ຂ່າວຫຼ້າສຸດ

ສ້າງພື້ນທີ່ເຂດເສດຖະກິດອຸດສາຫະກຳ ແລະ ວຽງຈັນໂນນທອງເປັນສີຂຽວ

207 29 ມິ.ນ. 2018 ຂ່າວໜ້າ​ໜຶ່ງ

ວັນ​ທີ 27 ມິ­ຖຸ­ນາ 2018 ຫ້ອງ­ການ​ສົ່ງ­ເສີມ ແລະ ຄຸ້ມ​ຄອງ​ເຂດ​ເສດ­ຖະ­ກິດ ກະ­ຊວງ​ແຜນ­ການ ແລະ ການ​ລົງ­ທຶນ ຮ່ວມ​ກັບ​ເຂດ​ເສດ­ຖະ­ກິດ​ອຸດ­ສາ­ຫະ­ກຳ ແລະ ວຽງ​ຈັນ-ໂນນ​ທອງ (ວີ​ຕ້າ) ໄດ້​ຈັດ​ກິດ­ຈະ­ກຳ​ປູກ​ຕົ້ນ ໄມ້​ປະ­ດັບ 14 ຕົ້ນ ແລະ ໄມ້​ກິນ​ໝາກ 130 ຕົ້ນ ຢູ່​ພື້ນ​ທີ່​ວີ​ຕ້າ ເມືອງ​ໄຊ​ທາ­ນີ ນະ­ຄອນ­ຫຼວງ​ວຽງ​ຈັນ ມີ​ທ່ານ ສຸ­ພັນ ແກ້ວ​ມີ​ໄຊ ລັດ­ຖະ­ມົນ­ຕີ​ກະ­ຊວງ​ແຜນ­ການ ແລະ ການ​ລົງ­ທຶນ ບັນ­ດາ​ຮອງ​ລັດ­ຖະ­ມົນ­ຕີ ຫົວ­ໜ້າ ຮອງ​ຫົວ­ໜ້າ​ຫ້ອງ­ການ ກົມ ຕາງ­ໜ້າ​ກະ­ຊວງ​ອຸດ­ສາ­ຫະ­ກຳ ແລະ ການ​ຄ້າ ຄະ­ນະ​ບໍ­ລິ­ຫານ​ສະ­ພາ ວີ​ຕ້າ ນັກ­ທຸ­ລະ­ກິດ ແລະ ພະ­ນັກ­ງານ​ເຂົ້າ​ຮ່ວມ.

ການ​ຈັດ​ກິດ­ຈະ­ກຳ​ປູກ​ຕົ້ນ­ໄມ້​ຢູ່​ພື້ນ​ທີ່​ເຂດ​ພັດ­ທະ­ນາ​ເສດ­ຖະ­ກິດ​ພິ­ເສດ​ຢູ່​ທົ່ວ​ປະ­ເທດ​ເປັນ​ກິດ­ຈະ­ກຳ​ໜຶ່ງ​ທີ່​ຫ້ອງ   ການ​ສົ່ງ­ເສີມ ແລະ ຄຸ້ມ​ຄອງ​ເຂດ​ເສດ­ຖະ­ກິດ​ຈັດ​ຂຶ້ນ​ທຸກ​ປີ ທັງ​ນີ້ ກໍ່​ເພື່ອ​ສ້າງ​ພື້ນ​ທີ່​ເຂດ​ພັດ­ທະ­ນາ​ອຸດ­ສາ­ຫະ­ກຳ​ໃຫ້​ເປັນ​ພື້ນ​ທີ່​ສີ­ຂຽວ ມີ​ອາ­ກາດ​ປອດ­ໂປ່ງ ສົດ­ຊື່ນ ຕາມ​ທິດ​ພັດ­ທະ­ນາ​ແບບ​ຍືນ​ຍົງ ເປັນ​ການ​ສຶກ​ສາ​ຮຽນ​ຮູ້​ໃຫ້​ຊາວ​ໜຸ່ມ-ເຍົາ­ວະ​ຊົນ​ຄົນ​ຮຸ່ນ​ໃໝ່​ໃຫ້​ຮູ້­ຈັກ​ຮັກ​ທຳ​ມະ​ຊາດ ແລະ ຮັກ​ສິ່ງ­ແວ­ດລ້ອມ​ທີ່​ເປັນ​ມິດ​ກັບ​ພວກ​ເຮົາ.

