອງເຮັດໄດ້ ບໍ່ໄດ້ຖືວ່າຂີ້ຮ້າຍ ທັ້ງທີ່ເວົ້າກັນຕາມຄວາມຈິງ ອັງກິດກໍບໍ່ເໜືອກວ່າຊາວບ້ານປານໃດ ໃນແຕ່ລະລາຍການ ບາງຄັ້ງກໍຖືກດູຖູກເຢີ້ຍຫຍັນວ່າໄປບໍ່ລອດດອກ ແນວນັ້ນແນວນີ້ ແຕ່ຄັ້ງນີ້ ມາແບບບໍ່ມີໃຜເຂົາຄາດຫວັງ ດາວດັງນັບລຽງຕົວໄດ້ ມີແຕ່ສຽງລາຍງານຄວາມພຮ້ອມ ແລະ ການເອີ້ນຕົວເທົ່ານັ້ນ ບໍ່ມີການຕັ້ງເປົ້າໝາຍອັນໃດເລີຍ ດັ່ງນັ້ນເມື່ອປາສະຈາກຄວາມກົດດັນທີ່ຢູ່ເທິງບ່າ ທີມກໍຫຼິ້ນໄດ້ສະບາຍໃຈຂຶ້ນ.

      ບໍ່ມີດາວດັງຫຼາຍຈາກທີມໃຫຍ່

      ທີ່ຜ່ານມາ ອັງກິດມັກມີດາວດັງມາຈາກທີມໃຫຍ່ທັງນັ້ນ ບໍ່ວ່າຈະເປັນ ພອນ ສະໂຄ, ເດວິດ ເບັກແຮມ ຈາກ ແມນຯ ຢູໄນເຕັດ, ສະຕີເວ່ນ ເຈີຣາດ ຈາກລິເວີພູນ ຫຼື ແຟຣງ ແລມພາດ, ຈອນ ເທີຣີ່ ຈາກເຊວຊີ ນັກເຕະເຫຼົ່ານັ້ນຖືກເຫັນວ່າເປັນຕົວຄວາມຫວັງ ເປັນຍຸກເງິນຍຸກທອງ ເປັນອັນໃດຕ່າງໆ ກໍຕາມທີ່ແລ້ວແຕ່ຈະຕັ້ງຊື່ ແຕ່ສຸດທ້າຍທຸກຄົນກໍຕ້ອງແບກຄວາມກົດດັນເອົາໄວ້ ແລະ ມັນກໍຫຼາຍເກີນໄປ ແຕ່ຄາວນີ້ດາວດັງຂອງທີມຊາດອັງກິດ ມາຈາກ ທັອດແນ່ມ ຮັອດສະເປີ ຫຼາຍຄົນ ແຮຣີ່ ເຄນ ຫຼື ເດເລ່ ອັນລີ ການທີ່ບໍ່ໄດ້ມາຈາກທີມໃຫຍ່ ຄວາມຄາດຫວັງເລີຍຫຼຸດລົງ ແຖມຄາວນີ້ຫຼາຍຝ່າຍຍິ່ງບໍ່ຄາດຫວັງອັນໃດຢູ່ແລ້ວ ຍີ່ງເຮັດໃຫ້ພວກເຂົາຫຼິ້ນກັນຢ່າງສະບາຍຕົວຂຶ້ນ.

      ມີ ເຊົາເກດ ເປັນຜູ້ຈັດການ

      ອັນທີ່ຈິງແລ້ວ ແກເຣັດ ເຊົາເກດ ບໍ່ແມ່ນຜູ້ຈັດການທີ່ເກັ່ງ ຝີມືເດັ່ນສະໝອງເພັດອັນໃດຫຼວງຫຼາຍ ຕອນຄຸມລະດັບສະໂມສອນກໍໄປໄດ້ບໍ່ຄ່ອຍດີ ລະດັບເຍົາວະຊົນ ທີມຊາດອັງກິດກໍບໍ່ດີຫຼາຍ ແຕ່ສິ່ງໜຶ່ງທີ່ເຂົາໄດ້ປຽບຜູ້ຈັດການຄົນອື່ນໆ ຄືຮູ້ໄສ້ຮູ້ພຸງບັນດານັກເຕະພວກນີ້ມານານແລ້ວ ສ້າງທີມຈາກຂ້າງໃນມາໂດຍຕະຫຼອດ ມີລະບົບ ມີແບບແຜນໃໝ່ໆ ບໍ່ຈຳເຈ ແລະ ຮູ້ວ່າໃຜຫຼິ້ນອັນໃດໄດ້ຫຼືບໍ່ໄດ້ ການທີ່ເຂົາຮູ້ຈັກທີມມານານ ເຮັດໃຫ້ວາງແຜນໄດ້ເໝາະສົມ ແລະ ຮັດກຸມໄປດ້ວຍ.

