ອາ​ຣາ​ບີ ຊາ​ອຸ​ດິດ ມີ​ຄວາມ​ພ້ອມ​ໃນ​ການ​ເພີ່ມ​ເຕີມ​ນ້ຳມັນ​ເຂົ້າ​ສູ່​ຕະຫຼາດ

215 05 ກ.ກ. 2018 ຂ່າວໜ້າ​ໜຶ່ງ
ອາ​ຣາ​ບີ ຊາ​ອຸ​ດິດ ມີ​ຄວາມ​ພ້ອມ​ໃນ​ການ​ເພີ່ມ​ເຕີມ​ນ້ຳມັນ​ເຂົ້າ​ສູ່​ຕະຫຼາດ

   ຂ່າວສານ AFP ລາຍ​ງານ​ວ່າ ຄະນະ​ລັດຖະບານ​ຂອງ​ອາ​ຣາ​ບີ ຊາ​ອຸ​ດິດ ແຈ້ງ​ໃຫ້​ຮູ້​ຢູ່​ໃນ ກອງ​ປະຊຸມ​ລາຍການ​ໜຶ່ງ ໂດຍ​ມີ​ກະສັດ ຊາ​​ລ​ມານ ເປັນ​ປະທານ ວ່າ  ອາ​ຣາ​ບີ ຊາ​ອຸ​ດິດ ທີ່​ເປັນ​ປະເທດ​ຜູ້​ສົ່ງ​ອອກ​ນ້ຳມັນ​ອັນ​ດັບ​ແຖວ​ໜ້າ​ຂອງ​ໂລກ​ນັ້ນ ພ້ອມ​ທີ່​ຈະ​ໃຊ້​ກຳລັງ​ຄວາມ​ສາມາດ ໃນ​ການ​ຜະລິດ​ນ້ຳມັນ​ສຳຮອງ​ຂອງ​ຕົນ ຊຶ່ງ​ຄາດ​ວ່າ​ມີ​ເຖິງ 2 ລ້ານ​ບາ​ເຣນ ເພື່ອ​ໃຊ້​ເຂົ້າ​ໃນ​ການ ສ້າງ​ຄວາມ​ສົມ​ດຸນ​ຢູ່​ໃນ​ຕະຫຼາດ​ນ້ຳມັນ​ທົ່ວ​ໂລກ.

    ການເຄື່ອນໄຫວ​ດັ່ງກ່າວ​ຂອງ​ອາ​ຣາ​ບີ ຊາ​ອຸ​ດິດ ນັບ​ວ່າ​ເປັນ​ສິ່ງ​ບົ່ງ​ບອກ​ທີ່​ຈະ​ແຈ້ງວ່າ​ປະເທດ​ນີ້ ມີ​ຄວາມ​ເຂັ້ມ​ງວດ​ໃນ​ການ “ຫຼຸດຜ່ອນ​ຄວາມ​ຮ້ອນ​ແຮງ” ຂອງ​ລາຄາ​ນ້ຳມັນ ຫຼັງ​ຈາກ​ທີ່​ບັນດາ​ປະເທດ ຜູ້​ບໍລິໂພກ​ນ້ຳມັນ​ຊັ້ນ​ນຳ ເຊັ່ນ ສ ອາ​ເມ​ຣິ​ກາ ຈີນ ແລະ ອິນ​ເດຍ ສະແດງ​ຄວາມ​ກັງວົນ​ວ່າ ລາຄາ​ນ້ຳມັນ​ຈະ​ເພີ່ມ​ຂຶ້ນ​ສູງ​ເກີນ​ໄປ ແລະ​ໄວ​ເກີນ​ໄປ.

 

ຂ່າວທີ່ກ່ຽວຂ້ອງ