ຂ່າວຫຼ້າສຸດ

“ອຸຣຸກວາຍ” ຊະນະ “ປອກຕຸຍການ” ໄປພົບ “ຝຣັ່ງ” ຮອບ 8 ທີມ

178 01 ກ.ກ. 2018 ວົງຈອນກີລາ
“ອຸຣຸກວາຍ” ຊະນະ “ປອກຕຸຍການ” ໄປພົບ “ຝຣັ່ງ” ຮອບ 8 ທີມ

"ອຸຣຸກວາຍ" ແຂງແກ່ນອີຫຼີ ຫຼັງຊະນະ "ປອກຕຸຍການ" ຫວຸດຫວິດ 2-1 ຜ່ານເຂົ້າໄປພົບ "ຝຣັ່ງ" ຮອບ 8 ທີມສຸດທ້າຍບານໂລກ 2018.

 ການແຂ່ງຂັນເຕະບານໂລກ 2018 ຮອບ 16 ທີມສຸດທ້າຍ ທີ່ສະໜາມຟິຊ ສະເຕດຽມ ປະເທດຣັດເຊຍ ເມື່ອວັນເສົາທີ່ຜ່ານມາ ທີມຊາດປອກຕຸຍການ ແຊັມເອິໂຣ 2016 ລົງສະໜາມພົບ ອຸຣຸກວາຍ ເຄິ່ງເວລາທໍາອິດເປີດສາກໄດ້ພຽງ 7 ນາທີ ອຸຣຸກວາຍ ອອກນຳກ່ອນ 1-0 ຈາກການເອົາຫົວຕໍາບານຂອງ ເອດິນສັນ ຄາວານີ ດາວຍິງຕົວເກ່ັງ ຫຼັງເສຍປະຕູ ທີມປອກຕຸຍການກໍບຸກໜັກ ແລະ ຕາມຕີສະເໝີເປັນ 1-1 ໄດ້ຈາກ ເປເປ ນາທີທີ 55 ແຕ່ວ່າດີໃຈໄດ້ບໍ່ດົນ ທີມອູຣຸກວາຍ ກໍແຊງຂຶ້ນນຳອີກຄັ້ງເປັນ 2-1 ຈາກການປັ່ນໂຄ້ງຂອງຄາວານີຄົນເດີມໃນນາທີທີ່ 62 ໄລຍະເວລາທີ່ເຫຼືອ ປອກຕຸຍການພະຍາຍາມເດີນໜ້າເຕັມຕົວ ແລະ ຫັນມາເນ້ັນຍິງໄກ ແຕ່ກໍບໍ່ເປັນຜົນ ຈົບເກມ ອຸຣຸກວາຍ ຊະນະ ປອກຕຸຍການຢ່າງຫວຸດຫວິດ 2-1 ສ້າງສະຖິຕິຊະນະ 4 ນັດຊ້ອນ ພ້ອມລອຍລຳເຂ້ົາສູ່ຮອບກ່ອນຮອງຊະນະເລີດໄປພົບກັບ ຝຣັ່ງ ເປັນດ່ານຕໍ່ໄປໃນວັນທີ 6 ກໍລະກົດນີ້.

ຂ່າວທີ່ກ່ຽວຂ້ອງ