ຂ່າວຫຼ້າສຸດ

ເບີ່ງບ້ານເຂົາເອົາບົດຮຽນ 04/07/2018

148 04 ກ.ກ. 2018 ຫົວຂໍ້ຂ່າວອື່ນໆ

ຄໍ​ລຳ​ປະ­ຈຳ​ວັນ​ນີ້ ມີ​ເລື່ອງ​ກຳ­ປູ­ເຈຍ​ຖືກ ສປຊ ປະ­ກາດ​ວ່າ ເປັນ​ປະ­ເທດ​ປອດ​ການ​ທໍ­ລະ ມານ ແລະ ການ​ລົງ­ໂທດ​ແບບ​ຂາດ​ມະ­ນຸດ­ສະ­ທຳ ເລື່ອງ​ການ​ທຳ­ລາຍ​ໝາກ​ໄມ້​ນຳ​ເຂົ້າ​ແບບ​ຜິດ​ກົດ­ໝາຍ​ຢູ່​ອິນ​ໂດ​ເນ​ເຊຍ ແລະ ເລື່ອງ​ການເລືອກ​ຕັ້ງ​ຢູ່​ມາ​ເລ​ເຊຍ​ຜ່ານ​ມາ.

ທີ່ ກຳ­ປູ­ເຈຍ: ແຫຼ່ງ​ຂ່າວ​ຈາກ​ໜັງ­ສື­ພິມ​ພະ ນົມ​ເປັນ ໂພ​ສ (Phnom Penh Post) ຂອງ​ກຳ­ປູ­ເຈຍ ໄດ້​ໃຫ້​ຮູ້​ຫວ່າງ​ບໍ່​ດົນ​ມາ​ນີ້​ວ່າ: ອົງ­ການ​ສະ­ຫະ​ປະ­ຊາ​ຊາດ​ເພື່ອ​ການ​ລຶ­ບລ້າງ​ການ​ທໍ­ລະ ມານ ກໍ່​ຄື ຮູບ​ການ​ລົງ­ໂທດ​ແບບ​ທາ­ລຸນ​ນະ​ກຳ ໄດ້​ລຶບ​ຊື່​ປະ­ເທດ​ກຳ­ປູ­ເຈຍ​ອອກ​ຈາກ​ບັນ­ຊີ​ລາຍ ຊື່​ປະ­ເທດ​ທີ່​ນຳ​ໃຊ້​ມາດ​ຕະ­ການ​ທໍ­ລະ­ມານ ແລະ ການ​ລົງ­ໂທດ​ແບບ​ໄຮ້​ມະ­ນຸດ­ສະ­ທຳ​ຕໍ່​ພົນ​ລະ ເມືອງ​ຂອງ​ຕົນ.

ການ​ຕັດ­ສິນ​ໃຈ​ຂອງ ສປຊ ຄັ້ງ​ນີ້ ແມ່ນ​ເປັນ​ໄປ​ຕາມ​ມາດ­ຕາ 17 ຂອງ​ສົນ­ທິ­ສັນ­ຍາ​ທີ່​ກ່ຽວ­ຂ້ອງ ໜັງ­ສື­ພິມ​ພະ­ນົມ​ເປັນ ໂພ​ສ ຢ້ຳ​ວ່າ: ການ​ລຶບ​ຊື່​ກຳ­ປູ­ເຈຍ​ອອກ​ຈາກ​ບັນ­ຊີ​ດັ່ງ­ກ່າວ​ຊີ້​ໃຫ້​ເຫັນ​ເຖິງ​ພາບ​ພົດ​ທີ່​ດີ​ຂຶ້ນ​ກ່ຽວ​ກັບ​ການ​ເຄົາ­ລົບ​ສິດ­ທິ​ມະ­ນຸດ​ພາຍ​ໃນ​ປະ­ເທດ ເຊິ່ງ​ໄລ­ຍະ​ຫຼັງໆ​ມາ​ນີ້​ຖືກ​ວິ­ພາກ​ວິ­ຈານ​ຢ່າງ​ກວ້າງ­ຂວາງ​ຈາກ​ພາຍ​ໃນ ແລະ ຕ່າງ­ປະ­ເທດ ຜ່ານ​ມາ​ລັດ­ຖະ­ບານ​ຂອງ​ທ່ານ​ນາ­ຍົກ ຮຸນ​ເຊນ ໄດ້​ປະ­ຕິ­ເສດ​ຕະ­ຫຼອດ​ມາ​ກ່ຽວ​ກັບ​ຂ່າວ​ການ​ລະ­ເມີດ​ສິດ­ທິ​ມະ­ນຸດ​ຢູ່­ກຳ ປູ​ເຈຍ.

