ຂ່າວຫຼ້າສຸດ

ສະພາບອາກາດຢູ່ຫຼາຍພາກຍັງສືບຕໍ່ຮ້ອນ

139 05 ກ.ກ. 2018 ຂ່າວໜ້າ​ໜຶ່ງ

    ອີງ​ຕາມ​ການ​ລາຍ​ງານ​ຂອງ​ກົມ​ອຸ­ຕຸ­ນິ­ຍົມ ແລະ ອຸ​ທົກ​ກະ​ສາດ ກະ­ຊວງ​ຊັບ­ພະ­ຍາ­ກອນ ທຳ​ມະ​ຊາດ ແລະ ສິ່ງ­ແວ­ດລ້ອມ ໃຫ້​ຮູ້​ວ່າ: ໃນ​ໄລ­ຍະ​ວັນ​ທີ 2-8 ກໍ­ລະ­ກົດ 2018 ຄວາມ​ກົດ​ດັນ​ຕ່ຳ​ຂອງ​ອາ­ກາດ​ຮ້ອນ​ໄດ້​ມີ​ກຳ­ລັງ​ແຮງ​ເພີ່ມ​ຂຶ້ນ​ປົກ​ຄຸມ​ຢູ່​ທົ່ວ​ທຸກ​ພາກ​ຂອງ​ປະ­ເທດ​ລາວ​ດ້ວຍ​ກຳ­ລັງ​ປານ​ກາງ ພ້ອມ​ດຽວ​ກັນ​ນັ້ນ​ກະ­ແສ​ລົມ​ຕາ­ເວັນ­ຕົກ-ຕາ­ເວັນ­ຕົກ​ສຽງ​ໃຕ້​ຍັງ​ພັດ​ປົກ​ຄຸມ ເຊິ່ງ​ໄດ້​ເຮັດ​ໃຫ້​ອາ­ກາດ​ຮ້ອນ​ຂຶ້ນ​ຕື່ມ​ອີກ​ຢູ່​ແຕ່​ລະ​ພາກ​ຄື: ພາກ​ກາງ​ມີ​ເຝື້ອ​ປົກ​ຄຸມ​ເປັນ​ບາງ​ສ່ວນ ອາ­ກາດ​ຍັງ​ຈະ​ຮ້ອນ ແລະ ຈະ​ມີ​ຝົນ­ຕົກ ຟ້າ­ຮ້ອງ ຟ້າ​ເຫຼື້ອມ ໃນ​ລະ­ດັບ​ຄ່ອຍ ພ້ອມ​ຈະ​ມີ​ລົມ​ພັດ​ແຮງ​ຢູ່​ບາງ​ທ້ອງ­ຖິ່ນ ອຸນ­ຫະ­ພູມ​ຕ່ຳ​ສຸດ 23-25 ອົງ­ສາ ແລະ ສູງ​ສຸດ 31-36 ອົງ­ສາ ແຂວງ​ໄຊ​ສົມ­ບູນ ອາ­ກາດ​ເຢັນ​ໃນ​ຕອນ​ກາງ­ຄືນ​ຫາ​ຕອນ​ເຊົ້າ ແລະ ຈະ​ມີ​ຝົນ­ຕົກ​ໃນ​ລະ­ດັບ​ຄ່ອຍໆ​ຢູ່​ທົ່ວ​ໄປ ພ້ອມ​ທັງ​ມີ​ລົມ​ພັດ​ແຮງ​ໃນ​ບາງ​ໂອ­ກາດ ອຸນ­ຫະ­ພູມ​ຕ່ຳ​ສຸດ 19-21 ອົງ­ສາ ແລະ ສູງ​ສຸດ 27-29 ອົງ­ສາ.

    ພາກ​ໃຕ້ ມີ​ເຝື້ອ​ປົກ​ຄຸມ​ເປັນ​ບາງ​ສ່ວນ ອາ­ກາດ​ຍັງ​ຈະ​ຮ້ອນ ແລະ ຈະ​ມີ​ຝົນ­ຕົກ ຟ້າ­ຮ້ອງ ຟ້າ​ເຫຼື້ອມ​ໃນ​ລະ­ດັບ​ຄ່ອຍ ແລະ ຕົກ​ປານ​ກາງ​ເປັນ​ບາງ​ໂອ­ກາດ ພ້ອມ​ທັງ​ມີ​ລົມ​ພັດ​ແຮງ​ຢູ່​ບາງ​ທ້ອງ­ຖິ່ນ ແຂວງ​ຈຳ­ປາ​ສັກ ສາ­ລະ​ວັນ ເຊ​ກອງ ແລະ ແຂວງ​ອັດ​ຕະ​ປື ອຸນ­ຫະ­ພູມ​ຕ່ຳ​ສຸດ 23-25 ອົງ­ສາ ແລະ ສູງ​ສຸດ 33-35 ອົງ­ສາ ສະ­ເພາະ​ເຂດ​ພູ​ພຽງ​ບໍ​ລະ​ເວນ ອາ­ກາດ​ຈະ​ເຢັນ​ຫາ​ໜາວ​ເຢັນ ແລະ ຈະ​ມີ​ຝົນ­ຕົກ ຟ້າ­ຮ້ອງ ຟ້າ​ເຫຼື້ອມ​ໃນ​ລະ­ດັບ​ຄ່ອຍ ແລະ ຕົກ​ປານ​ກາງ ພ້ອມ​ມີ​ລົມ​ພັດ​ແຮງ​ຢູ່​ບາງ​ບໍ­ລິ­ເວນ ອຸນ­ຫະ­ພູມ​ຕ່ຳ​ສຸດ 14-16 ອົງ­ສາ ແລະ ສູງ​ສຸດ 25-27 ອົງ­ສາ.

    ສຳ­ລັບ​ຢູ່​ນະ­ຄອນ­ຫຼວງ​ວຽງ​ຈັນ ມີ​ເຝື້ອ​ປົກ​ຄຸມ​ເປັນ​ບາງ​ສ່ວນ ອາ­ກາດ​ຍັງ​ຈະ​ຮ້ອນ ແລະ ຈະ​ມີ​ຝົນ­ຕົກ​ຟ້າ­ຮ້ອງ ຟ້າ​ເຫຼືອມ ໃນ​ລະ­ດັບ​ຄ່ອຍ​ຢູ່​ບາງ​ບໍ­ລິ­ເວນ ພ້ອມ​ຈະ​ມີ​ລົມ​ພັດ​ແຮງ​ເປັນ​ບາງ​ໂອ­ກາດ ອຸນ­ຫະ­ພູມ​ຕ່ຳ​ສຸດ 25-27 ອົງ­ສາ ແລະ ສູງ​ສຸດ 34-36 ອົງ­ສາ ຄາດ​ຄະ­ເນ​ສະ­ພາບ​ລະ­ດັບ​ນ້ຳ­ຂອງ ແລະ ສາ­ຂາ​ແມ່­ນ້ຳ​ໃນ​ໜຶ່ງ​ອາ­ທິດ​ຕໍ່­ໜ້າ​ຈະ​ມີ​ທ່າ​ອ່ຽງ​ຫຼຸດ​ລົງ​ເລັກ​ນ້ອຍ.

ຂ່າວທີ່ກ່ຽວຂ້ອງ