ສື່ດັງຢືນຢັນ ໃຜຈະຢູ່ ໃຜຈະໄປ ຮອບ 16 ທີມບານໂລກ

387 01 ກ.ກ. 2018 ວົງຈອນກີລາ
ສື່ດັງຢືນຢັນ ໃຜຈະຢູ່ ໃຜຈະໄປ ຮອບ 16 ທີມບານໂລກ

          ສື່ດັງຂອງອັງກິດ ຢືນຢັນເຖິງຮອບ 16 ທີມສຸດທ້າຍ ເຕະບານໂລກ 2018 ທີມໃດຈະເຂ້ົາຮອບ ແລະ ທີມໃດຕ້ອງເກັບກະເປ໋ົາກັບບ້ານກັນແດ່.

ເດິະ ເທເລກຣາຟ ສື່ດັງຂອງປະເທດອັງກິດ ດໍາເນີນການວິເຄາະວ່າ ທີມໃດແດ່ທີ່ຈະໄດ້ຜ່ານເຂ້ົາສູ່ຮອບ 8 ທີມສຸດທ້າຍ ເຕະບານໂລກ 2018 ທີ່ປະເທດຣັດເຊຍ.

ຝຣັ່ງ - ອາກຊັງຕິນ  ເມື່ອວັນເສົາທີ 30 ມິຖຸນາຜ່ານມາ.

ຢືນຢັນ: ຝຣັ່ງ 3 ອາກຊັງຕິນ 1  (ແຂ່ງຈິງ ຝຣັ່ງ 4 ອາກຊັງຕິນ 3)

ອຸຣຸກວາຍ ພົບ ປອກຕຸຍການ  ເມື່ອວັນເສົາທີ 30 ມິຖຸນາທີ່ຜ່ານມາ

ຢືນຢັນ:  ອຸຣຸກວາຍ 2 ປອກຕຸຍການ 1 (ແຂ່ງຈິງ ອຸຣຸກວາຍ 2 ປອກຕຸຍການ 1  )

ແອັດສະປາຍ ພົບ ຣັດເຊຍ  ວັນອາທິດທີ 1 ກໍລະກົດ

ແອັດສະປາຍ ຍັງໂຊຟອມໄດ້ກະທ່ອນກະແທ່ນ ແຕ່ສຸດທ້າຍກັຍັງຜ່ານເຂ້ົາຮອບມາໄດ້ ຂະນະທີ່ ຣັດເຊຍ ຄົງໃສ່ເກີນຮ້ອຍໃນຖານະເຈ້ົາບ້ານ ແລະ ໜ້າຈະສ້າງບັນຫາໃຫ້ທີມຊາດແອັດສະປາຍ ໄດ້ຫຼາຍພໍສົມຄວນ.

ຢືນຢັນ: ແອັດສະປາຍ  1  ຣັດເຊຍ 0.

ກຣົວຊີ ພົບ ດານມາກ  ວັນອາທິດທີ່ 1 ກໍລະກົດ.

ຂຸນພົນກຣົວຊີໂຊຟອມໂດດເດັ່ນໃນຮອບແບ່ງກຸ່ມ ໂດຍເກັບໄຊໄດ້ທັງ 3 ນັດ ແຕ່ກໍບໍ່ງ່າຍທີ່ຈະຜ່ານ ດານມາກ ໃນຮອບນີ້ ເພາະນັກເຕະດານມາກ ໜ້າຈະເນ້ັນເກມຮັບ ແລະ ລໍຖ້າໃຊ້ຈັງຫວະສວນກັບເຂ້ົາຫຼິ້ນງານ.

ຢືນຢັນ: ກຣົວຊີ  1  ດານມາກ  0  (ຫຼັງຕໍ່ເວລາພິເສດ).

ບຣາຊິນ ພົບ ເມັກຊິກ  ວັນຈັນທີ 2 ກໍລະກົດ.

ເມັກຊິກ ຄົງໃຊ້ການຫຼິ້ນໂຕ້ກັບມາສູ້ກັບ ບຣາຊິນ ຢ່າງໃດກໍຕາມ ທັງ ເນມາ ແລະ ຟິລິບເປ ຄູຕິນໂຢ່ ຄົງຊ່ວຍກັນພາບຣາຊິນຜ່ານເຂ້ົາຮອບໄປໄດ້.

ຢືນຢັນ: ບຣາຊິນ  2  ເມັກຊິກ 0.

ແບນຊິກ ພົບ ຍີ່ປຸ່ນ ວັນຈັນທີ 2 ກໍລະກົດ

ແບນຊິກ ສ້າງຜົນງານໄດ້ຢ່າງໂດດເດັ່ນໃນຮອບແບ່ງກຸ່ມ ດ້ວຍການຄວ້າໄຊທັງ 3 ນັດ ຂະນະທີ່ ຍີ່ປຸ່ນ ໄດ້ເຂ້ົາຮອບມາຢ່າງຫວຸດຫວິດ ຈາກຄະແນນຫຼິ້ນຢ່າງຍຸຕິທໍາ.

ຢືນຢັນ: ແບນຊິກ  2  ຍີ່ປຸ່ນ 0.

ຊູແອັດ ພົບ ສະວິດ ວັນອັງຄານທີ 3 ກໍລະກົດ.

ເປັນການພົບກັນຂອງທີມຈາກເອີຣົບ ໂດຍຊູແອັດ ໂຊຟອມສຸດຍອດ ຖະຫຼົ່ມ ເມັກຊິກ ກະຈຸຍໃນນັດສຸດທ້າຍ ແລະ ເບິ່ງແລ້ວໜ້າຈະໃຊ້ພະລະກຳລັງທີ່ແຂງແກ່ນບຽດຊະນະ ສະວິດ ໄດ້ຢ່າງຫວຸດຫວິດ.

ຢືນຢັນ: ຊູແອັດ  2  ສະວິດ  1 (ຫຼັງຕໍ່ເວລາພິເສດ).

ໂກໂລມບີ  ພົບ  ອັງກິດ  ວັນອັງຄານທີ 3 ກໍລະກົດ.

ອັງກິດ ພັກຕົວຫຼັກເກືອບທັງທີມ ໃນເກມພົບ ແຍນຊິກ ຂະນະທີ່ ໂກໂລມບີ ຕ້ອງລຸ້ນໜັກວ່າ ດາວເຕະຄົນສໍາຄັນຢ່າງ ຮາເມສ ໂຣດຣິເກຊ ຈະຫາຍເຊົາທັນກັບມາຊ່ວຍທີມໄດ້ຫຼືບໍ່.

ຢືນຢັນ: ໂກໂລມບີ  0  ອັງກິດ  1 (ຫຼັງຕໍ່ເວລາພິເສດ).

ຂ່າວທີ່ກ່ຽວຂ້ອງ