ຂ່າວຫຼ້າສຸດ

5 ຂັ້ນຕອນຊື້ລົດນິດສັນໄດ້ໄວ

269 04 ກ.ກ. 2018 ຫົວຂໍ້ຂ່າວອື່ນໆ
5 ຂັ້ນຕອນຊື້ລົດນິດສັນໄດ້ໄວ

ຂັ້ນ​ຕອນ 1: ຄົ້ນ​ຫາ​ຕົວ​ລົດ ແລະ ເລືອກ​ອອບ​ຊັ້ນ​ຕ່າງໆ​ທີ່​ທ່ານ​ຕ້ອງ­ການ

ຊື້​ລົດ​ໃໝ່​ແມ່ນ​ບາດ­ກ້າວ​ທີ່​ໃຫຍ່ ແຕ່​ບໍ່​ແມ່ນ​ສິ່ງ​ທີ່​ໜ້າ​ຢ້ານ​ກວ່າ. ທັງ​ໝົດ​ທີ່​ທ່ານ​ຕ້ອງ​ເຮັດ​ແມ່ນ​ຊອກ​ຫາ​ປະ­ເພດ, ຫາ​ຫ້ອງ​ຂາຍ​ລົດ, ກວດ​ເຊັກ​ລາ­ຄາ ແລະ ເຈລະ­ຈາ​ຊື້​ລົດ​ໃໝ່​ຂອງ​ທ່ານ.

ຖ້າ​ຍັງ​ບໍ່​ແນ່​ໃຈ​ວ່າ​ລົດ​ລຸ້ນ​ໃດ​ທີ່​ທ່ານ​ຕ້ອງ­ການ? ໃນ​ເວ­ລາ​ນັ້ນ ເຂົ້າ​ໄປ​ຫາ​ສູນ​ນິດ​ສັນ​ຂອງ​ພວກ​ເຮົາ ທີ່​ປຶກ­ສາ​ການ​ຂາຍ­ຂອງ​ພວກ​ເຮົາ​ຈະ​ຊ່ວຍ​ທ່ານ​ຮຽນ​ຮູ້​ຟີດ​ເຈີ ແລະ ອ໋ອບ​ຊັນ​ຕ່າງໆ​ຂອງ​ລົດ​ພວກ​ເຮົາ​ໄດ້​ຫລາຍ​ຂຶ້ນ.

 

ຂັ້ນ​ຕອນ 2: ຄົ້ນ​ຫາ ແລະ ທົດ​ລອງ​ຂັບ​ຂີ່

ເມື່ອ​ທ່ານ​ຢູ່​ທີ່​ຫ້ອງ​ຂາຍ​ລົດ:

ທົດ​ລອງ​ຂັບ​ຂີ່ ແລະ ຮຽນ​ຮູ້ ສຳ­ຜັດ​ກັບ​ຕົວ​ລົດ ເພື່ອ​ໃຫ້​ເຂົ້າ­ໃຈ​ຫລາຍ​ຂຶ້ນ.

ເອົາ​ຄອບ­ຄົວ​ຂອງ​ທ່ານ​ໄປ​ພ້ອມ ເພື່ອ​ທົດ​ສອບ​ຄວາມ​ເໝາະ​ສົມ​ໃນ​ຕົວ​ລົດ ແລະ ເບິ່ງ​ວ່າ ລົດ​ຈະ​ສາ­ມາດ​ຮັບ​ມື​ກັບ​ປະ­ເພດ​ຫົນ­ທາງ​ຫລາຍ​ລະ­ດັບ​ຕ່າງ​ກັນ​ໄດ້​ແນວ­ໃດ.

ຖາມ​ຕົວ​ທ່ານ​ເອງ​ວ່າ: ປຸ່ມ​ຄວບ​ຄຸມ​ຕ່າງໆ​ແມ່ນ​ໃຊ້​ງ່າຍ​ຫລື​ບໍ່? ລົດ​ເໝາະ​ສົມ​ກັບ​ຄວາມ​ຕ້ອງ­ການ​ຂອງ​ທ່ານ​ແລ້ວ​ບໍ່?

 

ຂັ້ນ​ຕອນ 3: ໄດ້​ລາ­ຄາ​ຂາຍ&ຕອບ​ຕົກ­ລົງ​ເຮັດ​ສັນ­ຍາ​ຊື້

ເມື່ອ​ທ່ານ​ມີ​ລົດ​ນິດ​ສັນ​ເປົ້າ​ໝາຍ​ແລ້ວ, ມັນ​ເປັນ​ເວ­ລາ​ທີ່​ຈະ​ເນັ້ນ​ໃສ່​ການ​ໄດ້​ລາ­ຄາ​ທີ່​ເໝາະ​ສົມ. ພວກ​ເຮົາ​ແນະ­ນຳ​ໃຫ້​ຖາມ​ຂໍ​ເອົາ​ລາ­ຄາ​ສຸດ​ທ້າຍ ແລະ ການ​ບໍ­ລິ­ການ​ຫລັງ​ການ​ຂາຍ​ຫລາຍ​ກວ່າ Promotion ທີ່​ມີ​ຢູ່​ໃນ​ປະ­ຈຸ​ບັນ.

