ຂ່າວຫຼ້າສຸດ

ນັກເຕະໂກໂລມບີ ຖືກຂູ່ຂ້າ ຢ້ານຊໍ້າຮອຍຖືກຍິງເໝືອນ "ເອສໂຄບາ"

128 06 ກ.ກ. 2018 ວົງຈອນກີລາ
ນັກເຕະໂກໂລມບີ ຖືກຂູ່ຂ້າ ຢ້ານຊໍ້າຮອຍຖືກຍິງເໝືອນ "ເອສໂຄບາ"

        ສອງນັກເຕະທີມຊາດໂກໂລມບີ ທັງ ຄາລອສ ບັກຄາ ກັບ ມາເທອຸສ ອູຣິເບ ກຳລັງຕົກເປັນເປົ້າໝາຍຂອງກອງເຊຍບານຫົວຮຸນແຮງ ຫຼັງພົບຂໍ້ຄວາມຂົ່ມຂູ່ເອົາຊີວິດຈາກການຕົກຮອບ 16 ທີມສຸດທ້າຍ ເຕະບານໂລກ ຢ້ານຊ້ຳຮອຍເຫດການໜ້າໂສກເສົ້າໃນອະດີດທີ່ເຄີຍເກີດຂຶ້ນກັບ ອັນເດຣສ ເອສໂຄບາ ເມື່ອປີ 1994.

          ໂກໂລມບີແຂ່ງຂັນຮອບຕັດເຊືອກດ່ານທໍາອິດພົບກັບ ອັງກິດ ສະເໝີກັນໃນເວລາ 1-1 ຕ້ອງດວນຈຸດໂທດຕັດສິນ ກ່ອນເປັນທີມຊາດອັງກິດທີ່ຄວ້າໄຊ 4-3 ໂດຍຝັ່ງ ໂກໂລມບີຍິງພາດ 2 ຄົນກໍຄື ອູຣິເບ ກັບ ບັກຄາ ສົ່ງຜົນໃຫ້ທີມຕົກຮອບ ແລະ ມີກອງເຊຍບານບາງສ່ວນອາຄາດແຄ້ນຈົນຕ້ອງຂຽນຂໍ້ຄວາມຂູ່ຂ້າທາງອອນລາຍ.

          ຜູ້ໃຊ້ທວິດເຕີຄົນໜຶ່ງ ຊື່ ດາວິດ ຄາສຕາເນດາ ຂຽນວ່າ "ຕາຍຊະ ຄາລອສ ບັກຄາ ບໍ່ມີໃຜຢາກໃຫ້ມຶງຢູ່ ຢ່າກັບມາທີ່ນີ່ອີກ" ສ່ວນອີກຄົນຢ່າງ ຈອນ ດູເກສໂມ ຂຽນວ່າ "ຂອບໃຈນັກເຕະທຸກຄົນ ຍົກເວັ້ນບາງຄົນທີ່ໄຮ້ຄ່າ ຕາຍໄປຊະ ຄາລອສ ບັກຄາ ຢ່າກັບມາທີ່ນີ່"

           ສໍາລັບທີມຊາດໂກໂລມບີ ປັດຈຸບັນເກັບເຄື່ອງຂອງກັບປະເທດແລ້ວ ແຕ່ວ່າອາດຕ້ອງມີການຄຸ້ມກັນເປັນພິເສດຈາກທາງເຈົ້າໜ້າທີ່ ດ້ວຍຄວາມກັງວົນວ່າອາດເກີດໂສກນາດຕະກໍາຊ້ຳຮອຍ ບານໂລກ ປີ 1994 ທີ່ ອັນເດຣສ ເອສໂຄບາ ເຮັດພາດເຂົ້າປະຕູຕົວເອງໃນເກມພ່າຍແພ້ ສະຫະລັດອາເມຣິກາ ເຈົ້າພາບ 1-2 ຈົນທີມຕົກຮອບ ແລະ ຖືກກອງເຊຍບານຫົວຮຸນແຮງຍິງເສຍຊີວິດຫຼັງກັບເຖິງບ້ານ 10 ວັນຕໍ່ມາ.

ຂ່າວທີ່ກ່ຽວຂ້ອງ