ກອງປະຊຸມສະໄໝສາມັນເທື່ອທີ 5 ຂອງສະພາແຫ່ງຊາດ ຊຸດທີ VIII ປິດລົງດ້ວຍຜົນສຳເລັດຢ່າງຈົບງາມ

328 29 ມິ.ນ. 2018 ຂ່າວໜ້າ​ໜຶ່ງ
ກອງປະຊຸມສະໄໝສາມັນເທື່ອທີ 5 ຂອງສະພາແຫ່ງຊາດ ຊຸດທີ VIII ປິດລົງດ້ວຍຜົນສຳເລັດຢ່າງຈົບງາມ

ກອງ​ປະ­ຊຸມ​ສະ­ໄໝ​ສາ­ມັນ​ເທື່ອ​ທີ 5 ຂອງ​ສະ­ພາ​ແຫ່ງ​ຊາດ ຊຸດ​ທີ VIII ໄດ້​ປິດ​ລົງ​ດ້ວຍ​ຜົນ­ສຳ­ເລັດ​ຢ່າງ​ຈົບງາມ ໃນ​ວັນ​ທີ 28 ມິ­ຖຸ­ນາ 2018 ພາຍ­ຫຼັງ​ດຳ­ເນີນ​ມາ​ແຕ່​ວັນ​ທີ 5 ມິ­ຖຸ­ນາ ທີ່​ຜ່ານ​ມາ ພາຍ​ໃຕ້​ການ​ເປັນ​ປະ­ທານ​ຂອງ​ທ່ານ​ນາງ ປາ­ນີ ຢາ​ທໍ່​ຕູ້ ປະ­ທານ​ສະ­ພາ​ແຫ່ງ​ຊາດ ໃຫ້​ກຽດ​ເຂົ້າ​ຮ່ວມ​ໂດຍ​ທ່ານ  ບຸນ​ຍັງ ວໍ­ລະ​ຈິດ ເລ­ຂາ​ທິ ການ​ໃຫຍ່ ຄະ­ນະ​ບໍ­ລິ­ຫານ​ງານ​ສູນ​ກາງ​ພັກ​ປະ­ຊາ­ຊົນ ປະ­ຕິ­ວັດ​ລາວ  ປະ­ທານ​ປະ­ເທດ ແຫ່ງ ສປປ ລາວ ທ່ານ ທອງ​ລຸນ ສີ​ສຸ​ລິດ ນາ­ຍົກ­ລັດ­ຖະ­ມົນ­ຕີ ມີ​ບັນ­ດາ​ການ​ນຳ ອະ­ດີດ​ການ​ນຳ ພັກ-ລັດ  ສະ­ມາ­ຊິກ​ສະ­ພາ​ແຫ່ງ​ຊາດ (ສສຊ) ທຸກ​ເຂດ​ເລືອກ​ຕັ້ງ  ແລະ ແຂກ​ຖືກ​ເຊີນ.