ໃນ​ພິ­ທີ ທ່ານ​ນາງ ສຸ­ພັນ ແກ້ວ​ຄຳ​ເພັດ ປະ­ທານ​ສະ­ພາ​ບໍ­ລິ­ຫານ​ວີ​ຕ້າ ໄດ້​ຂຶ້ນ​ລາຍ​ງານ​ສະ­ພາບ​ການ​ພັດ​ທະ ນາ​ເຂດ​ວີ​ຕ້າ​ໃຫ້​ຮູ້​ວ່າ: ເຂດ​ດັ່ງ­ກ່າວ​ສ້າງ­ຕັ້ງ​ຂຶ້ນ​ເດືອນ​ພະ­ຈິກ 2010 ປັດ­ຈຸ­ບັນ​ມີ​ເນື້ອ­ທີ່​ທັງ​ໝົດ 110 ເຮັກ­ຕາ ມີ​ນັກ­ທຸ­ລະ­ກິດ​ພາຍ​ໃນ ແລະ ຕ່າງ­ປະ­ເທດ​ເຂົ້າ​ມາ​ຈົດ​ທະ­ບຽນ​ດຳ­ເນີນ​ທຸ­ລະ​ກິດ 56 ບໍ­ລິ­ສັດ ມີ​ທຶນ​ຈົດ​ທະ­ບຽນ 66.713.000 ໂດ​ລາ​ສະ­ຫະ­ລັດ ຫຼື ປະ­ມານ 530 ຕື້​ກີບ  ໃນ​ນັ້ນ ມີ 23 ບໍ­ລິ­ສັດ ໄດ້​ເຄື່ອນ​ໄຫວ​ດຳ­ເນີນ​ການ​ຜະ­ລິດ​ທຸ­ລະ​ກິດ​ແລ້ວ ສ່ວນ​ທີ່​ຍັງ​ເຫຼືອ​ພວມ​ຢູ່​ໃນ​ການ​ກໍ່­ສ້າງ​ອາ­ຄານ ການ​ຕິດ​ຕັ້ງ​ເຄື່ອງ​ຈັກ ອຸ­ປະ­ກອນ ແລະ ການ​ປະ­ກອບ​ສິ່ງ​ອຳ­ນວຍ​ຄວາມ​ສະ­ດວກ​ສຳ­ລັບ​ການ​ຜະ­ລິດ ແລະ ການ​ບໍ­ລິ­ຫານ​ຈັດ­ການ​ໂຮງ­ງານ.

ພາຍ­ຫຼັງ​ສຳ­ເລັດ​ການ​ປູກ​ຕົ້ນ­ໄມ້ ທ່ານ​ລັດ­ຖະ­ມົນ­ຕີ​ພ້ອມ​ດ້ວຍ​ຄະ­ນະ​ຍັງ​ໄດ້​ລົງ​ໄປ​ຢ້ຽມ​ຊົມ​ເບິ່ງ​ການ​ຜະ­ລິດ​ເຄື່ອງ​ອຸ­ປະ­ກອນ​ຮັບ​ໃຊ້​ເອ​ເລັກ​ໂຕຣ​ນິກ​ຂອງ​ບໍ­ລິ­ສັດ ໄດ​ອິ​ຈິ​ເດັນ​ຊິ​ລາວ ຈຳ­ກັດ ທີ່​ຕັ້ງ​ຢູ່​ພື້ນ​ທີ່​ເຂດ​ວີ​ຕ້າ ຕື່ມ​ອີກ.

ຂ່າວທີ່ກ່ຽວຂ້ອງ