ຂ່າວຫຼ້າສຸດ

ຊຸກຍູ້ການຮ່ວມມືມິດຕະພາບ ແບ່ງປັນບົດຮຽນໃນທຸກຂົງເຂດ ລະຫວ່າງ ຮ່າໂນຍ-ວຽງຈັນ

217 29 ມິ.ນ. 2018 ຫົວຂໍ້ຂ່າວອື່ນໆ
ຊຸກຍູ້ການຮ່ວມມືມິດຕະພາບ ແບ່ງປັນບົດຮຽນໃນທຸກຂົງເຂດ ລະຫວ່າງ ຮ່າໂນຍ-ວຽງຈັນ

     ວັນ​ທີ 26 ມິຖຸນາ 2018 ທີ່​ນະຄອນຫຼວງ​ຮ່າ​ໂນຍ ທ່ານ​ນາງ ໂງ​ທິ​ແທັງ​ຮັ່ງ ກຳມະການ​ສູນ​ກາງ​ພັກ ຮອງ​ເລຂາ​ຜູ້​ປະຈຳ ການ​ນະຄອນ​ຮ່າ​ໂນຍ ໄດ້​ໃຫ້ ການຕ້ອນຮັບ​ຄະນະ​ຜູ້​ແທນ​ແນວ​ລາວ​ສ້າງ​ຊາດ​ລາວ ຊຶ່ງ​ນຳ​ໂດຍ ທ່ານ ບຸນ​ທ່ຽງ ຂຸນ​ສີ  ຄະນະກຳ ມະການ​ສູນ​ກາງ​ແນວ​ລາວສ້າງ ​ຊາດ ປະທານ​ແນວ​ລາວ​ສ້າງ​ຊາດ​ນະຄອນຫຼວງ​ວຽງ​ຈັນ ພ້ອມ​ດ້ວຍ​ຄະນະ ທີ່​ເດີນທາງ​ໄປ​ຢ້ຽມຢາມ ແລະ ເຮັດ​ວຽກ​ຢູ່ ສສ ຫວຽດນາມ.
    ທ່ານ​ນາງ ໂງ​ທິ​ແທັງ​ຮັ່ງ ໄດ້​ກ່າວ​ໃນ​ພິທີ​ພົບ​ປະ​ຄັ້ງ​ນີ້​ວ່າ: ຄະນະ​ພັກ ອຳນາດ​ການ​ປົກຄອງ ແລະ ປະຊາຊົນ ນະຄອນຫຼວງ​ຮ່າ​ໂນຍ ຕ່າງ​ກໍ່​ສະແດງ​ຄວາມ​ພາກພູມ​ໃຈ​ຕໍ່​ຜົນງານ​ທີ່​ຍາດ​ໄດ້​ໃນ​ການ​ພົວພັນ​ຮ່ວມ​ມືອັນດີງາມ​ໃນ​ຫຼາຍ​ຂົງເຂດ​ວຽກງານລະ ຫວ​່າງສອງຊາດ ຫວຽດນາມ-ລາວ ເວົ້າ​ລວມ ສອງ​ນະຄອນ ຫຼວງ​ເວົ້າ​ສະເພາະ ໃນ​ນັ້ນ ລວມ​ ມີ​ຄະນະ​ກຳມະການ​ແນວ​ໂຮມ ​ປະເທດ​ຊາດ​ຫວຽດນາມ​ນະ ຄອນຫຼວງ​ຮ່າ​ໂນ້ຍ ແລະ ແນວ​ລາວ​ສ້າງ​ຊາດ​ນະຄອນຫຼວງວຽງ​ຈັນໃນ​ໄລຍະ​ຜ່ານ​ມາ ພ້ອມ​ ກັນ​ນັ້ນ​ກໍ່ໄດ້​ສະແດງຄວາມຍ້ອງ ຍໍ​ຊົມເຊີຍບັນດາ​ການເຄື່ອນໄຫວ​ແລກປ່ຽນແບ່ງປັນ​ບົດຮຽນ ການ​ຮ່ວມ​ມື​ມິດຕະພາບລະຫວ່າງບັນດາ​ສຳນັກງານ​ອົງ ການ​ວິຊາ​ສະເພາະ​ຂອງ​ສອງ​ນະຄອນຫຼວງ ກ່ຽວ​ກັບ​ວຽກ​ງານ​ເຕົ້າໂຮມ​ຄວາມ​ສາມັກຄີ​ບັນດາ​ຊັ້ນ​ຄົນ​ປະຊາຊົນ ບັນດາ​ການຈັດຕັ້ງ​ການເມືອງ ສັງຄົມ ສາສະໜາ ໄດ້​ພ້ອມ​ກັນ​ຢ່າງ​ຕັ້ງ ໜ້າ​ໃນ​ການ​ພັດທະນາ​ເສດຖະກິດ ປົກ​ປັກ​ຮັກສາ​ຄວາມສະ​ຫງົບ​ ປອດ​ໄພ​ສັງຄົມ ປົກປັກຮັກ ສາ​ປະເທດ​ຊາດ ແລະ ໄດ້ສະ ແດງ​ຄວາມ​ຫວັງ​ວ່າ ສອງອົງ ການ​ແນວ​ໂຮມ​ປະເທດ​ຊາດ​ຫວຽດນາມ ແລະ ແນວ​ລາວ​ສ້າງ​ຊາດ​ຂອງ​ລາວຈະ​ມີ​ໂອກາດ​ຫຼາຍ​ເພື່ອ​ແລກປ່ຽນແບ່ງປັນ​ບົດຮຽນ​ໃນ​ການ​ແລກປ່ຽນ​ຄະນະ​ຜູ້​ແທນ​ໃນຕໍ່ໜ້າ.
