ເຊີນເຂົ້າຮ່ວມຫຼວງພະບາງຮາຟມາລາທອນ ເພື່ອຫາລາຍໄດ້ ຈັດຂຶ້ນກາງເດືອນຕຸລານີ້

157 02 ກ.ກ. 2018 ວົງຈອນກີລາ

ການ​ກະ­ກຽມ​ແມ່ນ​ດຳ­ເນີນ​ໄປ​ເຕັມ​ຮູບ​ແບບ​ການ​ແລ່ນ​ປີ 2018 ສຳ­ລັບ​ເດັກ­ນ້ອຍ: ຫຼວງ​ພະ​ບາງ​ຮາບ​ມາ­ລາ​ທອນ ເຊິ່ງ​ຈະ​ເປັນ​ກິດ­ຈະ­ກຳ​ສຸດ​ທ້າຍ​ຈັດ​ຂຶ້ນ​ວັນ​ທີ 19-21 ຕຸ­ລາ 2018 ການ​ແຂ່ງ­ຂັນ​ເພື່ອ​ການ​ກຸ­ສົນ​ຈະ​ຫາ​ລາຍ​ໄດ້ ​ເພື່ອ​ໂຮງ­ໝໍ​ມິດ­ຕະ­ພາບ​ລາວ​ສຳ­ລັບ​ເດັກ­ນ້ອຍ ໂດຍ​ລາຍ​ຮັບ​ທັງ​ໝົດ ​ຈະ​ໄປ​ຊ່ວຍ­ເຫຼືອ​ໃນ​ການ​ເບິ່ງ­ແຍງ​ຄົນ​ເຈັບ​ຢູ່​ໂຮງ­ໝໍ ​ເຊິ່ງ​ຈະ​ໃຫ້­ການ​ບໍ­ລິ­ການ​ບໍ່​ເສຍ​ຄ່າ​ໃຫ້​ແກ່​ເດັກ­ນ້ອຍ​ລາວ​ທັງ​ໝົດ ນັກ​ແລ່ນ​ສາ­ມາດ​ເລືອກ​ໄລ­ຍະ​ທາງ​ແລ່ນ 7 ກິ­ໂລ­ແມັດ 14 ກິ­ໂລ­ແມັດ ແລະ 21 ກິ­ໂລ­ແມັດ​ ໄປ​ຕາມ​ເສັ້ນ­ທາງ​ແລ່ນ​ທີ່​ມີ​ທິວ​ທັດ​ທີ່​ສວຍ​ງາມ​ອ້ອມ​ຮອບ​ວັດ​ຊຽງ​ທອງ ແລະ ບ້ານ​ເຮືອນ​ຊົງ​ລາວ ຜ່ານ​ຝັ່ງ​ແມ່­ນ້ຳ​ຂອງ​ແມ່­ນ້ຳ​ຄານ ແລະ ຕັດ​ຜ່ານ​ສູ່​ຈຸດ​ໃຈ​ກາງ­ຂອງ​ເມືອງ​ແຫ່ງ​ປະ­ຫວັດ­ສາດ ​ທີ່​ໄດ້​ຮັບ​ການ​ແຕ່ງ­ຕັ້ງ​ໂດຍ UNESCO ຂອງ ຫຼວງ​ພະ​ບາງ.

ນັບ​ຕັ້ງ­ແຕ່​ການ​ແລ່ນ​ຮາບ​ມາ­ລາ​ທອນ​ຄັ້ງ​ທຳ​ອິດ​ປີ 2012 ຈຳ­ນວນ​ຜູ້​ເຂົ້າ​ຮ່ວມ​ໄດ້​ເພີ່ມ​ຂຶ້ນ​ເຖິງ 33% ໃນ​ແຕ່​ລະ​ປີ ແລະ ໃນ​ການ​ແລ່ນ​ສຳ­ລັບ​ເດັກ­ນ້ອຍ​ປີ​ນີ້ ​ຄາດ​ວ່າ​ຈະ​ມີ​ຄົນ​ເຂົ້າ​ຮ່ວມ​ຫຼາຍ​ກວ່າ 1.600 ຄົນ​ຈາກ​ທົ່ວ​ໂລກ​ໂດຍ ​ຜູ້​ທີ່​ມີ​ຈິດ­ໃຈ​ບໍ່​ພຽງ​ແຕ່​ຮັກ​ການ​ແລ່ນ​ເທົ່າ​ນັ້ນ​ແຕ່ ເພື່ອ​ການ​ກຸ­ສົນ​ນຳ​ອີກ.

