ຂ່າວຫຼ້າສຸດ

ສະຫຼອງວັນສ້າງຕັ້ງສະຫະພັນແມ່ຍິງລາວ ຈະຈັດໃຫ້ມີຫຼາຍກິດຈະກຳ

207 06 ກ.ກ. 2018 ຂ່າວໜ້າ​ໜຶ່ງ
ສະຫຼອງວັນສ້າງຕັ້ງສະຫະພັນແມ່ຍິງລາວ ຈະຈັດໃຫ້ມີຫຼາຍກິດຈະກຳ

    ທ່ານ ນາງ​ບັນ­ດິດ ປະ­ທຸມ​ວັນ ຮອງ​ປະ­ທານ​ສູນ​ກາງ​ສະ­ຫະ­ພັນ​ແມ່­ຍິງ​ລາວ ໄດ້​ກ່າວ​ຖະ­ແຫຼງ​ຕໍ່​ສື່​ມວນ​ຊົນ ວັນ​ທີ 5 ກໍ­ລະ­ກົດ 2018 ທີ່ ສສຍລ ວ່າ: ເພື່ອ​ເຮັດ​ໃຫ້­ການ​ສະ­ເຫຼີມ­ສະ­ຫຼອງ​ວັນ​ສ້າງ­ຕັ້ງ​ອົງ​ການ­ຈັດ­ຕັ້ງ​ສະ­ຫະ­ພັນ​ແມ່­ຍິງ​ລາວ ຄົບ ຮອບ 63 ປີ (20/7/1955-20/7/2018) ໃນ​ປີ​ນີ້ ມີ​ຄວາມ​ໝາຍ​ເນື້ອ​ໃນ​ເລິກ­ເຊິ່ງ ເປັນ​ຂະ​ບວນ​ການ​ຟົດ­ຟື້ນ ແລະ ກວ້າງ­ຂວາງ ເຊິ່ງ ສສຍລ ຈະ​ຈັດ​ໃຫ້​ມີ​ຫຼາຍ​ກິດ­ຈະ­ກຳ​ເພື່ອ​ສະ­ຫຼອງ​ວັນ​ສຳ­ຄັນ​ດັ່ງ­ກ່າວ​ຄື: ສຳ­ລັບ​ສູນ​ກາງ​ສະ­ຫະ­ພັນ​ແມ່­ຍິງ​ລາວ ໃນ​ຕອນ​ເຊົ້າ​ຂອງ​ວັນ​ທີ 13 ກໍ­ລະ­ກົດ 2018 ຈະ​ໄດ້​ວາງ​ກະ­ຕ່າ​ດອກ​ໄມ້​ທີ່​ອະ­ນຸ­ສອນ​ສະ­ຖານ​ປະ­ທານ ໄກ­ສອນ ພົມ­ວິ­ຫານ ແລະ ປະ­ທານ ສຸ​ພາ­ນຸ​ວົງ ຫຼັງ​ຈາກ​ນັ້ນ ກໍ່​ຈະ​ມີ​ການ​ຈັດ​ກິດ­ຈະ­ກຳ ພາຍ​ໃຕ້​ຫົວ­ຂໍ້: “ແມ່­ຍິງ​ກັບ​ການ​ອະ­ນຸ​ຮັກ​ວັດ­ທະ­ນະ­ທຳ​ສູ່​ປີ​ທ່ອງ​ທ່ຽວ​ລາວ ການ​ຮັກ­ສາ​ສິ່ງ­ແວ­ດລ້ອມ​ສີ­ຂຽວ ແລະ ຍືນ​ຍົງ” ທີ່​ສູນ​ອົບ­ຮົມ​ແມ່­ຍິງ​ລາວ ໂດຍ​ຮ່ວມ​ກັບ​ສະ­ຫະ­ພັນ​ແມ່­ຍິງ​ກະ­ຊວງ ຖວ​ທ ກະ­ຊວງ​ປ້ອງ​ກັນ​ປະ­ເທດ ກະ­ຊວງ​ຊັບ­ພະ­ຍາ­ກອນ ທຳ​ມະ​ຊາດ ແລະ ສິ່ງ­ແວ­ດລ້ອມ ກະ­ຊວງ​ກະ­ສິ­ກຳ ແລະ ປ່າ­ໄມ້ ແລະ ສະ­ຫະ­ພັນ​ແມ່­ຍິງ​ນະ­ຄອນ­ຫຼວງ​ວຽງ​ຈັນ ເຊິ່ງ​ພາຍ​ໃນ​ງານ​ຈະ​ມີ​ການ­ສະ­ແດງ​ວັດ­ທະ­ນະ­ທຳ​ຂອງ​ແມ່­ຍິງ​ລາວ​ບັນ­ດາ­ເຜົ່າ ງານ​ຕະ­ຫຼາດ­ນັດ​ແບບ​ພື້ນ​ບ້ານ (ໂລະ​ລາດ) ທີ່​ມີ​ກາ­ນວາງ­ສະ­ແດງ ແລະ ຈຳ­ໜ່າຍ​ຜະ­ລິດ​ຕະ​ພັນ​ທີ່​ຜະ­ລິດ​ໂດຍ​ແມ່­ຍິງ​ລາວ ການ​ຟ້ອນ​ຢ້ອນ​ຍຸກ ກອງ​ເຊີ້ງ ການ​ແຂ່ງ­ຂັນ​ກີ­ລາ​ແບບ​ພື້ນ​ບ້ານ​ຕິດ​ພັນ​ກັບ​ການ​ຮັກ­ສາ​ສິ່ງ­ແວ­ດລ້ອມ ເປັນ­ຕົ້ນ ການ​ແຂ່ງ­ຂັນ​ຫໍ່​ເຂົ້າ­ຕົ້ມ ຝັດ​ເຂົ້າ ຈັດ​ດອກ​ໄມ້ ເຕັ້ນ​ເຊືອກ ໂຍນ​ກະ­ຕໍ້​ໃສ່​ກະ­ຕ່າ​ຫວາຍ ຍ່າງ​ເທິງ​ກະ­ໂປະ​ໝາກ­ພ້າວ ພິ­ເສດ​ແມ່ນ​ຈະ​ມີ​ການ​ໃຫ້​ຄວາມ​ຮູ້ ແລະ ກວດ​ທາດ​ນ້ຳ­ຕານ ພະ­ຍາດ​ຕັບ B ແລະ C ໂດຍ​ບໍ່​ເສຍ​ຄ່າ ແລະ ວັນ​ທີ 19 ກໍ­ລະ­ກົດ 2018 ຈະ​ຮ່ວມ​ກັບ​ສະ­ຫະ­ພັນ​ແມ່­ຍິງ​ກະ­ຊວງ​ປ້ອງ​ກັນ​ປະ­ເທດ ຈັດ​ພິ­ທີ​ໂຮມ​ຊຸມ­ນຸມ​ສະ­ເຫຼີມ­ສະ­ຫຼອງ​ວັນ​ສ້າງ­ຕັ້ງ​ສະ­ຫະ­ພັນ​ແມ່­ຍິງ​ລາວ ຄົບ­ຮອບ 63 ປີ ເພື່ອ​ຫວນ​ຄືນ​ມູນ­ເຊື້ອ ແລະ ຜົນ­ສຳ­ເລັດ​ຕ່າງໆ​ຂອງ​ແມ່­ຍິງ​ລາວ ທີ່​ສະ­ໂມ­ສອນ​ກະ­ຊວງ​ປ້ອງ​ກັນ​ປະ­ເທດ.

ຂ່າວທີ່ກ່ຽວຂ້ອງ