ທີ່ ອິນ​ໂດ​ເນ​ເຊຍ: ມາດ​ຕະ­ການ​ຄວບ​ຄຸມ​ສິນ ຄ້າ​ນຳ​ເຂົ້າ​ຢູ່​ອິນ​ໂດ​ເນ​ເຊຍ​ນັ້ນ​ປະ­ຕິ­ບັດ​ກັນ​ຢ່າງ​ເຂັ້ມ​ງວດ ບໍ່​ມີ​ນະ­ໂຍ­ບາຍ​ຜ່ອນ​ສັ້ນ​ຜ່ອນ​ຍາວ​ຈັກ​ດີ້ ຕົວ­ຢ່າງ ເຫດ­ການ​ທີ່​ເກີດ​ຂຶ້ນ​ໃນ​ຕົ້ນ​ເດືອນ​ເມ­ສາ​ປີ​ນີ້ ເຊິ່ງ​ທາງ​ການ​ໄດ້​ທຳ­ລາຍ​ຖິ້ມ​ໝາກ​ແອບ​ເປິ້ນ (ໝາກ​ໂປມ) ແລະ ໝາກ­ກ້ຽງ​ນຳ​ເຂົ້າ​ຈາກ ສປ ຈີນ ເຊິ່ງ​ມີ​ມູນ​ຄ່າ​ສູງ​ເຖິງ 7 ຕື້​ຣູ ເປຍ (ສະ­ກຸນ​ເງິນ​ອິນ​ໂດ​ເນ​ເຊຍ ມີ​ມູນ​ຄ່າ​ເທົ່າ ກັບ 508.440 ໂດ​ລາ​ສະ­ຫະ­ລັດ) ສິນ­ຄ້າ​ທີ່​ວ່າ​ນັ້ນ​ຖືກ​ລັກ­ລອບ​ນຳ​ເຂົ້າ​ຜ່ານ​ທ່າ­ເຮືອ​ເບ​ລາ​ວັນ      (Belawan) ແລະ ສະ­ໜາມ​ບິນ​ສາ­ກົນ​ກົວ​ລາ ນາ​ມູ (Kualanamu) ຢູ່​ພາກ​ເໜືອ​ເກາະ​ຊຸ​ມາ​ຕຼາ.

ການ​ນຳ​ເຂົ້າ​ສິນ­ຄ້າ​ຜິດ​ກົດ­ໝາຍ​ນັ້ນ ເປັນ​ການ​ລະ­ເມີດ​ລະ­ບຽບ​ການ​ຂອງ​ກະ­ຊວງ​ການ​ຄ້າ ເລກ​ທີ 16/2018 ຜູ້­ນຳ​ເຂົ້າ­ໝາກ​ໄມ້​ຈາກ​ຈີນ​ທີ່​ວ່າ​ນີ້​ບໍ່​ມີ​ເອ­ກະ­ສານ​ຢັ້ງ­ຢືນ​ທີ່​ຖືກ​ກົດ­ໝາຍ ທ່ານ ເວ​ຣີ ອັງ​ກຼີ​ໂຢ​ໂນ (Veri Anggrijono) ຫົວ­ໜ້າ​ກົມ​ກວດ­ກາ​ການ​ຄ້າ​ອິນ​ໂດ​ເນ​ເຊຍ ມີ​ຄຳ​ເຫັນ​ກ່ຽວ​ກັບ​ເລື່ອງ​ນີ້​ວ່າ: ເພື່ອ​ປົກ​ປ້ອງ​ຜູ້​ບໍ­ລິ­ໂພກ ແລະ ສິນ­ຄ້າ​ພາຍ​ໃນ ຜູ້​ລະ­ເມີດ​ກົດ​ລະ­ບຽບ​ຈະ​ຕ້ອງ​ຖືກ​ລົງ­ໂທດ​ຢ່າງ​ສາ​ສົມ.

