ຂ່າວຫຼ້າສຸດ

ສະຫາຍ ບຸນຍັງ ວໍລະຈິດ ພ້ອມຄະນະຜູ້ແທນຂັ້ນສູງຂອງພັກ ປປ ລາວ ຢ້ຽມຢາມ ສສ ຫວຽດນາມ

294 04 ກ.ກ. 2018 ຂ່າວໜ້າ​ໜຶ່ງ

ໂດຍ​ຕອບ​ສະ­ໜອງ​ຕາມ​ຄຳ​ເຊີນ​ຂອງ​ສະ­ຫາຍ ຫງວ​ຽນ​ຟູ​ຈ້ອງ ເລ­ຂາ­ທິ­ການ​ໃຫຍ່ ຄະ­ນະ​ບໍ­ລິ­ຫານ​ງານ​ສູນ​ກາງ​ພັກ​ກອມ​ມູ​ນິດ​ຫວຽດ­ນາມ ພ້ອມ​ດ້ວຍ​ພັນ​ລະ​ຍາ ແລະ ສະ­ຫາຍ ເຈິ່ນ​ດ້າຍ​ກວາງ ປະ­ທານ​ປະ­ເທດ ແຫ່ງ ສສ ຫວຽດ­ນາມ ພ້ອມ​ດ້ວຍ​ພັນ​ລະ​ຍາ ສະ­ຫາຍ ບຸນ​ຍັງ ວໍ­ລະ​ຈິດ ເລ­ຂາ­ທິ­ການ​ໃຫຍ່ ຄະ­ນະ​ບໍ­ລິ­ຫານ​ງານ​ສູນ​ກາງ​ພັກ​ປະ­ຊາ­ຊົນ​ປະ­ຕິ­ວັດ​ລາວ ປະ­ທານ​ປະ­ເທດ ແຫ່ງ ສາ­ທາ­ລະ­ນະ​ລັດ ປະ­ຊາ­ທິ­ປະ­ໄຕ ປະ­ຊາ­ຊົນ​ລາວ ພ້ອມ​ດ້ວຍ​ພັນ​ລະ​ຍາ ແລະ ຄະ­ນະ​ຜູ້​ແທນ​ຂັ້ນ​ສູງ​ຂອງ​ພັກ-ລັດ​ລາວ ໄດ້​ຢ້ຽມ­ຢາມ ສສ ຫວຽດ­ນາມ ແຕ່​ວັນ​ທີ 3-7 ກໍ­ລະ­ກົດ 2018 ການ​ຢ້ຽມ­ຢາມ​ຄັ້ງ​ນີ້ ທັງ​ສອງ​ຝ່າຍ​ໄດ້​ແຈ້ງ​ໃຫ້​ກັນ​ຊາບ​ກ່ຽວ​ກັບ​ສະ­ພາບ​ການ​ທີ່​ພົ້ນ​ເດັ່ນ​ຂອງ​ແຕ່​ລະ​ພັກ ແຕ່​ລະ​ປະ­ເທດ ພ້ອມ​ກັນ​ສັງ­ເກດ​ຕີ​ລາ­ຄາ ແລະ ແລກ­ປ່ຽນ​ຄຳ​ຄິດ​ຄຳ​ເຫັນ​ນຳ​ກັນ​ຢ່າງ​ເລິກ­ເຊິ່ງ ກົງ​ໄປ​ກົງ​ມາ​ກ່ຽວ​ກັບ​ການ​ພົວ­ພັນ​ຮ່ວມ​ມື​ລະ­ຫວ່າງ​ສອງ​ພັກ ສອງ​ລັດ​ໃນ​ໄລ­ຍະ​ທີ່​ຜ່ານ​ມາ ແລກ­ປ່ຽນ​ບົດ­ຮຽນ​ໃນ​ວຽກ​ງານ​ກໍ່­ສ້າງ​ພັກ ເພື່ອ​ກະ­ກຽມ​ໃຫ້​ແກ່​ກອງ​ປະ­ຊຸມ​ໃຫຍ່​ຄັ້ງ​ຕໍ່​ໄປ​ຂອງ​ສອງ​ພັກ ສອງ​ຝ່າຍ​ຢືນ­ຢັນ​ຈະ​ສືບ­ຕໍ່​ເພີ່ມ​ທະ­ວີ​ການ​ພົວ­ພັນ​ຮ່ວມ​ມື​ມິດ­ຕະ­ພາບ​ທີ່​ມີ​ມູນ­ເຊື້ອ ຄວາມ​ສາ­ມັກ­ຄີ​ແບບ​ພິ­ເສດ ແລະ ການ​ຮ່ວມ​ມື​ຮອບ­ດ້ານ ລະ­ຫວ່າງ​ສອງ​ພັກ ສອງ​ລັດ ແລະ ປະ­ຊາ­ຊົນ​ສອງ​ຊາດ ລາວ ແລະ ຫວຽດ­ນາມ ໃຫ້​ຂຶ້ນ​ສູ່​ລະ­ດັບ​ສູງ​ໃໝ່ ແລກ­ປ່ຽນ​ທັດ­ສະ­ນະ​ກ່ຽວ​ກັບ​ບັນ­ຫາ​ພາກ​ພື້ນ ແລະ ສາ­ກົນ ພົ້ນ​ເດັ່ນ​ຈຳ ນວນ​ໜຶ່ງ​ທີ່​ສອງ​ຝ່າຍ​ມີ​ຄວາມ​ສົນ­ໃຈ​ຮ່ວມ​ກັນ.

ຂ່າວທີ່ກ່ຽວຂ້ອງ