ຂ່າວຫຼ້າສຸດ

ຈຸດຈົບອາກຊັງຕິນ ເກີດອັນໃດຂຶ້ນ ເປັນຫຍັງອາກຊັງຕິນຕົກຮອບສຸດເສົ້າ

231 01 ກ.ກ. 2018 ວົງຈອນກີລາ
ຈຸດຈົບອາກຊັງຕິນ ເກີດອັນໃດຂຶ້ນ ເປັນຫຍັງອາກຊັງຕິນຕົກຮອບສຸດເສົ້າ

          ກ່ອນເກມ ທຸກຄົນຮູ້ວ່າ ອາກຊັງຕິນ ເປັນຮອງຝຣັ່ງເລັກນ້ອຍ ແຕ່ພໍລົງຫຼິ້ນອີຫຼີ ພວກເຂົາເໝືອນຈະສູ້ໄດ້ດີໃນເຄິ່ງເວລາທໍາອິດ ແຕ່ພໍໃນໄລຍະຍາວກໍຖືກຝຣັ່ງໄລ່ແຊງ ແລະ ຈົບເກມດ້ວຍ 4-3 ປະຕູ.

ອາກຊັງຕິນ ຕົກຮອບຮຽບຮ້ອຍ ເຊ່ັນດຽວກັບ ອະນາຄົດຂອງລີໂອເນວ ເມສຊີ່ ກັບຄວາມຝັນແຊັມໂລກກໍຄົງຫຼຸດລອຍໄປເຊັ່ນກັນ.

ມັນເກີດອັນໃດຂຶ້ນກັນແທ້ ກັບທີມແຊັມໂລກສອງສະໄໝທີມນີ້ ບັນຫາມັນຄືອັນໃດ ເຮົາຈະໄປລ້ວງເລິກພ້ອມໆກັນ.

  1. ຕົວເກ່ັງບໍ່ໃຊ້ ໃຊ້ຕົວໄຮ້ຊື່ສຽງ

ເປັນເລື່ອງທີ່ໜ້າແປກວ່ານັກເຕະຄຸນະພາບລະດັບ 1 ທີ່ພິສູດຜົນງານມາແລ້ວ ທັງ ກອນຊາໂລ່ ອິກວາອິນ ຫຼື ເປົາໂລ ດິບາລ່າ ກັບບໍ່ມີໂອກາດລົງສະໜາມເປັນຕົວຈິງ ກອງໜ້າສາມຄົນທີ່ ຊາມເປົາລີສ່ົງລົງ ຄື ເມສຊີ່ - ດິ ມາເຣຍ - ປາວອນ ຊຶ່ງຢ່າງເມສຊີ່ ກັບ ດິ ມາເຣຍ ກໍເຂ້ົາໃຈໄດ້ ແຕ່ ປາວອນ? ຄວນເປັນຕົວຈິງຫຼືບໍ່.

ກຸນ ອະເກວໂຣ່ ລົງສະໜາມໃນເກມນີ້ ແລະ ຍິງປະຕູໄດ້ທັນທີ ເຂົາເປັນຄົນຍິງໃຫ້ທີມອາກຊັງຕິນຫຼາຍທີ່ສຸດໃນບານໂລກຄັ້ງນີ້ ແຕ່ບໍ່ໄດ້ລົງສະໜາມເປັນຕົວຈິງ ແຖມນັດພົບຝຣັ່ງ ກວ່າຈະລົງກໍຊ້າເກີນໄປ ທັງໆທີ່ຄວນຈະປ່ຽນຕັ້ງແຕ່ຕ້ົນເຄິ່ງຫຼັງດ້ວຍຊໍ້າ.

ສະຫຼຸບງ່າຍໆຄື ຕົວເກ່ັງບໍ່ໃຊ້ ໃຊ້ແຕ່ຕົວອ່ອນ ສຸດທ້າຍບໍ່ແປກທີ່ຈະພ່າຍແພ້ຍ່ອຍຍັບແບບນັ້ນ.

  1. ຜູ້ຮັກສາປະຕູ ລະດັບຄວາມສາມາດຕໍ່າເກີນໄປ

ວິນລີ່ ກາບາເຢໂຣ່ ຜູ້ຮັກສາປະຕູມືໜຶ່ງ ບໍ່ແມ່ນຕົວຫຼັກຂອງສະໂມສອນເຊວຊີດ້ວຍຊໍ້າໄປ ເຂົາເປັນະຽງແຕ່ຕົວສໍາຮອງອົດທົນຂອງ ຕິໂບ ກູກຕົວ ທັງລະດູການ ໄດ້ຫຼິ້ນພຣີເມຍລີກພຽງແຕ່ 3 ເກມເທ່ົານັ້ນ ພຽງແຕ່ເທົ່ານີ້ນີ້ກໍເຫັນແລ້ວວ່າ ຝີມືຢູ່ໃນລະດັບພຽງແຕ່ພໍໃຊ້ເທ່ົານັ້ນ.

 ສ່ວນຜູ້ຮັກສາປະຕູມືສອງ ອາມານີ່ ກໍບໍ່ໄດ້ເກ່ັງຕ່າງກັນເລີຍ ສອງເກມທີ່ລົງຫຼິ້ນ ບໍ່ສາມາດປ້ອງກັນບໍ່ໃຫ້ເສຍປະຕູໄດ້ ແລະ ບໍ່ມີການປ້ອງກັນແບບຕື່ນເຕັ້ນອັນໃດໃຫ້ເຫັນ.