ທີ່ ມາ​ເລ​ເຊຍ: ຂ່າວ​ເດັ່ນ​ດັງ​ໃນ​ມາ​ເລ​ເຊຍ ຫວ່າງ​ບໍ່​ເຫິງ​ມາ​ນີ້ ກໍ່​ແມ່ນ​ຂ່າວ​ການ​ເລືອກ​ຕັ້ງ ໃນ​ປະ­ເທດ​ນີ້ ເຊິ່ງ​ໄດ້​ຍື່ນ​ຕັ່ງ​ຕຳ­ແໜ່ງ​ນາ­ຍົກ​ລັດ ຖະ​ມົນ­ຕີ​ຄືນ​ອີກ​ຄັ້ງ​ໜຶ່ງ​ໃຫ້​ທ່ານ ມາ​ຮາ​ເທຍ ໂມ​ຮາ​ມັດ ລັດ​ຖະ​ບຸ­ລຸດ ອາ­ຍຸ 92 ປີ ແຕ່​ຂ່າວ​ຍ່ອຍ​ໜຶ່ງ​ທີ່​ໜ້າ​ສົນ­ໃຈ​ບໍ່​ໜ້ອຍ​ກ່ຽວ​ກັບ​ການ​ເລືອກ​ຕັ້ງ​ເທື່ອ​ນີ້​ນັ້ນ ຄື: ຫຼາຍ​ພາກ­ສ່ວນ​ຂອງ​ມາ​ເລ​ເຊຍ​ໄດ້​ມີ​ນະ­ໂຍ­ບາຍ​ດຶງ​ດູດ​ໃຫ້​ຊາວ​ມາ​ເລ​ເຊຍ​ທີ່­ຢູ່​ຕ່າງ­ປະ­ເທດ ຫຼື ໄປ​ເຮັດ​ວຽກ​ຢູ່​ເຂດ​ອື່ນ​ກັບ​ໄປ​ເລືອກ​ຕັ້ງ​ໃຫ້​ທັນ​ເວ­ລາ.

ຕົວ­ຢ່າງ​ທີ່​ໜ້າ​ຊົມ­ເຊີຍ​ໜຶ່ງ ກໍ່​ຄື ເຈົ້າ​ຂອງ​ໂຮງ ແຮມ​ຢູ່​ເມືອງ​ໄຕ​ປິງ (Taiping) ອະ­ນຸ­ຍາດ​ໃຫ້​ຜູ້​ໃຊ້​ສິດ​ປ່ອນ​ບັດ​ພັກ​ເຊົາ​ຢູ່​ໂຮງ­ແຮມ​ໂດຍ​ບໍ່​ເສຍ​ຄ່າ ແຕ່​ວັນ​ທີ 8 9 ແລະ 10 ພຶດ­ສະ­ພາ 2018 ສ່ວນ​ຢູ່​ເມືອງ​ກົ່ວ​ລາ ກັງ​ຊາ (Kuala Kangsa) ທ່ານ ຮວງ ເຊັງ ກວນ ໄດ້​ສະ­ຫຼະ​ເຮືອນ​ພັກ​ລະ­ດັບ​ຫຼູ​ໃຫ້​ຜູ້​ໄປ​ໃຊ້​ສິດ​ພັກ​ເຊົາ​ໂດຍ​ບໍ່​ເສຍ​ຄ່າ ເຫດ­ການ​ນີ້​ສະ­ແດງ​ໃຫ້​ເຫັນ​ວ່າ ສະ­ຕິ​ການ­ຈັດ­ຕັ້ງ ແລະ ປະ­ກອບ­ສ່ວນ​ເຮັດ​ປະ­ໂຫຍດ​ສ່ວນ​ລວມ​ຂອງ​ນັກ ທຸ­ລະ​ກິດ​ມາ​ເລ​ເຊຍ​ນັ້ນ​ສູງ​ສົ່ງ​ອີ່­ຫຼີ.

ຂ່າວທີ່ກ່ຽວຂ້ອງ