ວິທີຮັກສາພະຍາດປະດົງດ້ວຍ “ໝາກເຟືອງ”

252 29 ມິ.ນ. 2018 ຫົວຂໍ້ຂ່າວອື່ນໆ
ວິທີຮັກສາພະຍາດປະດົງດ້ວຍ “ໝາກເຟືອງ”

      ປະດົງ ເປັນ​ພະຍາດ​ທີ່​ປິ່ນປົວ​ໃຫ້​ເຊົາ​ເປັນ​ປົກກະຕິ​ໄດ້​ຍາກ​ຄື​ກັນ​ກັບ​ພະຍາດ​ເບົາຫວານ ພະຍາດ​ຄວາມດັນເລືອດ ເຊິ່ງ​ຄົນ​ທີ່​ເປັນ​ປະດົງ​ຮູ້​ດີ​ວ່າ ເມື່ອ​ເປັນ​ແລ້ວ​ຈະ​ທໍລະມານ​ຫຼາຍ ເວລາ​ກິນ​ອາຫານ​ທີ່​ເປັນ​ພິດ​ເຂົ້າ​ໄປ ຂໍ່​ແຂນ ມື ເຂົ່າ ຕີນ ແລະ ອື່ນໆ​ຈະ​ບວມ​ໄຄ່ ເຈັບ​ປວດ​ທໍລະມານ​ຫຼາຍ​ຈົນ​ຍ່າງ​ບໍ່​ໄດ້ ດັ່ງນັ້ນ ຄໍ​ລຳ​ສິ່ງ​ຄວາມ​ຮູ້​ມື້ນີ້​ຈຶ່ງ​ໄດ້​ນຳ​ສະເໜີ​ສະ​ໝຸນ​ໄພ​ມີ​ສູດ​ປິ່ນປົວ​ຫຼາຍ​ສູດ ທີ່​ສາມາດ​ບັນເທົາ​ອາການ​ເຈັບ​ໄດ້ ນັ້ນ​ກໍ່​ຄື​ໝາກເຟືອງ.

     ສຳລັບ​ໝາກເຟືອງ​ສົ້ມ​ສຸກ ເປັນ​ອີກ​ສູດ​ໜຶ່ງ​ທີ່​ນິຍົມ​ໃຊ້​ກັນ​ມາ​ແຕ່​ບູຮານ ເປັນ​ສູດ​ສະເພາະ​ກຸ່ມ ໄດ້​ຮັບ​ການ​ບອກເລົ່າ​ວ່າ ສາມາດ​ເຮັດ​ໃຫ້​ປະດົງ​ໃຫ້​ຫຼຸດຜ່ອນ​ລົງ ຈຶ່ງ​ແນະນຳ​ໃຫ້​ຜູ້​ອ່ານ​ໄດ້​ເອົາ​ສູດ​ໄປ​ໃຊ້.

     ວິທີ​ເຮັດ: ເອົາ​ໝາກເຟືອງ​ສົ້ມ​ສຸກ ຈຳນວນ 1 ໜ່ວຍ ເກືອ​ເລັກ​ໜ້ອຍ ນ້ຳເຜິ້ງ 1 ບ່ວງ​ແກງ  ນ້ຳ​ຕົ້ມ 2 ຈອກ ເອົາ​ສ່ວນ​ປະສົມ​ທັງ​ໝົດ​ນັ້ນ​ມາ​ປັ່ນ​ໃຫ້​ເຂົ້າກັນ​ລະອຽດ ກິນ​ຄັ້ງ​ລະ 1 ຈອກ ກິນ​ກ່ອນ​ອາຫານ​ເຊົ້າ ແລະ ອາຫານ​ແລງ ເຮັດ​ກິນ​ຕິດຕໍ່​ກັນ 6 ວັນ ເຊິ່ງ​ອາການ​ຂອງ​ພະຍາດ​ປະດົງ​ຈະ​ຫຼຸດຜ່ອນ​ລົງ  ໃຜ​ທີ່​ເປັນ​ພະຍາດ​ນີ້​ຄວນ​ລອງ​ເຮັດ​ດື່ມ.

    ເພາະ​ມັນ​ບໍ່​ເປັນ​ອັນຕະລາຍ​ຫຍັງ ໝາກເຟືອງ​ປະໂຫຍດ​ທາງ​ຢາ ຍອດ​ໝາກເຟືອງ ກັບ​ຍອດ​ໝາກພ້າວ ຕົ້ມ​ປະສົມ​ກັນ​ກິນ​ແກ້​ໄຂ້ຫວັດໃຫຍ່ ໃບ​ຕົ້ມ​ອາບ​ແກ້​ຕຸ່ມ​ຄັນ ແກ່ນ ແລະ ຮາກ​ຕົ້ມ​ກິນ​ແກ້​ເຈັບທ້ອງ ແກ້​ເຈັບ​ເສັ້ນ​ໄດ້.

     

ຂ່າວທີ່ກ່ຽວຂ້ອງ