ຖ້າ​ລາ­ຄາ,ການ​ຈັດ​ຫາ​ເງິນ​ທຶນ ແລະ ຄ່າ​ທຳ­ນຽມ​ເບິ່ງ​ເໝາະ​ສົມ​ແລ້ວ, ມັນ​ຈະ​ເປັນ​ເວ­ລາ​ທີ່​ຈະ​ຕົກ­ລົງ​ເຮັດ​ສັນ­ຍາ​ຊື້​ຂາຍ ໂດຍ​ການ​ຈ່າຍ​ຄ່າ​ທຳ­ນຽມ​ກ່ອນ​ທຳ​ອິດ.

 

ຂັ້ນ​ຕອນ 4: ທົບ​ທວນ​ສັນ­ຍາ​ຊື້​ຂາຍ ແລະ ກວດ­ກາ​ການ​ຈັດ​ຫາ​ເງິນ​ທຶນກັບ​ທະ­ນາ­ຄານ​ຫຼື​ບໍ­ລິ­ສັດ​ສີນ​ເຊື່ອ

ຫລັງ​ຈາກ​ຈ່າຍ​ຄ່າ​ທຳ­ນຽມ​ຈອງ​ລົດ, ຕອນ​ນີ້​ຄຳ​ຖາມ​ໃຫຍ່​ຂອງ​ທ່ານ​ແມ່ນ​ກ່ຽວ​ພັນ​ກັບ​ການ​ຫາ​ເງິນ​ກູ້​ທະ­ນາ­ຄານ. ລາ­ຄາ​ລົດ​ພ້ອມ​ດ້ວຍ Promotion ບໍ່​ແມ່ນ​ປັດ­ໃຈ​ທີ່​ຕັດ­ສິນ​ຊື້​ຂາຍ​ລົດ​ທີ່​ດີ. ນອກ­ຈາກ​ນີ້, ທ່ານ​ຄວນ​ຈະ​ເບິ່ງ​ທີ່​ອັດ­ຕາ​ດອກ​ເບັ້ຍ​ທະ­ນາ­ຄານ, ໄລ­ຍະ​ເວ­ລາ​ເງິນ​ກູ້ ໂດຍ​ປຽບ­ທຽບ​ກັບ​ທະ­ນາ­ຄານ​ອື່ນໆ​ສອງ​ສາມ​ທະ­ນາ­ຄານ ເພື່ອ​ຕັດ­ສິນ​ວ່າ​ສິ່ງ​ໃດ​ທີ່​ດີ​ທີ່​ສຸດ​ສຳ­ລັບ​ທ່ານ. ພະ­ນັກ­ງານ​ຂາຍ​ພວກ​ເຮົາ​ຈະ​ຊ່ວຍ​ທ່ານ​ເລືອກ​ເອົາ​ແພັກ​ເກັດ​ການ​ຈັດ​ຫາ​ເງິນ​ທຶນ​ຢ່າງ​ເໝາະ​ສົມ.

 

ຂັ້ນ​ຕອນ 5: ຮັບ​ມອບ​ລົດ

ບໍ່​ວ່າ​ທ່ານ​ຈະ​ຮັບ​ມອບ​ລົດ​ຂອງ​ທ່ານ​ຢູ່​ທີ່​ຫ້ອງ​ຂາຍ ຫລື​ບໍ່, ໃຫ້​ທ່ານ​ຍ່າງ​ອ້ອມ​ເບິ່ງ​ລົດ​ຄັ້ງ​ສຸດ​ທ້າຍ, ກວດ­ກາ​ຮອຍ​ບຸ້ມ ຫລື ຮອຍ​ຂູດ ທີ່​ອາດ​ຈະ​ເກີດ​ຂຶ້ນ​ໃນ​ລະ­ຫວ່າງ​ການ​ຂົນ­ສົ່ງ. ສຸດ​ທ້າຍ​ແລ້ວ, ໃຫ້​ພະ­ນັກ­ງານ​ຂາຍ​ພາ​ຍ່າງ­ເລາະ​ເບິ່ງ​ລົດ​ໃໝ່​ຂອງ​ທ່ານ. ນີ້​ຈະ​ລວມ​ເຖິງ​ການ­ສະ­ແດງ​ອອບ​ຊັ້ນ​ທີ່​ສຳ­ຄັນ​ແລະ ອຸ­ປະ­ກອນ​ຄວາມ​ປອດ​ໄພ​ຕ່າງໆ.

 

ຂໍ​ໃຫ້​ມີ​ຄວາມ­ສຸກ​ໃນ​ການ​ຊື້​ລົດ​ນິດ​ສັນ!

ຂ່າວທີ່ກ່ຽວຂ້ອງ