ໂອ­ກາດ​ນີ້ ທ່ານ​ນາງ ປາ­ນີ ຢາ​ທໍ່​ຕູ້ ໄດ້​ກ່າວ​ສູນ​ທອນ​ພົດ​ປິດ​ກອງ​ປະ­ຊຸມ​ຄັ້ງ​ນີ້​ວ່າ: ເປັນ​ເວ­ລາ 18 ວັນ​ເຕັມ ທີ່​ກອງ​ປະ­ຊຸມ​ໄດ້​ດຳ­ເນີນ​ໄປ​ດ້ວຍ​ບັນ­ຍາ­ກາດ​ສ້າງ­ສັນ ແລະ ໄດ້​ຮັບ​ຜົນ­ສຳ­ເລັດ​ຕາມ​ແຜນ­ການ​ທີ່​ວາງ​ໄວ້ ຕະ­ຫຼອດ​ໄລ­ຍະ​ການ​ດຳ­ເນີນ​ກອງ​ປະ­ຊຸມ ບັນ­ດາ ສສຊ ໄດ້​ເຊີດ​ຊູ​ຄວາມ​ຮັບ­ຜິດ­ຊອບ​ສູງ​ໃນ​ການ​ຄົ້ນ­ຄວ້າ ປະ­ກອບ​ຄຳ​ຄິດ​ຄຳ​ເຫັນ​ຢ່າງ​ມີ​ເຫດ­ຜົນ ມີ​ເນື້ອ​ໃນ​ເລິກ­ເຊິ່ງ ແລະ ກວ້າງ­ຂວາງ ພ້ອມ​ທັງ​ມີ​ຄວາມ​ເປັນ​ເອ­ກະ​ພາບ​ສູງ​ໃນ​ການ​ພິ​ຈາ­ລະ ນາ​ຮັບ­ຮອງ​ເອົາ​ບັນ­ດາ​ເນື້ອ​ໃນ​ຕ່າງໆ ເຊັ່ນ: ກອງ​ປະ­ຊຸມ​ໄດ້​ຮັບ​ຟັງ ແລະ ປະ­ກອບ​ຄຳ​ຄິດ​ເຫັນ ແລະ ຮັບ­ຮອງ​ເອົາ​ບົດ​ລາຍ​ງານ​ຂອງ​ລັດ­ຖະ­ບານ​ໃນ​ຫຼາຍ​ຂົງ­ເຂດ​ວຽກ​ງານ ເປັນ­ຕົ້ນ ໄດ້​ພິ­ຈາ­ລະ­ນາ ແລະ ຮັບ­ຮອງ​ເອົາ​ບົດ​ລາຍ​ງານ​ກ່ຽວ​ກັບ​ການ­ຈັດ­ຕັ້ງ​ປະ­ຕິ­ບັດ ແຜນ​ພັດ­ທະ­ນາ​ເສດ­ຖະ­ກິດ-ສັງ­ຄົມ ແຜນ​ງົບ­ປະ­ມານ​ແຫ່ງ​ລັດ 4 ເດືອນ​ຜ່ານ​ມາ ຄາດ​ຄະ­ເນ 6 ເດືອນ​ຕົ້ນ​ປີ ແລະ ທິດ​ທາງ​ວຽກ​ງານ​ຈຸດ​ສຸມ​ປະ­ຈຳ 6 ເດືອນ​ທ້າຍ​ປີ 2018 ບົດ​ລາຍ​ງານ​ຂອງ​ລັດ­ຖະ­ບານ​ກ່ຽວ​ກັບ​ການ​ປະ­ຕິ­ບັດ​ມະ­ຕິ​ຂອງ​ກອງ​ປະ­ຊຸມ​ສະ­ພາ​ແຫ່ງ​ຊາດ ວ່າ​ດ້ວຍ​ການ​ອອກ​ນິ­ຕິ​ກຳ​ລຸ່ມ​ກົດ­ໝາຍ ແລະ ຜົນ​ກະ­ທົບ​ຈາກ​ການ​ນຳ​ໃຊ້​ສານ​ເຄ​ມີ​ອັນ­ຕະ­ລາຍ ເກີນ​ຄ່າ​ມາດ­ຕະ­ຖານ​ຕໍ່​ສິ່ງ­ແວ­ດລ້ອມ ສັງ­ຄົມ ແລະ ທຳ​ມະ​ຊາດ ບົດ​ລາຍ​ງານ​ກ່ຽວ​ກັບ​ແຜນ​ແມ່​ບົດ​ຈັດ​ສັນ​ທີ່​ດິນ​ແຫ່ງ​ຊາດ ແຕ່​ນີ້​ຮອດ​ປີ 2030 ບົດ​ລາຍ​ງານ​ກ່ຽວ​ກັບ​ໂຄງ​ປະ ກອບ​ລາ­ຄາ​ນ້ຳ­ມັນ  ການ­ຈັດ­ຕັ້ງ​ປະ­ຕິ­ບັດ​ວຽກ​ງານ 3 ສ້າງ  ຕິດ​ພັນ​ກັບ​ການ​ພັດ­ທະ­ນາ​ຊົນ­ນະ­ບົດ ແລະ ລຶ­ບລ້າງ​ຄວາມ­ທຸກ​ຍາກ ມາດ​ຕະ­ການ ວິ­ທີ​ແກ້​ໄຂ​ຕໍ່​ປາ­ກົດ­ການ​ຫຍໍ້­ທໍ້​ໃນ​ສັງ­ຄົມ ແລະ ອື່ນໆ.

