ຂ່າວຫຼ້າສຸດ

ເຜີຍແຜ່ກົດໝາຍວ່າດ້ວຍລັດຖະບານ ໃຫ້ຜູ້ບໍລິຫານຂັ້ນທ້ອງຖິ່ນ

217 04 ກ.ກ. 2018 ຂ່າວໜ້າ​ໜຶ່ງ
ເຜີຍແຜ່ກົດໝາຍວ່າດ້ວຍລັດຖະບານ ໃຫ້ຜູ້ບໍລິຫານຂັ້ນທ້ອງຖິ່ນ

ຫ້ອງ​ວ່າ­ການ​ສຳ­ນັກ­ງານ​ນາ­ຍົກ­ລັດ­ຖະ­ມົນ­ຕີ ຮ່ວມ​ກັບ ກະ­ຊວງ​ພາຍ​ໃນ ແລະ ກະ­ຊວງ​ຍຸ­ຕິ​ທຳ ຈັດ​ກອງ​ປະ­ຊຸມ​ເຜີຍ­ແຜ່​ກົດ­ໝາຍ​ວ່າ​ດ້ວຍ​ລັດ­ຖະ­ບານ ແລະ ນິ­ຕິ​ກຳ ທີ່​ກ່ຽວ­ຂ້ອງ ຂຶ້ນ​ວັນ​ທີ 3 ກໍ­ລະ­ກົດ 2018 ທີ່​ຫໍ​ປະ­ຊຸມ​ແຫ່ງ​ຊາດ ເປັນ​ປະ­ທານ​ຂອງ​ທ່ານ ຈະ­ເລີນ ເຢຍ​ປາວ​ເຮີ ລັດ­ຖະ­ມົນ­ຕີ​ປະ­ຈຳ​ສຳ­ນັກ­ງານ​ນາ­ຍົກ­ລັດ­ຖະ­ມົນ­ຕີ ມີ​ທ່ານ ສິນ​ລະ​ວົງ ຄຸດ​ໄພ­ທູນ ເຈົ້າ​ຄອງ​ນະ­ຄອນ­ຫຼວງ​ວຽງ​ຈັນ ບັນ­ດາ​ຮອງ​ລັດ­ຖະ­ມົນ­ຕີ ຮອງ​ຫົວ­ໜ້າ​ອົງ­ການ​ທຽບ​ເທົ່າ​ກະ­ຊວງ ຮອງ​ເຈົ້າ​ຄອງ ຮອງ​ປະ­ທານ​ກຳ­ມາ​ທິ​ການ​ສະ­ພາ​ແຫ່ງ​ຊາດ ຫົວ­ໜ້າ​ກົມ ຫົວ­ໜ້າ​ພະ​ແນກ ແລະ ເຈົ້າ­ເມືອງ​ພາຍ​ໃນ​ເຂົ້າ​ຮ່ວມ.