      ໂຊກເຂົ້າຂ້າງມາຢູ່ສາຍອ່ອນ

      ນອກຈາກໄດ້ໂຊກເຂົ້າຂ້າງໃນແຕ່ລະເກມ ໄດ້ຈຸດໂທດເລື້ອຍໆແລ້ວ  ເກມສຸດທ້າຍທີ່ພົບກັບແບນຊິກ ຕ້ອງຕັດສິນການເປັນອັນດັບໜຶ່ງຂອງກຸ່ມ ກໍຍັງໂຊກດີທີ່ບໍ່ຊະນະອີກ ເກມນັ້ນສອງຝ່າຍຕ່າງສົ່ງສຳຮອງລົງ ແຕ່ດ້ວຍຄວາມທີ່ຫຼິ້ນກັນໜ້າອຶດອັດທັງຄູ່ ເພາະບໍ່ມີໃຜຢາກຊະນະ ສຸດທ້າຍ ແບນຊິກກໍໄດ້ປະຕູຂຶ້ນນຳຈາກລູກຍິງຂອງ ຢານາໄຊ ທີ່ຖ້າບໍ່ແມ່ນນັດນີ້ຄົງບໍ່ໄດ້ລົງ ເຮັດໃຫ້ອັງກິດໄດ້ໄປຢູ່ສາຍລຸ່ມ ທີ່ບໍ່ມີທີມອະດີດແຊັມໂລກໄປລວມຕົວກັນເໝືອນສາຍເທິງ ຕອນນີ້ ອັງກິດກໍຕ້ອງພົບກັບ ຊູແອັດ ຫາກຜ່ານໄດ້ ກໍຈະເຫຼືອພຽງແຕ່ຣັດເຊຍ ຫຼື ກຣົວຊີ ກໍຈະເຖິງນັດຊິງທັນທີ ບໍ່ຕ້ອງຜ່ານຊາດໃຫຍ່ໆເລີຍ.

      ຍິງຈຸດໂທດຊະນະແລ້ວ

      ທີ່ຜ່ານມາ ການຍິງຈຸດໂທດໃນເຕະບານອັງກິດ ບໍ່ແມ່ນເລື່ອທີ່ພວກເຂົາໃຫ້ຄວາມສຳຄັນເລີຍ ແນ່ນອນໃນລີກບໍ່ມີ ໃນເຕະບານຊີງຂັນຢ່າງ ເອຟເອ ຄັບ ຫາກໍເອົາມາໃຊ້ໃນບໍ່ເທົ່າໃດປີມານີ້ເອງ ແຕ່ກ່ອນກໍສາຍຊໍ້າຄືນກັນໄປກັນມາຕະຫຼອດ ຂະນະທີ່ເວລາມາຫຼິ້ນລາຍການໃຫຍ່ ກວ່າຈະມາຊ້ອມຍິງກັນ ກໍຕ້ອງລໍຖ້າໃຫ້ລອດຮອບທໍາອິດມາກ່ອນ ແຕ່ຄາວນີ້ບໍ່ແມ່ນ ໂຄ໊ຊສັ່ງໃຫ້ຊ້ອມຕັ້ງແຕ່ລາຍການຍັງບໍ່ເລີ່ມ ເຮັດໃຫ້ໄດ້ຊ້ອມນານຈົນບໍ່ແມ່ນພຽງແຕ່ຊຳນານ ແຕ່ໝັ້ນໃຈດ້ວຍ ທັງຄົນຍິງ ຄົນຮັກສາປະຕູ ຈົນມາຮອບ 16 ທີມຄາວນີ້ກໍໄດ້ໃຊ້ເລີຍ ພວກເຂົາດວນກັບ ໂກໂລມບີ ແລ້ວຊະນະໄປໄດ້ 4-3 ຊຶ່ງເປັນການດວນຈຸດໂທດຊະນະເປັນຄັ້ງທໍາອິດໃນປະຫວັດສາດບານໂລກຂອງອັງກິດ.

ຂ່າວທີ່ກ່ຽວຂ້ອງ