ໂຣນັນໂດ ຕົກລົງຮ່ວມທີມຢູເວນຕຸສຮຽບຮ້ອຍ

181 06 ກ.ກ. 2018 ວົງຈອນກີລາ
ໂຣນັນໂດ ຕົກລົງຮ່ວມທີມຢູເວນຕຸສຮຽບຮ້ອຍ

        ສື່ປອກຕຸຍການລະບຸວ່າ ຄຣິສເຕຍໂນ່ ໂຣນັນໂດ ນັກເຕະດາວດັງຂອງ ຣິວ ມາດຣິດ ຕົກລົງແລ້ວທີ່ຈະໂຍກຍ້າຍໄປຮ່ວມທີມ ຢູເວນຕຸສ ຄາດວ່າຮັບຊັບກ້ອນໃຫຍ່ເຖິງ 120 ລ້ານເອີໂຣ.

          ຄຣິສເຕຍໂນ່ ໂຣນັນໂດ ຍອດກອງໜ້າຊາວປອກຕຸຍການຂອງ ຣິວ ມາດຣິດ ສະໂມສອນຍິ່ງໃຫຍ່ແຫ່ງເວທີ ລາ ລີກາ ແອັດສະປາຍ ໄດ້ຕອບຕົກລົງທີ່ຈະເຊັນສັນຍາຍ້າຍໄປຮ່ວມທີມ ຢູເວນຕຸສ ສະໂມສອນແຊັມ ກັນໂຊ່ ເຊເຣຍ ອາ ອິຕາລີ ຮຽບຮ້ອຍ ຕາມລາຍງານຈາກ ໂອ ໂຊໂກ ສື່ກີລາຊັ້ນແນວໜ້າຂອງປອກຕຸຍການ ເມື່ອວັນພຸດທີ 4 ກໍລະກົດທີ່ຜ່ານນມາ.

          ໂອ ໂຊໂກ ຢືນຢັນວ່າ ໂຣນັນໂດ ຈະເກັບເຄື່ອງຂອງຍ້າຍໄປສະແດງຝີຕີນໃນຖິ່ນ ອັນລິອັນ ຫຼັງຈາກທີ່ມີກະແສຂ່າວວ່າ ຢູເວນຕຸສຍອມທຸ່ມເງິນຊື້ຕາມຄ່າຍົກເລີກສັນຍາ 100 ລ້ານເອີໂຣ ແລະ ພ້ອມຈ່າຍຄ່າແຮງໃຫ້ ດາວເຕະທີມຊາດປອກຕຸຍການໄວ 33 ປີ ເຖິງ 120 ລ້ານເອີໂຣ ພາຍໃຕ້ສັນຍາ 4 ປີ.

          ເຊື່ອກັນວ່າ ໂຣນັນໂດ ປະດິເສດທີ່ຈະເຊັນສັນຍາສະບັບໃໝ່ກັບ ຣິວ ມາດຣິດ ຫຼັງຈາກທີ່ບໍ່ມີຄວາມສຸກກັບການໃຊ້ຊີວິດໃນຖິ່ນ ຊານຕິອາໂກ ເບນາເບວ ໂດຍຕອນຕົ້ນ ຄາດກັນວ່າ ແມນເຊສເຕີ ຢູໄນເຕັດ ຕົ້ນສັງກັດເກົ່າ ເປັນທີມຕົວເດງທີ່ຈະໄດ້ຕົວກັບໄປຮ່ວມທີມ

 

ຂ່າວທີ່ກ່ຽວຂ້ອງ