ກອງ​ປະ­ຊຸມ​ເຜີຍ­ແຜ່​ກົດ­ໝາຍ​ວ່າ​ດ້ວຍ​ລັດ­ຖະ­ບານ​ສະ­ບັບ​ປັບ­ປຸງ ປີ 2016 ຈາກ​ທ່ານ ພູ­ທອນ ແກ້ວ​ດວງ​ມະ­ນີ ຫົວ­ໜ້າ​ກົມ​ໂຄ­ສະ­ນາ​ເຜີຍ­ແຜ່​ກົດ­ໝາຍ ກະ­ຊວງ​ຍຸ­ຕິ​ທຳ ດຳ­ລັດ​ວ່າ​ດ້ວຍ​ການ­ຈັດ­ຕັ້ງ ແລະ ການ­ເຄື່ອນ­ໄຫວ​ຂອງ​ຫ້ອງ​ວ່າ­ການ​ສຳ­ນັກ­ງານ​ນາ­ຍົກ­ລັດ­ຖະ­ມົນ­ຕີ ຈາກ​ທ່ານ ຈະ­ເລີນ ເຢຍ​ປາວ​ເຮີ ແລະ ດຳ­ລັດ​ວ່າ​ດ້ວຍ​ການ​ປະ­ສານ​ງານ​ລະ­ຫວ່າງ​ບັນ­ດາ​ກະ­ຊວງ​ອົງ­ການ​ທຽບ​ເທົ່າ​ກະ­ຊວງ ແຂວງ ນະ­ຄອນ­ຫຼວງ​ວຽງ​ຈັນ ກັບ​ສຳ­ນັກ­ງານ​ນາ­ຍົກ­ລັດ­ຖະ­ມົນ­ຕີ ຈາກ​ທ່ານ ສີ​ພຸກ ວົງ​ພັກ­ດີ ຮອງ​ລັດ­ຖະ­ມົນ­ຕີ ກະ­ຊວງ​ພາຍ​ໃນ ທັງ​ນີ້ ເພື່ອ​ເຮັດ​ໃຫ້​ຜູ້​ເຂົ້າ​ຮ່ວມ​ໄດ້​ຮັບ​ຮູ້​ເຊື່ອມ​ຊຶມ​ບັນ­ດາ​ເນື້ອ​ໃນ​ຈິດ­ໃຈ​ຂອງ​ບັນ­ດາ​ນິ­ຕິ​ກຳ​ດັ່ງ­ກ່າວ ແລະ ນຳ­ໄປ​ຈັດ​ຕັ້ງ​ຂະ­ຫຍາຍ​ເຂົ້າ​ສູ່​ຂົງ­ເຂດ​ວຽກ​ງານ ແລະ ທ້ອງ­ຖິ່ນ​ຂອງ​ຕົນ​ໃຫ້​ປາ­ກົດ​ຜົນ​ເປັນ​ຈິງ ແນ­ໃສ່​ເຮັດ​ໃຫ້­ການ​ຄຸ້ມ​ຄອງ​ລັດ-ຄຸ້ມ​ຄອງ​ສັງ­ຄົມ​ມີ​ປະ​ສິດ­ທິ​ຜົນ​ມີ​ຄວາມ​ເປັນ​ເອ­ກະ​ພາບ ສອດ­ຄ່ອງ​ກັບ​ແນວ­ທາງ​ນະ­ໂຍ­ບາຍ​ຂອງ​ພັກ ແທດ­ເໝາະ​ກັບ​ສະ­ພາບ​ການ​ພັດ­ທະ­ນາ​ເສດ­ຖະ­ກິດ-ສັງ­ຄົມ ກໍ່​ຄື ເງື່ອນ­ໄຂ​ຈຸດ​ພິ­ເສດ​ໃນ​ການ​ບໍ­ລິ­ຫານ​ຄຸ້ມ​ຄອງ​ລັດ​ໃນ​ແຕ່​ລະ​ໄລ­ຍະ ທັງ​ເຮັດ​ໃຫ້­ການ​ປະ­ສານ​ງານ ລະ­ຫວ່າງ ຫ້ອງ​ວ່າ­ການ​ສຳ­ນັກ­ງານ​ນາ­ຍົກ­ລັດ­ຖະ­ມົນ­ຕີ​ກັບ​ບັນ­ດາ​ຂະ­ແໜງ­ການ​ສູນ​ກາງ ແລະ ທ້ອງ­ຖິ່ນ ມີ​ຄວາມ​ກົມ­ກຽວ​ກັນ​ດີ ມີ​ຄວາມ​ຄ່ອງ​ແຄ້ວ ແລະ ກາຍ­ເປັນ​ບ່ອນ​ອີງ​ໃຫ້​ແກ່​ການ­ຈັດ­ຕັ້ງ ແລະ ເຄື່ອນ​ໄຫວ​ວຽກ​ງານ​ນັບ​ມື້​ໄດ້​ຮັບ​ຜົນ​ດີ​ຂຶ້ນ​ເປັນ​ກ້າວໆ.

ຂ່າວທີ່ກ່ຽວຂ້ອງ