ຂ່າວຫຼ້າສຸດ

“ຊາມເປົາລີ” ກຽມແຍກທາງກັບອາກຊັງຕິນ

161 02 ກ.ກ. 2018 ວົງຈອນກີລາ
“ຊາມເປົາລີ” ກຽມແຍກທາງກັບອາກຊັງຕິນ

          ຮໍເກ ຊາມເປົາລີ ຕົກເປັນຂ່າວຈາກສື່ຂອງອາກຊັງຕິນວ່າ ກຳລັງຈະຕ້ອງອອກຈາກຕຳແໜ່ງຫົວໜ້າຜູ້ຝຶກສອນທີມຊາດອາກຊັງຕິນ.

          ຜູ້ຈັດການໄວ 58 ປີ ອຳລາ ເຊບີຢ່າ ມາຮັບວຽກໃຫຍ່ກັບອາກຊັງຕິນຕັ້ງແຕ່ກາງປີ 2017 ນຳທີມຜ່າດ່ານຮອບຄັດເລືອກເຕະບານໂລກ 2018 ຂົງເຂດອາເມຣິກາໃຕ້ມາໄດ້ແບບຍາກລໍາບາກ.

           ກະທັ່ງເຈະບານໂລກຮອບສຸດທ້າຍທີ່ຣັດເຊຍໃນປີນີ້ ລູກທີມຂອງ ຊາມເປົາລີ ດີ້ນຮົນເອົາຕົວລອດຈາກຮອບແບ່ງກຸ່ມມາໄດ້ ແຕ່ສຸດທ້າຍກໍຈອດປ້າຍພຽງແຕ່ຮອບ 16 ທີມ ຫຼັງຈາກພ່າຍແພ້ ຝຣັ່ງ 3-4d

          ຫຼ້າສຸດ ເອນານ ຄາສຕີໂຢ່ ນັກຂ່າວຂອງສຳນັກ TNT Sports ລະບຸວ່າ ຊາມເປົາລີ ໄດ້ເຂົ້າລົມກັບ ເຄລາດິໂອ ຕາເປຍ ປະທານ AFA (ສະຫະພັນເຕະບານອາກຊັງຕິນ) ຫຼັງຈາກການຕົກຮອບ.

          ຜົນກໍຄື ຊາມເປົາລີ ຈະບໍ່ໄດ້ໄປຕໍ່ໃນຕໍາແໜ່ງຜູ້ຈັດການໃຫຍ່ຂອງທີມຊາດອາກຊັງຕິນ ຊຸດໃຫຍ່ ແຕ່ TNT ບໍ່ໄດ້ລົງເລິກວ່າຈະເປັນການລາອອກເອງ ຫຼືຖືກປົດ.

          ເຊບາສຕຽນ ເບັກຄາເຊເຊ່ ຜູ້ຊ່ວຍຜູ້ຈັດການທີມ ກໍຈະອອກຈາກຕຳແໜ່ງຕາມ ຊາມເປົາລີ ໄປເຊັ່ນກັນ.

          ຫາກຕັດສິນໃຈໄລ່ອອກ AFA ຈະຕ້ອງຈ່າຍຄ່າຊົດເຊີຍ 20 ລ້ານໂດລາສະຫະລັດ.

ຂ່າວທີ່ກ່ຽວຂ້ອງ