ສົນ­ໃຈ​ສະ­ມັກ​ເຂົ້າ​ຮ່ວມ​ຫຼວງ​ພະ​ບາງ​ຮາບ​ມາ­ລາ​ທອນ: ລົງ­ທະ­ບຽນ​ອອນ​ລາຍ http://www.gotorace.com/event/luang-prabang-half-marathon-2018/ ແລະ ລົງ­ທະ­ບຽນ​ທົ່ວ​ໄປ: ຢູ່​ແຂວງ​ຫຼວງ​ພະ​ບາງ ​ທີ່​ກາ​ເລີ​ລີ​ມິດ­ຕະ­ພາບ ຖະ­ໜົນ​ກິງ​ກິດ​ສະ​ລາດ ໃກ້​ກັບ​ຕະ­ຫຼາດ​ດາ​ຣາ ສ່ວນ​ຢູ່​ນະ­ຄອນ­ຫຼວງ​ວຽງ​ຈັນ ທີ່​ຮ້ານ​ອາ­ຫານ Happy Sport ແລະ ບ້ານ​ຄູນ​ສອບ​ຖາມ​ຂໍ້​ມູນ​ເພີ່ມ​ເຕີມ​ສຳ​ຫຼັບ​ຫຼວງ​ພະ​ບາງ​ຮາບ​ມາ­ລາ​ທອນ: ເວັບ​ໄຊ້: https://www.luangprabanghalfmarathon.com Facebook: https://www.facebook.com/pg/LuangPrabangHalfMarathon/posts/?ref=page_internal ກ່ຽວ​ກັບ​ໂຮງ­ໝໍ​ມິດ­ຕະ­ພາບ​ລາວ​ສຳ­ລັບ​ເດັກ­ນ້ອຍ: ເລື່ອງ​ຂອງ​ໂຮງ­ໝໍ​ມິດ­ຕະ­ພາບ​ລາວ​ສຳ­ລັບ​ເດັກ­ນ້ອຍ​ກໍ່​ຕັ້ງ​ໃນ​ປີ 1993 ເມື່ອ​ຊ່າງ​ຖ່າຍ­ຮູບ​ທ່ານ ເຄນ​ໂຣ ອິ​ສຸ ໄດ້​ຖ່າຍ­ຮູບ​ວັດ​ອັງ​ກໍ​ວັດ​ໃນ​ຊຽບ​ລຽບ​ປະ­ເທດ​ກຳ­ປູ­ເຈຍ ພາຍ­ຫຼັງ​ໄດ້​ພົບ​ເຈິ​ກັບ​ການ​ຂາຍ­ຂອງ​ເດັກ​ຍິງ​ອາ­ຍຸ 7 ປີ ຍ້ອນ​ພໍ່​ຂອງ​ລາວ​ບໍ່​ມີ​ເງິນ 2 ໂດ​ລາ​ສະ­ຫະ­ລັດ ຫຼື ປະ­ມານ 16 ພັນ​ກີບ ສຳ­ລັບ​ປົວ​ລາວ ທ່ານ ອິ​ສຸ ໄດ້​ຖືກ​ກະ​ຕຸ້ນ​ໃຫ້​ເຮັດ​ຫຍັງ​ຈັກ­ຢ່າງ ແລະ ກໍ່​ຕັ້ງ​ອົງ­ການ​ບໍ່​ຫວັງ​ຜົນ​ກຳ­ໄລ​ທັນ­ທີ ມິດ­ຕະ­ພາບ​ທີ່​ໄຮ້​ພົມ​ແດນ ຫຼື FWAB FWAB ໄດ້​ສືບ­ຕໍ່​ເປີດ​ໂຮງ­ໝໍ​ສິດ­ສອນ​ລະ­ດັບ​ສາ­ກົນ​ອີກ 2 ແຫ່ງ​ຄື: ແຫ່ງ​ທີ 1 ຢູ່​ທີ່​ສຽມ​ຣຽບ​ໃນ​ປີ 1999 (ເຊິ່ງ​ໄດ້​ຮັກ­ສາ​ເດັກ­ນ້ອຍ 1,6 ລ້ານ​ຄົນ​ນັບ​ແຕ່​ນັ້ນ​ມາ) ແລະ ອີກ​ແຫ່ງ​ທີ 2 ຢູ່​ຫຼວງ​ພະ​ບາງ ໂຮງ­ໝໍ​ມິດ­ຕະ­ພາບ​ລາວ​ສຳ­ລັບ​ເດັກ­ນ້ອຍ.

ຂ່າວທີ່ກ່ຽວຂ້ອງ