ຂ່າວຫຼ້າສຸດ

ໃຜດີ ? 4 ນັກເຕະລຸ້ນລາງວັນນັກເຕະໂດດເດັ່ນບານໂລກ

176 01 ກ.ກ. 2018 ວົງຈອນກີລາ
 ໃຜດີ ? 4 ນັກເຕະລຸ້ນລາງວັນນັກເຕະໂດດເດັ່ນບານໂລກ

          ເປິດໂຜ 4 ນັກເຕະລຸ້ນລາງວັນນັກເຕະໂດດເດັ່ນໃນການແຂ່ງຂັນເຕະບານໂລກ ຮອບ 16 ທີມສຸດທ້າຍເຊິ່ງເລີ່ມແຂ່ງຂັນໃນວັນເສົາທີ່ຜ່ານມານີ້.

ເຕະບານໂລກ 2018 ທີ່ປະເທດຣັດເຊຍ ໄດ້ 16 ທີມທີ່ຜ່ານເຂ້ົາມາຫຼິ້ນໃນຮອບຕັດເຊືອກຮຽບຮ້ອຍ ແລະ ມີນັກເຕະຫຼາຍຄົນທີ່ສ້າງຜົນງານໄດ້ດີໃນຮອບແບ່ງກຸ່ມ.

 ຫຼັງຈົບລາຍການ ຈະມີການມອບລາງວັນນັກເຕະໂດດເດັ່ນ ຫຼື ໂກລເດນ ບອລ ໂດຍເວລານີ້ມີ 4 ນັກເຕະທີ່ສ້າງຜົນງານໄດ້ດີຈົນມີລຸ້ນດັ່ງນີ້

  1. ລູກາ ໂມດຣິຊ

ກອງກາງ ຣິວ ມາດຣິດ ສ້າງຜົນງານໄດ້ຢ່າງໂດດເດັ່ນໃນເຕະບານໂລກຄັ້ງນີ້ ໂດຍເປັນຫັວໃຈໃນແດນກາງຂອງທີມຊາດກຣົວຊີ.

ໂມດຣິຊ ເຮັດໜ້າທີ່ຫົວໜ້າທີມກຣົວຊິໄດ້ຢ່າງສຸດຍອດ ແລະ ຄອຍປຸກໃຈໝູ່ເພື່ອນໄດ້ຕະຫຼອດເວລາ ລວມທັງຢັງຢິງປະຕູໄດ້ດ້ວຍໃນເກມຖະຫຼົ່ມ ອາກຊັງຕິນ ເຮັດໃຫ້ຄວ້າໄຊທັງ 3 ນັດໃນຮອບແບ່ງກຸ່ມ.

ກຣົວຊີ ຈະພົບກັບ ດານມາກ ໃນຮອບ 16 ທີມສຸດທ້າຍ ວັນອາທິດນີ້ ແລະ ຫາກພວກເຂົາເດິນໜ້າໄປໄດ້ໄກ ກໍມີສິດທີ່ ໂມດຣິຊ ຈະໄດ້ລາງວັນນີ້.

  1. ແຮຣີ່ ເຄນ

ກອງໜ້າທີມຊາດອັງກິດ ຍິງໄປແລ້ວ 5 ປະຕູ ຂຶ້ນນໍາເປັນດາວຍິງສູງສຸດຢູ່ໃນເວລານີ້ ເຖິງແມ່ນລົງສະໜາມພຽງແຕ່ 2 ນັດ ເພາະໄດ້ພັກໃນເກມພົບ ແຍນຊິກ ກໍຕາມ.

ເຄນ ມີລຸ້ນທັງລາງວັນດາວຍິງສູງສຸດ ແລະ ນັກເຕະໂດດເດັ່ນ ໂດຍຕ້ອງເບິ່ງກັນວ່າ ອັງກິດຈະໄປໄດ້ໄກພຽງໃດ ຊຶ່ງຫາກເຂ້ົາເຖິງຮອບຊິງຊະນະເລີດ ກໍມີໂອກາດເໝືອນກັນທີ່ກອງໜ້າ ສະເປີ ຈະຄວບທັງສອງລາງວັນ.

ຢ່າງໃດກໍຕາມ ບົດທົດສອບຕໍ່ໄປຂອງ ອັງກິດ ແລະ ເຄນ ໃນຮອບ 16 ທີມສຸດທ້າຍຄື ໂກໂລມບີ ຊຶ່ງຖືວ່າເປັນວຽກໜັກຢູ່ເໝືອນກັນ.

  1. ຟິລິບເປ້ ຄູຕິນໂຢ່

ກ່ອນໜ້າລາຍການນີ້ຈະເລີ່ມຂຶ້ນ ກອງເຊຍບານຈຳນວນຫຼາຍເຊື່ອວ່າ ດາວດັງຂອງ ບຣາຊິນ ໃນເຕະບານໂລກ 2018 ໜ້າຈະເປັນ ເນມາ.

ຢ່າງໃດກໍຕາມ ຫຼັງຈົບຮອບແບ່ງກຸ່ມໄປແລ້ວ ນັກເຕະທີ່ໂຊຟອມໃຫ້ທີມຊາດບຣາຊິນໂດດດເດັ່ນທີ່ສຸດຄື ຟິລິບເປ ຄູຕິນໂຢ່ ທີ່ທັງຍິງ ແລະ ສົ່ງບານໃຫ້ໝູ່ຍິງປະຕູ.

ດາວເຕະ ບາເຊໂລນ່າ ຍິງປະຕູໄດ້ໃນ 2 ເກມທໍາອິດ ກ່ອນມາສົ່ງບານໃຫ້ ເປົາລິນໂຢ່ ຍິງໃນເກມສຸດທ້າຍທີ່ຊະນະ ແຊັກບີ ຜ່ານເຂ້ົາໄປພົບກັບ ເມັກຊິກ ໃນຮອບ 16 ທີມສຸດທ້າຍ.

  1. ເອແດັນ ອາຊາ

ອາຊາ ສ້າງຜົນງານຮ່ວມກັບ ໂຣເມລູ ລູກາກູ ໄດ້ຢ່າງໂດດເດັ່ນ ຈົນຊ່ວຍໃຫ້ ແບນຊິກເກັບໄຊຊະນະ 3 ນັດຊ້ອນໃນຮອບແບ່ງກຸ່ມ,

ໃນເວລານີ້ ກອງກາງທີມເຊວຊີ ສ້າງຜົນງານໄດ້ດີຈົນກ້າວຂຶ້ນມາຢູ່ໃນລະດັບທີ່ໃກ້ຄຽງກັບ ຄຣິສເຕຍໂນ່ ໂຣນັນໂດ ແລະ ລິໂອເນວ ເມສຊີ່ ແລ້ວ ແລະ ຫາກ ແບນຊິກໄປໄດ້ໄກເຖິງແຊັມ ອາຊາກໍຄູ່ຄວນທີ່ຈະໄດ້ລາງວັນ ໂກລເດນ ບອລ.

ຂ່າວທີ່ກ່ຽວຂ້ອງ