ຂ່າວຫຼ້າສຸດ

“ຊູບາຊິຊ” ວິລະບຸລຸດສຸດໜຽວ ປ້ອງກັນ 3 ລູກໂທດ ຊະນະດານມາກ ທະລຸພົບ ຣັດເຊຍ

182 02 ກ.ກ. 2018 ວົງຈອນກີລາ
“ຊູບາຊິຊ” ວິລະບຸລຸດສຸດໜຽວ ປ້ອງກັນ 3 ລູກໂທດ ຊະນະດານມາກ ທະລຸພົບ ຣັດເຊຍ

        ກຣົວຊີ ດວນຈຸດໂທດຊະນະ ດານມາກ ທະລຸສູ່ຮອບ 8 ທີມສຸດທ້າຍ ໄປດວນຝີຕີນກັບເຈົ້າພາບ ຣັດເຊຍ ໃນເຕະບານໂລກ 2018 ທີ່ປະເທດຣັດເຊຍ.

          ເຕະບານໂລກ 2018 ຮອບຕັດເຊືອກ 16 ທີມສຸດທ້າຍ ທີ່ປະເທດຣັດເຊຍ ເມື່ອວັນອາທິດທີ 1 ກໍລະກົດຜ່ານມາ ກຣົວຊີ ດວນຝີຕີນກັບ ດານມາກ ຜົນການແຂ່ງຂັນປາກົດວ່າ ສະເໝີກັນໃນເວລາປົກກະຕິ 90 ນາທີ 1-1 ໂດຍ ດານມາກ ຂຶ້ນນຳໄວຕັ້ງແຕ່ນາທີທໍາອິດຈາກ ມາທີອັສ ຢໍເກນເຊນ ສ່ວນ ກຣົວຊີໄລ່ຕີສະເໝີໄດ້ຈາກ ມາຣິໂອ ມານຊູຄິຊ ນາທີທີ 4 ເຮັດໃຫ້ຕ້ອງຕໍ່ເວລາພິເສດອອກໄປອີກ 30 ນາທີ ແລະ ກຣົວຊີ ມີໂອກາດຄວ້າໄຊໄປຄອງ ເມື່ອໄດ້ລູກຈຸດໂທດໃນນາທີ 116 ແຕ່ ລູກາ ໂມດຣິຊ ຍິງໄປຕິດການປ້ອງກັນຂອງ ແຄສເປີ ຊະໄມເຄິນ ເຮັດໃຫ້ຄົບ 120 ນາທີ ຍັງຄົງສະເໝີກັນ 1-1 ຕ້ອງໄປຕັດສິນດ້ວຍການຍິງຈຸດໂທດ ຜົນປາກົດວ່າ ກຣົວຊີຍິງແມ່ນກວ່າ ເອົາຊະນະໄປໄດ້ 3-2 ໄດ້ ດານຽວ ຊູບາຊິຊ ຜູ້ຮັກສາປະຕູຮັບບົດເປັນວິລະບູລຸດ ປ້ອງກັນໄດ້ເຖິງ 3 ຈຸດໂທດ ສ່ວນ ຊະໄມເຄິນ ກໍເຮັດໜ້າທີ່ໄດ້ໂດດເດັ່ນ ປ້ອງກັນ 2 ຈຸດໂທດ ລວມທັ້ງປ້ອງກັນຈຸດໂທດໃນໄລຍະຕໍ່ເວລາພິເສດດ້ວຍ ແຕ່ກໍຊ່ວຍທີມໜີພົ້ນຄວາມປະລາໄຊບໍ່ໄຫວ ໄຊຊະນະເກມນີ້ ເຮັດໃຫ້ ກຣົວຊີ ຜ່ານເຂົ້າສູ່ຮອບ 8 ທີມສຸດທ້າຍຕໍ່ໄປ ໂດຍຈະພົບກັບເຈົ້າພາບຣັດເຊຍ ທີ່ດວນຈຸດໂທດຊະນະ ແອັດສະປາຍ ມາໄດ້ 4-3.

ຂ່າວທີ່ກ່ຽວຂ້ອງ