ຂ່າວຫຼ້າສຸດ

ປະທານ ລາ ລີກາ ວິຈານສະຫະພັນເຕະບານແອັດສະປາຍ ທີ່ປົດ ໂລເປເຕກີ

182 05 ກ.ກ. 2018 ວົງຈອນກີລາ
ປະທານ ລາ ລີກາ ວິຈານສະຫະພັນເຕະບານແອັດສະປາຍ ທີ່ປົດ ໂລເປເຕກີ

     ທ່ານຄາເບຍ ເຕບາສ  ປະທານຂອງລາ ລີກາ  ວິຈານການຕັດສິນໃຈຂອງສະຫະພັນເຕະບານແອັດສະປາຍ ທີ່ປົດ ຄູເລນ ໂລເປເຕກີ ອອກຈາກຕຳແໜ່ງຜູ້ຈັດການກ່ອນເຕະບານໂລກ.

     ທ່ານ ຫຼຸຍ ຣູເບຍເລສ ປະທານສະຫະພັນເຕະບານແອັດສະປາຍ ໄດ້ຕັດສິນໃຈປົດໂລເປເຕກີອອກຈາກຕຳແໜ່ງ ຫຼັງປະກາດຮັບໜ້າທີ່ກັບ ຣິວ ມາດຣິດ ໂດຍບໍ່ໄດ້ຂໍອະນຸຍາດຈສກສະຫະພັນກ່ອນ.

     "ມັນເປັນວັນທີ່ໜ້າເສົ້າສໍາລັບເຕະບານແອັດສະປາຍ (ທີ່ຕົກຮອບເຕະບານໂລກ) ທ່ານ ເຕບາສ ກ່າວ     "ເຮົາມີຄວາມຄາດຫວັງສູງກວ່າຮອບນີ້ຫຼາຍ ແລະ ເຮົາເຊື່ອໝັ້ນໃນຄຸນະພາບຂອງທີມ".

     "ມັນເປັນໄປບໍ່ໄດ້ທີ່ຈະຮູ້ວ່າການອໍາລາທີມຂອງໂລເປເຕກີ ສົ່ງຜົນເສຍຫຼືບໍ່ ແຕ່ການຕັດສິນໃຈ (ປົດເຂົາ)ເຫັນວ່າຮີບຮ້ອນເກີນໄປ ບໍ່ວ່າ ຣິວ ມາດຣິດ ຈະເຮັດອັນໃດກໍຕາມ".

     "ອະນາຄົດຂອງ ໂຣນັນໂດຫຼື ? ແນ່ນອນວ່າເຂົາເປັນນັກເຕະອັນດັບສູງສຸດ 2 ຄົນຂອງໂລກ ແລະ ໃນຕຳແໜ່ງຂອງຂ້ອຍ ແນ່ນອນວ່າຂ້ອຍຕ້ອງການໃຫ້ນັກເຕະທີ່ດີທີ່ສຸດລົງຫຼິ້ນໃນແອັດສະປາຍຕໍ່ໄປ".

ຂ່າວທີ່ກ່ຽວຂ້ອງ