ພ້ອມ​ນີ້ ກອງ​ປະ­ຊຸມ​ຍັງ​ໄດ້​ພິ​ຈະ​ລະ​ນາ​ຮັບ­ຮອງ​ເອົາ​ການ​ສ້າງ ແລະ ປັບ­ປຸງ​ກົດ­ໝາຍ​ຈຳ­ນວນ 13 ສະ­ບັບ ໃນ​ນັ້ນ ກົດ­ໝາຍ​ສ້າງ​ໃໝ່​ມີ 5 ສະ­ບັບ ຄື: ກົດ­ໝາຍ​ວ່າ​ດ້ວຍ​ສະ­ຫະ­ພັນ​ນັກ­ຮົບ​ເກົ່າ ກົດ­ໝາຍ​ວ່າ​ດ້ວຍ​ການ​ຈັດ​ສັນ​ພູມ­ລຳ­ເນົາ ແລະ ອາ­ຊີບ ກົດ­ໝາຍ​ວ່າ​ດ້ວຍ​ການ​ຄຸ້ມ​ຄອງ​ໜີ້​ສິນ​ສາ­ທາ­ລະ­ນະ  ກົດ­ໝາຍ​ວ່າ​ດ້ວຍ​ປ້າຍ ແລະ ກົດ­ໝາຍ​ວ່າ​ດ້ວຍ​ການ​ໃຫ້​ວັກ​ຊີນ​ກັນ​ພະ­ຍາດ ສ່ວນ​ກົດ­ໝາຍ​ປັບ­ປຸງ​ໃໝ່ ມີ 8 ສະ­ບັບ ຄື: ກົດ­ໝາຍ​ວ່າ​ດ້ວຍ​ນາຍ​ທະ ຫານ​ກອງ­ທັບ​ປະ­ຊາ­ຊົນ​ລາວ ກົດ­ໝາຍ​ວ່າ​ດ້ວຍ​ທະ­ບຽນ​ຄອບ­ຄົວ ກົດ­ໝາຍ​ວ່າ​ດ້ວຍ​ທະ­ນາ­ຄານ​ແຫ່ງ ສປປ ລາວ ກົດ­ໝາຍ​ວ່າ​ດ້ວຍ​ອາ­ກອນ​ມູນ​ຄ່າ​ເພີ່ມ ກົດ­ໝາຍ​ວ່າ​ດ້ວຍ​ແນວ​ລາວ​ສ້າງ​ຊາດ ກົດ­ໝາຍ​ວ່າ​ດ້ວຍ​ຂໍ້​ຂັດ​ແຍ່ງ    ທາງ​ດ້ານ​ເສດ­ຖະ­ກິດ ກົດ­ໝາຍ​ວ່າ​ດ້ວຍ​ການ­ບິນ​ພົນ​ລະ​ເຮືອນ ແລະ ກົດ­ໝາຍ​ວ່າ​ດ້ວຍ​ປະ­ກັນ​ສັງ­ຄົມ ພ້ອມ​ນີ້ ກອງ​ປະ­ຊຸມ​ຍັງ​ໄດ້​ພິ­ຈາ­ລະ­ນາ ແລະ ຮັບ­ຮອງ ການ​ສະ­ເໜີ​ແຕ່ງ­ຕັ້ງ​ສະ­ມາ­ຊິກ​ສະ­ພາ​ຜູ້​ພິ­ພາກ­ສາ​ຂອງ​ສານ​ປະ­ຊາ­ຊົນ​ສູງ​ສຸດ ແລະ ພິ­ຈາ­ລະ­ນາ​ຮັບ­ຮອງ​ເອົາ​ບົດ​ລາຍ​ງານ​ການ­ເຄື່ອນ­ໄຫວ​ວຽກ​ງານ 6 ເດືອນ​ຕົ້ນ​ປີ ແລະ ທິດ​ທາງ​ແຜນ ການ 6 ເດືອນ​ທ້າຍ​ປີ 2018  ຂອງ​ຄະ­ນະ​ປະ­ຈຳ​ສະ­ພາ​ແຫ່ງ​ຊາດ​ນຳ​ອີກ.

ຂ່າວທີ່ກ່ຽວຂ້ອງ