   ໃນ​ຂະນະ​ດຽວ​ກັນ​ນັ້ນ ທ່ານ ບຸນ​ທ່ຽງ ຂຸນ​ສີ ກະ​ໄດ້​ສະແດງ​ຄວາມ​ຊົມເຊີຍ​ຕໍ່​ການ​ພັດທະນາ​ຂອງ​ນະຄອນຫຼວງ​ຮ່າ​ໂນ້ຍ ພ້ອມ​ ທັງ​ລາຍ​ງານ​ສະພາບ​ການ​ພັດທະນາ​ຂອງ​ນະຄອນຫຼວງ​ວຽງ​ຈັນ ເປັນຕົ້ນ​ແມ່ນ​ການ​ບັນລຸ​ເປົ້າ​ໝາຍ​ໃນ 18 ເປົ້າ​ໝາຍ​ເຫັນ​ວ່າ​ບັນລຸ​ໄດ້​ສ່ວນ​ຫຼາຍ​ຮອດ​ປີ 2020 ໃຫ້​ກາຍເປັນ​ນະຄອນ​ພັດທະນາ ພ້ອມ​ທັງ​ຕັດສິນ​ໃຈ​ກາຍເປັນ​ນະຄອນ​ທີ່​ນຳ​ໜ້າ​ໃນ​ການ​ດຶງ​ດູດ​ແຂກ​ທ່ອງ​ທ່ຽວ ເພື່ອ​ບັນລຸ​ເປົ້າ ໝາຍ​ດັ່ງກ່າວ ນະຄອນຫຼວງ​ວຽງ​ຈັນ​ໄດ້​ມາດ​ຕະການ ຄື: “3 ເພີ່ມ 3 ຫຼຸດ 5 ເຂົ້າ​ຮ່ວມ 3 ຂະ​ບວນ​ການ” ດ້ວຍ​ການ​ຫັນ​ບັນດາ​ວຽກ​ງານ​ເປັນ​ລະອຽດ ໃນ​ນັ້ນ ​ໄດ້​ເອົາໃຈໃສ່​ຮຽກຮ້ອງ​ໃຫ້​ປະຊາຊົນ​ຮ່ວມ​ແຮງ​ຮ່ວມ​ໃຈ​ກັນ​ອອກແຮງ​ສ້າງ​ນະຄອນຫຼວງ​ວຽງ​ຈັນ​ໃຫ້​ເປັນ​ນະຄອນຫຼວງ​ທີ່​ໜ້າ​ຢູ່.
   ທ່ານ​ນາງ ໂງ​ທິ​ແທັງ​ຮັ່ງ ໄດ້​ສະແດງ​ຄວາມ​ຍ້ອງຍໍ​ຊົມເຊີຍຕໍ່​ ຜົນງານ​ທີ່​ທາງ​ນະຄອນຫຼວງ​ວຽງ​ຈັນ​ຍາດ​ມາ​ໄດ້ ພ້ອມ​ທັງ​ລາຍ​ງານ​ສະພາບ​ການ​ໂດຍຫຍໍ້​ ໃຫ້​ຄະນະ​ຜູ້ແທນ​ແນວລາວ​ຮັກ​ຊາດ​ຮັບ​ຊາບກ່ຽວ​ກັບສະພາບ​ ການ​ພັດທະນາ​ເສດຖະກິດ-ສັງຄົມ​ຂອງ​ຮ່າ​ໂນຍ ໃນ​ນັ້ນ ໄດ້​ເນັ້ນ​ວ່າ ນະຄອນ​ຮ່າ​ໂນຍ​ໄດ້​ສຸມ​ໃສ່​ຮັກສາ​ການ​ເຕີບ​ໂຕ​ເສດຖະກິດ​ສະເລ່ຍ​ລາຍ​ຮັບ 7% ດຶງ​ດູດ ​ການ​ລົງທຶນ​ຕ່າງປະເທດ ພັດ ທະນາ​ການທ່ອງທ່ຽວ​ບັນລຸ 23 ລ້ານ​ຖ້ຽວ​ຄົນ​ໃນ 6 ເດືອນ​ຕົ້ນ​ປີ 2018 ພັດທະນາ ແລະ ເປີດ​ກ້ວ​າງ​ຕົວ​ເມືອງ ຮັບປະກັນ​ຄວາມ​ສະຫ​ງົບ​ປອດ​ໄພ ປົກ​ປັກ​ຮັກສາ​ສະພາບ​ແວດ​ລ້ອມ​ການ​ລົງທຶນ ບັນດາ​ຜົນງານ​ທີ່​ຍາດ​ມາ​ໄດ້​ຂ້າງ​ເທິງ​ນັ້ນແມ່ນ​ຍ້ອນ​ວ່າ​ ນະຄອນ​ຮ່າ​ໂນຍໄດ້​ເສີມ​ຂະຫຍາຍ​ກຳລັງ​ແຮງ​ສັງ​ລວມມະຫາ​ສາມັກຄີ​ທົ່ວ​ປວງ​ຊົນ ໃນນັ້ນ ແນວ​ໂຮມ​ປະເທດ​ຊາດ​ຫວຽດນາມ​ ນະຄອນຫຼວງ​ຮ່າໂນຍ ໄດ້​ມີ​ບົດບາດ​ສຳຄັນ​ໃນ​ການເຕົ້າໂຮມ​ຄວາມ​ສາມັກຄີ​ປວງ​ຊົນ​ ທັງ​ຊາດ ອົງ​ການຈັດຕັ້ງ​ການເມືອງ-ສັງຄົມ​ເຂົ້າ​ຮ່ວມ​ໃນ​ການ​ພັດທະນາ​ເສດຖະກິດ-ສັງຄົມ ປົກ​ປັກ​ຮັກສາ​ປະເທດ​ຊາດ. 
    ນອກ​ນີ້ ຜູ້ນຳ​ທັງ​ສອງຝ່າຍໄດ້​ແລກປ່ຽນ​ສະພາບການ​ພັດທະນາ​ເສດຖະກິດ ວັດທະນະທຳ ສັງຄົມ ໃນ​ການເຄື່ອນໄຫວ ແລະ ບົດຮຽນ​ປະຕິບັດ​ວຽກງານ ​ແນວ​ໂຮມ​ລະຫວ່າງ​ສອງນະ ຄອນຫຼວງ​ຮ່າ​ໂນຍ ແລະ ນະຄອນຫຼວງ​ວຽງ​ຈັນ ທ່ານ ບຸນ​ທ່ຽງ ຢືນຢັນ​ວ່າ: ການ​ພົວພັນ​ທີ່​ເປັນ​ມູນເຊື້ອລະຫວ່າງສອງນະຄອນຫຼວງ ພິເສດ​ແມ່ນ​ການ​ແບ່ງປັນ​ບົດຮຽນ​ດ້ານ​ວຽກງານ​ແນວ​ໂຮມ​ຂອງ​ແນວໂຮມ ​ປະເທດ​ຊາດ​ຫວຽດນາມ​ ນະຄອນຫຼວງ​ຮ່າ​ໂນຍ ຈະ​ແມ່ນບົດຮຽນ​ອັນ​ລ້ຳ​ຄ່າ​ສຳລັບນະຄອນ ຫຼວງ​ວຽງ​ຈັນ ພ້ອມ​ທັງ​ຫວັງ​ວ່າ: ສອງ​ຝ່າຍ​ຈະ​ສືບຕໍ່​ເພີ່ມ​ທະວີ​ການພົວພັນ​ແລກປ່ຽນຮ່ວມ​ມື ຫັນ​ບັນດາ​ແຜນການເຄື່ອນໄຫວ​ແນໃສ່​ຮັດ​ແໜ້ນ​ນ້ຳໃຈ​ມິດຕະພາບ​ນັບ​ມື້​ໜັກ​ແໜ້ນລະຫວ່າງສອງ​ຝ່າຍ. 
   ໃນ​ມື້​ດຽວ​ກັນ​ນັ້ນ ຄະນະຜູ້​ແທນ​ແນວ​ລາວ​ສ້າງ​ຊາດ​ນະຄອນຫຼວງ​ວຽງ​ຈັນ ຊຶ່ງ​ນຳ​ໂດຍ ທ່ານ ບຸນ​ທ່ຽງ ຂຸນ​ສີ ໄດ້​ພົບ​ປະ​ປຶກສາ​ຫາລື​ກັບ ທ່ານ ຫວູ​ຮົ່ງ​ແຄັງ ກຳມະການ​ຜູ້​ປະຈຳການ ປະທານ​ແນວ​ໂຮມ​ປະເທດ​ຊາດ​ຫວຽດນາມ​ ນະຄອນ​ຮ່າ​ໂນຍ ຍັງ​ໄດ້​ໄປ​ຖອດ​ຖອນ​ບົດຮຽນ​ກ່ຽວ​ກັບ​ວຽກ​ງານ​ສ້າງ​ຊົນນະບົດໃໝ່​ ຢູ່​ເມືອງດານ​ເຟື້ອງ ຂອງ​ນະຄອນຫຼວງ​ຮ່າ​ໂນຍ.

ຂ່າວທີ່ກ່ຽວຂ້ອງ