ຢູຟ່າ ລົງໂທດເອຊີ ມິລານແຫກກົດການເງິນ ຫ້າມຊິງຂັນເອີຣົບ 2 ປີ

160 28 ມິ.ນ. 2018 ວົງຈອນກີລາ
ຢູຟ່າ ລົງໂທດເອຊີ ມິລານແຫກກົດການເງິນ ຫ້າມຊິງຂັນເອີຣົບ 2 ປີ

ສະຫະພັນເຕະບານເອີຣົບ ດໍາເນີນການຕັດສິນລົງໂທດ ເອຊີ ມິລານ ດ້ວຍການຫ້າມເຂົ້າຮ່ວມການແຂ່ງຂັນເຕະບານສະໂມສອນເອີຣົບທຸກລາຍການ ເນື່ອງຈາກລະເມີດກົດຄວບຄຸມການເງິນແບບຍຸຕິທໍາ.

          ທີມເອຊີ ມິລານ ທີ່ຈ່າຍເງິນຊື້ນັກເຕະ 200 ລ້ານປອນ ເມື່ອພັກຮ້ອນປີທີ່ຜ່ານມາ  ຫຼັງທ່ານ ຊິລວິໂອ ແບລຸສໂຄນີ່ ອະດີດນາຍົກລັດຖະມົນຕີອິຕາລີ ຂາຍກິດຈະການໄປໃຫ້ກັບກຸ່ມນາຍທຶນຈີນ 740 ລ້ານເອີໂຣ ເມື່ອເດືອນເມສາ 2017 ນັ້ນ ຫາກໍຈະໄດ້ສິດແຂ່ງຂັນຮອບແບ່ງກຸ່ມຢູໂຣປາ ລີກ ປີ 2018-19 ໄປໃໝ່ໆ ຫຼັງຈາກຄອງອັນດັບ 6 ໃນຕາຕະລາງຄະແນນ ເຊເຣຍ ອາ ເມື່ອສິ້ນສຸດລະດູການ 2017-18 ທີ່ຜ່ານມາ.

          ຖະແຫຼງການຂອງຢູຟ່າເປິດເຜີຍວ່າ "ສະໂມສອນແຫ່ງນີ້ຖືກຕັດຂາດຈາກການແຂ່ງຂັນລະດັບສະໂມສອນຂອງຢູຟ່າຄັ້ງໜ້າ ຫາກໄດ້ສິດເຂົ້າຮ່ວມການແຂ່ງຂັນໃນສອງລະດູການໜ້າ (ກ່າວຄືໜຶ່ງການແຂ່ງຂັນໃນປີ 2018-19 ຫຼື 2019-20 ຫາກໄດ້ຮັບສິດ) ການຕັດສິນຄັ້ງນີ້ ອາດຈະຍື່ນອຸທອນໄປຍັງສານກີລາຕໍ່ໄປໄດ້ຕາມມາດຕາ 34 (2) ຂອງກົດຂັ້ນຕອນການເຮັດວຽກຂອງຄະນະກໍາມະການຄວບຄຸມການເງິນສະໂມສອນຂອງຢູຟ່າ ເຊັ່ນດຽວກັບມາດຕາ 62 ແລະ 63 ຕາມຂໍ້ບັງຄັບຂອງຢູຟ່າ".

ຂ່າວທີ່ກ່ຽວຂ້ອງ