ຂ່າວຫຼ້າສຸດ

ປິ່ນປົວມະເຮັງເຕົ້ານົມດ້ວຍການປັກເຂັມ

199 03 ກ.ກ. 2018 ຂ່າວໜ້າ​ໜຶ່ງ

ວັນ​ທີ 30 ມິ­ຖຸ­ນາ 2018 ສະ­ມາ­ຄົມ​ມະ​ເຮັງ​ເຕົ້າ­ນົມ​ລາວ ຮ່ວມ​ກັບ ໂຮງ­ໝໍ​ມະ­ໂຫ­ສົດ ຈັດ​ກອງ​ປະ­ຊຸມ​ນາໆຊາດ AAAAA ປະ­ຈຳ​ປີ 2018 ກ່ຽວ​ກັບ​ການ​ປິ່ນ­ປົວ​ມະ​ເຮັງ​ເຕົ້າ­ນົມ​ດ້ວຍ​ການ​ປັກ​ເຂັມ ການ​ຂັບ​ໄລ່​ທາດ​ໄຍ​ຫີນ ປິ່ນ­ປົວ​ພະ­ຍາດ​ຜູ້​ສູງ​ອາ­ຍຸ ເປັນ​ປະ­ທານ​ຮ່ວມ​ຂອງ​ທ່ານ ດຣ ບຸນ​ທະ​ພາ­ນີ ບຸນ​ຊ່ວຍ ຜູ້­ອຳ­ນວຍ­ການ​ໂຮງ­ໝໍ​ມະ­ໂຫ­ສົດ ແລະ ທ່ານ ດຣ ສາຍ​ຝົນ ພູນ​ສະ­ຫວັນ ປະ­ທານ​ສະ­ມາ­ຄົມ​ມະ​ເຮັງ​ເຕົ້າ­ນົມ​ລາວ (ABCD Laos) ມີ​ຊ່ຽວ­ຊານ​ຈາກ ສປ ຈີນ ຮົງ​ກົງ ແລະ ຜູ້​ທີ່​ໄດ້​ຮັບ​ການ​ປິ່ນ­ປົວ​ເຂົ້າ​ຮ່ວມ.

ທ່ານ ດຣ ບຸນ​ທະ​ພາ­ນີ ບຸນ​ຊ່ວຍ ກ່າວ​ວ່າ: ມະ​ເຮັງ​ເຕົ້າ­ນົມ​ເປັນ​ບັນ­ຫາ​ລະ­ດັບ​ໂລກ ເພາະ​ຜູ້­ຍິງ​ໃນ​ໂລກ​ນີ້​ທັງ​ຢູ່​ໃນ​ປະ­ເທດ​ພັດ­ທະ­ນາ ແລະ ກຳ­ລັງ​ພັດ­ທະ­ນາ ໄດ້​ເສຍ​ຊີ­ວິດ​ຈຳ­ນວນ​ຫຼວງ­ຫຼາຍ ເຖິງ​ແມ່ນ​ຈະ​ປິ່ນ­ປົວ​ດ້ວຍ​ຢາ​ຄົ້ນ­ຄວ້າ​ໃໝ່​ລາ­ຄາ​ແພງ ແລະ ດ້ວຍ​ເຕັກ­ນິກ​ການ​ປິ່ນ­ປົວ​ທີ່​ທັນ​ສະ­ໄໝ​ກໍ່​ຕາມ ເຊິ່ງ ສປປ ລາວ ໄດ້​ຄົ້ນ­ຄວ້າ​ບັນ­ຫາ​ນີ້​ມາ​ໄດ້ 18 ປີ ນັບ​ແຕ່​ປີ 2000-2018 ຈຶ່ງ​ສະ­ຫຼຸບ​ໄດ້​ວ່າ​ໄຍ​ຫີນ​ເປັນ​ສາຍ­ເຫດ ແລະ ໂຕ​ການ​ຫຼັກ​ຂອງ​ມະ​ເຮັງ​ເຕົ້າ­ນົມ.

ການ​ປິ່ນ­ປົວ​ມະ​ເຮັງ​ເຕົ້າ­ນົມ​ມີ​ຫຼາຍ​ວິ­ທີ ແລະ ຫຼາຍ​ທິດ​ສະ​ດີ ແຕ່​ພວກ​ເຮົາ​ເລືອກ​ເອົາ​ການ​ປັກ​ເຂັມ​ເປັນ​ວິ­ທີ​ການ​ປິ່ນ­ປົວ​ມະ​ເຮັງ​ເຕົ້າ­ນົມ ເພາະ­ວ່າ​ການ​ປັກ​ເຂັມ​ສາ­ມາດ​ໄລ່​ໄຍ​ຫີນ​ອອກ​ຈາກ​ຮ່າງ­ກາຍ​ໄດ້​ເຊິ່ງ​ພິ­ສູດ​ດ້ວຍ​ການ​ກວດ​ໃນ​ນ້ຳ​ຍ່ຽວ ເມື່ອ​ໄລ່​ໄຍ​ຫີນ​ອອກ​ແລ້ວ ຮາກ​ມະ​ເຮັງ​ກໍ​ອອກ​ມາ​ນຳ ນີ້​ແມ່ນ​ການ​ຄົ້ນ​ພົບ​ໃໝ່​ຈາກ​ການ​ຄົ້ນ­ຄວ້າ​ຂອງ​ພວກ​ເຮົາ ໃນ​ການ​ຄົ້ນ­ຄວ້າ​ນີ້​ໄດ້​ສົມ­ທົບ​ກັບ​ການ​ແພດ​ພື້ນ­ເມືອງ​ລາວ​ເຊັ່ນ:ການ​ນຳ​ໃຊ້​ຂົມ​ກະ­ເດົາ ສີ​ໄຄ ໃບ​ເຕີຍ ໝາກ­ເດືອຍ ນ້ຳ­ເຜີ້ງ ທຽນ​ເຜີ້ງ​ລາວ ຜ້າ­ໄໝ​ເປັນ­ຕົ້ນ.

ຜ່ານ​ການ​ຄົ້ນ­ຄວ້າ​ຂອງ​ທິມ​ງານ ABCD Laos ທີ່​ໄດ້​ປິ່ນ­ປົວ​ຄົນ​ເຈັບ​ຈຳ­ນວນ 31 ຄົນ ສ່ວນ​ໃຫຍ່​ເປັນ​ມະ​ເຮັງ​ເຕົ້າ­ນົມ ໄດ້​ປິ່ນ­ປົວ​ດ້ວຍ​ການ​ປັກ​ເຂັມ​ເປັນ​ເວ­ລາ 5 ວັນ ເຫັນ​ວ່າ​ສາ­ມາດ​ໄລ່​ໄຍ​ຫີນ​ໄດ້ 2.880.000 mg ແລະ ຄົນ​ເຈັບ​ກໍ່​ຮູ້­ສຶກ​ດີ​ຂຶ້ນ.

ຂ່າວທີ່ກ່ຽວຂ້ອງ