ຂ່າວຫຼ້າສຸດ

CNF ເຜີຍແຜ່ຂໍ້ມູນຂ່າວສານດ້ານສຸຂະພາບ

188 04 ກ.ກ. 2018 ຂ່າວໜ້າ​ໜຶ່ງ

ສູນ​ຂໍ້​ມູນ​ຂ່າວ­ສານ​ຝຼັ່ງ​ໂກ​ໂຟນ (CNF) ຂອງ​ອົງ­ການ AUF ວຽງ​ຈັນ ຮ່ວມ​ກັບ ມູນ​ນິ­ທິ​ບີ​ແອ​ຣ​ຟາ​ເບີ ຈັດ​ກອງ​ປະ­ຊຸມ​ປະ­ຈຳ​ປີ​ກ່ຽວ​ກັບ​ການ​ເຜີຍ­ແຜ່​ຂໍ້​ມູນ​ຂ່າວ​ສູນ​ດ້ານ​ສຸ­ຂະ­ພາບ ປີ​ທີ 3  ຂຶ້ນ​ທີ່​ຫ້ອງ­ການ AUF ວຽງ​ຈັນ​ວິ­ທະ­ຍາ​ເຂດ​ດົງ​ໂດກ ມະ­ຫາ­ວິ­ທະ­ຍາ­ໄລ​ແຫ່ງ​ຊາດ ວັນ​ທີ 2 ກໍ­ລະ­ກົດ 2018 ເຊິ່ງ​ເປັນ​ການ​ປະ­ຊຸມ​ຜ່ານ​ລະ­ບົບ​ວິ​ດີ​ໂອ​ຄອນ​ເຟີ​ເຣັນ ກັບ​ບັນ­ດາ​ສູນ​ຂໍ້​ມູນ​ຂ່າວ­ສານ​ຝຼັ່ງ​ໂກ​ໂຟນ 15 ສູນ​ທົ່ວ​ໂລກ.

ກອງ​ປະ­ຊຸມ​ແນ­ໃສ່​ເຜີຍ­ແຜ່​ຂໍ້​ມູນ​ຂ່າວ­ສານ​ດ້ານ​ສຸ­ຂະ­ພາບ ໃນ​ບັນ­ດາ​ປະ­ເທດ​ທີ່​ທຸກ​ຍາກ   ມີ​ເປົ້າ​ໝາຍ​ເພື່ອ​ກຳ­ນົດ​ເກັບ​ກຳ​ຂໍ້​ມູນ​ຂ່າວ­ສານ​ສົ່ງ­ເສີມ ແລະ ລະ­ດົມ​ຄວາມ​ຄິດ​ເພື່ອ​ຊ່ວຍ­ເຫຼືອ ເປັນ­ຕົ້ນ ແມ່ນ​ວຽກ​ງານ​ການ​ແພດ ແລະ ຢາ​ປົວ​ພະ­ຍາດ​ຢູ່​ບັນ­ດາ​ປະ­ເທດ​ທຸກ​ຍາກ ທີ່​ໄດ້​ສາ­ທິດ ແລະ ແນະ­ນຳ​ວິ­ທີ​ການ​ໃຊ້​ໂປຼ​ແກຼມ​ຊື່­ວ່າ: Safe Delivery App(SDA) ໂດຍ​ແອັບ​ດັ່ງ­ກ່າວ​ເປັນ​ແອັບ​ດ້ານ​ການ​ແພດ​ທີ່​ໄດ້​ຮັບ​ລາ­ງວັນ​ຊະ­ນະ​ເລີດ​ໃນ​ປີ 2017 ໂດຍ​ຢູ່​ລາວ​ເຮົາ​ໄດ້​ຮັບ​ການ​ແປ​ເປັນ​ພາ­ສາ​ລາວ​ໂດຍ ທ່ານ​ນາງ ພູ­ທອນ ຈັນ­ທະ​ລັງ­ສີ ແພດ​ພະ​ດຸງ​ຄັນ ພ້ອມ​ກັບ​ທົດ​ລອງ​ໃຊ້​ໃນ​ການ­ຈັດ­ຕັ້ງ​ປະ­ຕິ­ບັດ​ວຽກ​ງານ​ວິ­ຊາ​ສະ ເພາະ​ຕົວ​ຈິງ​ໂປ​ແກຣມ​ແມ່ນ​ສາ­ມາດ​ຕິດ​ຕັ້ງ​ໃນ​ໂທລະ­ສັບ​ສະ­ມາດ​ໂຟນ ໂດຍ​ຜູ້​ທີ່​ນຳ​ໃຊ້​ສາ­ມາດ​ເຂົ້າ​ເຖິງ​ຂໍ້​ມູນ​ຂ່າວ­ສານ​ດ້ານ​ການ​ແພດ​ທີ່​ຖືກ­ຕ້ອງ​ວ່ອງ­ໄວ ພ້ອມ​ນັ້ນ ຍັງ​ມີ​ວິ­ທີ​ແນະ­ນຳ​ໃນ​ການ​ເບິ່ງ­ແຍງ​ດູ​ແລ​ແມ່​ ແລະ ເດັກ­ນ້ອຍ​ເກີດ​ໃໝ່ ໃຫ້​ຖືກ­ຕ້ອງ​ຕາມ​ຫຼັກ​ສາ­ທາ­ລະ­ນະ​ສຸກ ໂດຍ​ບໍ່​ຈຳ­ກັດ​ວ່າ​ຈະ​ຢູ່​ເຂດ​ຫ່າງ​ໄກ​ສອກ­ຫຼີກ​ກໍ່​ສາ­ມາດ​ເຂົ້າ​ເຖິງ​ສາ­ທາ­ລະ­ນະ​ສຸກ​ຂັ້ນ​ພື້ນ­ຖານ​ການ​ແພດ​ຢ່າງ​ກວ້າງ­ຂວາງ.

ຂ່າວທີ່ກ່ຽວຂ້ອງ