ລອງຄິດວ່າ ອາກຊັງຕິນມີຜູ້ຮັກສາປະຕູຢ່າງ ທີໂບ ກູກຕົວ ຫຼື ດາບິດ ເດ ເກອາ ມັນຈະສຸດຍອດຂະໜາດໃດ.

  1. ກອງຫຼັງອ່ອນປວກປຽກ

ສອງປະຕູທີ່ຝຣັ່ງເສຍ ຄືການຍິງໄກສຸດສວຍງາມຂອງ ດິ ມາເຣຍ ຊຶ່ງໝົດບັນຍາຮັບແນ່ນອນ ອີກລູກຄືຈັງຫວະບັງເອີນ ທີ່ບານໄປຖືກຂາ ແມຄາໂດ ເຂ້ົາໄປແບບໂຊກຊ່ວຍ ແຕ່ຖ້າເວົ້າເຖິງຈັງຫວະອື່ນໆ ຝຣັ່ງບໍ່ພາດເລີຍ ຈຸດນີ້ ກົງກັນຂ້າມກັບອາກຊັງຕິນຄົນລະເລື່ອງ.

ກອງຫຼັງມີຈຸດອ່ອນຫຼວງຫຼາຍ ປະຕູທໍາອິດ ໂຣໂຮ ໄປເຮັດຜິດກະຕິກາຕໍ່ ເອັມບັບເປ ເສຍຈຸດໂທດ ຈາກນັ້ນລູກ 3-2 ກໍປ່ອຍໃຫ້ ເອັມບັບເປ ລ້ຽງບານຫຼອກຈົນເສຍຫຼັກກັນໝົດ ເຊ່ັນດຽວກັບລູກ 4-2 ທີ່ປ່ອຍໃຫ້ເອັມບັບເປໂລ່ງໆຂະໜາດນັ້ນ ບໍ່ມີທາງພາດແນ່ນອນ.

  1. ບໍ່ເຮັດການບ້ານຄູ່ແຂ່ງ

ເກມນີ້ "ເອັມບັບເປ" ຫຼິ້ນເປັນພະເອກ ເອີ້ນເອົາຈຸດໂທດຕອນຕ້ົນເກມ ແລະ ຍິງເນ້ັນໆອີກ 2 ລູກ ເກືອບຍິງໄດ້ເຖິງ 3 ປະຕູດ້ວຍ ໃນຂະນະທີ່ນັກເຕະອາກຊັງຕິນປະກົບ ອັອງຕວນ ກຣີຊມັນ ໄດ້ດີ ແຕ່ພວກເຂົາເອົາເອັມບັບເປບໍ່ຢູ່ເລີຍ.

ນັກເຕະອາກຊັງຕິນ ເໝືອນບໍ່ຮູ້ເລີຍວ່າເອັມບັບເປຫຼິ້ນຢ່າງໃດ ຈັງຫວະລາກບານ ຈັງຫວະລັອກຫຼົບ ປະກົບບໍ່ຢູ່ເລີຍຈັກເທື່ອ ຖ້າເຂົາຣູ້ຈັກເອັມບັບເປດີກວ່ານີ້ ບາງທີອາດບໍ່ພ່າຍແພ້ ຖ້າໂຣໂຮກະໄລຍະແລ່ນຂອງເອັມບັບເປ້ຖືກຕ້ອງ ອາດບໍ່ເສຍຈຸດໂທດລູກທໍາອິດ.

  1. ໂຄ໊ຊບໍ່ຮູ້ຄິດອັນໃດໃນຫົວ

ການແກ້ເກມຂອງ ຮໍເກ ຊັມເປົາລີ ເຕັມໄປດ້ວຍຄວາມມຶນງົງ ມາກອສ ໂຣໂຮ ອາດໄດ້ຮັບໃບຫຼືອງ ແຕ່ເຂົາກໍຍັງມີເກມຮບທີ່ໃຊ້ໄດ້ ແຕ່ພໍຟາຊິໂອລງມາສຳລອງ ເກມພັງທັນທີ ຂະນະທີ່ການປ່ຽນຕົວຄົນທີ່ 3 ແທນທີ່ຈະເລືອກຕົວທີ່ລຸ້ນໄດ້ເສຍຢ່າງ ດິບາລ່າ ກັບ ອິກວາອິນ ແຕ່ເລືອກເມຊ່າ?

ຈິງໆ ຖ້າຊັມເປົາລີ ຈັດຕົວໄດ້ດີກວ່ານີ້ ແລະ ບໍ່ພ່າຍແພ້ ກຣົວຊີ ຂາດລອຍ ພວກເຂົາອາດຈົບແຊັມກຸ່ມ ແລະ ໄປພົບດານມາກໃນຮອບ 16 ທີມສຸດທ້າຍ ຊຶ່ງເປັນວຽກງ່າຍກວ່າຝຣັ່ງແນ່ໆ ແຕ່ເພາະບໍ່ດີພໍ ເລີຍຕ້ອງຈົບເປັນອັນດັບ 2 ແລະ ຜ່ານເຂ້ົາຮອບມາພົບທີມແຂງແກ່ນຢ່າງຝຣັ່ງແທນ.

ຂ່າວທີ່ກ່ຽວຂ້ອງ