ຄະນະ​ກຳມະການ​ຕໍ່ຕ້ານ​ການ​ສໍ້​ລາດ​ບັງ​ຫຼວງ​ຂອງ​ມາ​ເລ​ເຊຍ​ຈັບ​ກຸມ​ອະດີດ​ນາຍົກລັດຖະມົນຕີ​ຣາ​ຊັກ

231 05 ກ.ກ. 2018 ຂ່າວໜ້າ​ໜຶ່ງ
ຄະນະ​ກຳມະການ​ຕໍ່ຕ້ານ​ການ​ສໍ້​ລາດ​ບັງ​ຫຼວງ​ຂອງ​ມາ​ເລ​ເຊຍ​ຈັບ​ກຸມ​ອະດີດ​ນາຍົກລັດຖະມົນຕີ​ຣາ​ຊັກ

   ສື່ສານ​ໃນ​ມາ​ເລ​ເຊຍ ລາຍ​ງານ​ວ່າ ໃນ​ຕອນ​ແລງ​ຂອງ​ວັນ​ທີ 3 ກໍລະກົດ​ນີ້ ຄະນະ​ກຳມະການ ຕໍ່ຕ້ານ​ການ​ສໍ້​ລາດ​ບັງ​ຫຼວງ​ຂອງ​ມາ​ເລ​ເຊຍ (MACC) ໄດ້​ຈັບ​ກຸມ​ອະດີດ​ນາຍົກລັດຖະມົນຕີ ນາ​ຈິບ ຣາ​ຊັກ ຢູ່​ທີ່​ເຮືອນ​ພັກ​ຂອງ​ເຂົາ ຢູ່​ທີ່ ລັງ​ກາກ ດູ​ຕາ.

    ທະນາຍຄວາມ​ຂອງ​ຄອບຄົວ​ທ່ານ ຣາ​ຊັກ ກໍ​ໄດ້​ຢັ້ງຢືນ​ຂໍ້​ມູນ​ຂ່າວສານ​ດັ່ງກ່າວ​ເຊັ່ນ​ກັນ ພ້ອມ​ທັງ​ໃຫ້​ຮູ້​ວ່າ ເປັນ​ໄປ​ໄດ້​ທີ່​ທ່ານ ຣາ​ຊັກ ຈະ​ຖືກ​ໄຕ່​ສວນ​ໃນ​ວັນ​ທີ 4 ກໍລະກົດ​ນີ້. ໃນ​ຂະນະ​ດຽວ​ກັນ ໜ່ວຍ​ງານ​ປ້ອງ​ກັນ​ຂອງ​ທ່ານ ຣາ​ຊັກ ກໍ​ໄດ້​ຢັ້ງຢືນ​ການ​ຈັບ​ກຸມ​ດັ່ງກ່າວ​ຕໍ່​ໜັງສືພິມ  Free Malaysia Today ໃນ​ຂະນະ​ທີ່​​ີ​ແຫຼ່ງ​ຂ່າວ​ຈາກ​ໜັງສືພິມ The Star ໃຫ້​ຮູ້​ວ່າ ທ່ານ ຣາ​ຊັກ ພວມ​ຖືກ​ກັກ​ຕົວ​ຢູ່​ໃນ MACC.

    ກ່ອນ​ໜ້າ​ນັ້ນ ທ່ານ​ຣາ​ຊັກ ໄດ້​ຖືກ​ສືບສວນ​ສອບ​ສວນ ໃນ​ຂໍ້​ຫາ​ວ່າ​ທ່ານ​ນຳ​ໃຊ້​ເງິນ​ໄປ​ໃນ​ທາງ ທີ່​ບໍ່​ຖືກຕ້ອງ​ຈຳນວນ​ຫຼາຍ​ຕື້​ໂດ​ລາ​ສະຫະລັດ ຈາກ​ກອງ​ທຶນ 1MDB ທີ່​ທ່ານ​ເອງ​ສ້າງຕັ້ງ​ຂຶ້ນ​ມາ ອັນ​ໄດ້​ນຳໄປ​ສູ່​ການ​ສືບສວນ​ກ່ຽວ​ກັບ​ການ​ຟອກ​ເງິນ​ຢູ່​ໃນ​ຫຼາຍ​ປະເທດ. ກອງ​ກຳລັງ​ຮັບຜິດຊອບ​ພິເສດ ກ່ຽວ​ກັບ​ກໍລະນີ​ຫຍຸ້ງ​ເຫຍືອງ 1MDB ກໍ​ແຈ້ງ​ໃຫ້​ຮູ້​ວ່າ​ໄດ້​ປິດ​ລ້ອມ 408 ບັນຊີ​ການ​ເງິນ​ໃນ​ທະນາຄານ ໂດຍ​ມີ​ຍອດ​ຈຳນວນ​ເງິນ​ປະມານ 1,1 ຕື້​ຣິງ​ກິດ (ເທົ່າ​ກັບ 272,4 ລ້ານ​ໂດ​ລາ​ສະຫະລັດ). ບັນຊີ​ການ​ເງິນ​ເຫຼົ່ານັ້ນ ມີ​ການ​ພົວພັນ​ເຖິງ​ບຸກຄົນ 81 ຄົນ ແລະ 55 ບໍລິສັດ ທີ່​ຖືກ​ຖື​ວ່າ​ໄດ້​ຮັບ ເງິນ​ຈາກ 1MDB.

    ຫຼ້າ​ສຸດ ຂ່າວສານ ຣອຍ​ເຕີ ລາຍ​ງານ​ວ່າ ວັນ​ທີ 4 ກໍລະກົດ​ນີ້ ທ່ານ ຣາ​ຊັກ ໄດ້​ປະຕິເສດ​ຕໍ່​ການ​ຍອມຮັບ​ໂທດ ສຳລັບ​ການ​ກ່າວ​ຫາ 3 ກະ​ໂທງ​ທີ່​ເປັນ​ການ​ລະເມີດ ເມີດ​ທາງ ອາຍາ​ກ່ຽວ​ກັບ​ຄວາມ​ເຊື່ອ​ຖື ແລະ​ການ​ກ່າວ​ຫາ​ອີກ 1 ກະ​ໂທງ​ກ່ຽວ​ກັບ​ການ​ສວາຍ​ໃຊ້​ອຳນາດ.

 

ຂ່າວທີ່ກ່ຽວຂ້ອງ