ຂ່າວຫຼ້າສຸດ

ລົດ SOJEN ໄດ້ຮັບກຽດເປັນລົດນຳຂະບວນແລ່ນມາລາທອນ

373 28 ມິ.ນ. 2018 ຂ່າວໜ້າ​ໜຶ່ງ
ລົດ SOJEN ໄດ້ຮັບກຽດເປັນລົດນຳຂະບວນແລ່ນມາລາທອນ

ຕາມ​ການ​ລາຍ​ງານ​ຂອງ​ຜູ້​ຈັດ­ການ​ທົ່ວ​ໄປ​ຂອງ​ໂຊ​ເຈນ ພາ­ຫະ­ນະ​ແຫ່ງ​ກິດ­ຈະ­ການ​ໂປ​ເຈນ ສາ­ຂາ ສສປ ລາວ ໃຫ້​ຮູ້​ວ່າ: ວັນ​ທີ 24 ມິ­ຖຸ­ນາ 2018 ຢູ່​ນະ­ຄອນ​ລີ້​ຈ່ຽງ ແຂວງ​ຢູນ​ໜານ ສປ.ຈີນ ໄດ້​ຈັດ​ງານ​ແຂ່ງ­ຂັນ​ແລ່ນ​ມາ­ລາ​ທອນ​ຄັ້ງ​ຍິ່ງ​ໃຫຍ່​ຂຶ້ນ ເຊິ່ງ​ລົດ SOJEN ໄດ້​ຮັບ​ກຽດ ເປັນ​ລົດ​ນຳ​ໜ້າ​ຂະ​ບວນ ແລະ ຈະ​ເປັນ​ໜຶ່ງ​ໃນ​ລົດ​ທີ່​ມີ​ຮູບ​ຮ່າງ​ສວຍ​ງາມ ທັງ​ເປັນ​ທີ່​ດຶງ​ດູດ​ສາຍ­ຕາ​ມວນ​ຊົນ ຢ່າງ​ຫຼວງ­ຫຼາຍ ພິ­ເສດ Time bus ຂອງ SOJEN ທີ່​ຮ່ວມ​ງານ​ຄັ້ງ​ນີ້​ແມ່ນ​ໄດ້​ຕິດ ຕັ້ງ​ຈໍ LED ຢູ່​ເທິງ​ຫຼັງ​ລົດ ໃນ​ຂະ­ນະ​ທີ່​ກຳ­ລັງ​ແລ່ນ​ຢູ່​ເທິງ​ຖະ­ໜົນ​ຈະ​ສາ­ມາດ​ຄວບ​ຄຸມ​ຄວາມ​ໄວ​ໄດ້​ຕາມ​ສະ­ພາບ​ຂອງ​ເສັ້ນ­ທາງ​ແຕ່​ລະ​ໄລ­ຍະ ນອກ​ນີ້​ຍັງ​ໄດ້​ເປັນ​ລົດ​ນຳ​ໜ້າ​ຂະ​ບວນ​ຂອງ​ນັກ­ກີ­ລາ​ແລ່ນ​ມາ­ລາ​ທອນ ພ້ອມ​ທັງ​ສາ­ມາດ​ຮັບ­ປະ­ກັນ​ເຖິງ​ຄວາມ​ປອດ​ໄພ ແລະ ສາ­ມາດ​ສາຍ​ໜັງ ແລະ ເພງ​ທີ່​ກຳ­ລັງ​ໄດ້​ຮັບ​ຄວາມ​ນິ­ຍົມ​ຢ່າງ​ກວ້າງ­ຂວາງ ຫຼື ເວົ້າ​ອີກ​ຢ່າງ​ໜຶ່ງ​ວ່າ​ເປັນ “ກ໋ອງ​ບັນ​ເທິງ ໃນ​ການ​ເດີນ­ທາງ” ອີກ​ດ້ວຍ.

Time bus ຈຳ­ນວນ 2 ຄັນ ໄດ້ ຮັບ​ການ​ຕົບ­ແຕ່ງ​ຈາກ​ພາ­ຫະ­ນະ​ຂອງ SOJEN ຄື: ປະ­ເພດ​ລົດ​ບັນ­ທຸກ​ຂະ­ໜາດ​ນ້ອຍ​ຮຸ່ນ F350 ເຊິ່ງ​ມັນ​ຈະ ມີ​ລັກ­ສະ­ນະ​ນຸ້ມ​ນວນ ຕາ​ລົດ ແລະ ພາກ­ສ່ວນ​ຕ່າງໆ​ຂອງ​ລົດ​ຈະ​ມີ​ຄວາມ​ໂດດ​ເດັ່ນ​ແຈ່ມ​ໃສ ເຮັດ​ໃຫ້​ມີ​ຄວາມ ຮູ້­ສຶກ​ສະ­ບາຍ ແລະ ສາ­ມາດ​ຫຼຸດ­ຜ່ອນ​ແຮງ​ຕ້ານ​ໃນ​ການ​ເດີນ​ລົດ ທັງ​ສາ­ມາດ​ເຮັດ​ໃຫ້​ປະ­ຢັດ​ນ້ຳ­ມັນ ແລະ ມີ​ຄວາມ​ທັນ​ສະ­ໄໝ​ຫຼາຍ​ຂຶ້ນ ນອກ​ນີ້​ຊ່ວງ​ລ່າງ ຫ້ອງ​ຂັບ​ຂອງ SOJEN F350 ໄດ້​ອອກ​ແບບ​ໃຫ້​ມີ​ບ່ອນ​ນັ່ງ​ໜຶ່ງ​ແຖວ ຫຼື ແຖວ​ເຄິ່ງ ພ້ອມ​ນັ້ນ SOJEN ຍັງ​ມີ​ລົດ​ທີ່​ເປັນ​ຕູ້​ຄອນ​ເທນ​ເນີ້ ແລະ ມີ​ລົດ​ແບບ​ເປັນ​ຮົ້ວ​ອ້ອມ​ກະ­ບະ​ລົດ​ອີກ ເພື່ອ​ເປັນ​ຕອບ​ສະ­ໜອງ​ໃຫ້​ກັບ​ຄວາມ​ຕ້ອງ­ການ​ຂອງ​ລູກ​ຄ້າ​ໄດ້​ຫຼາຍ​ຍິ່ງ​ຂຶ້ນ ແລະ ເພື່ອ​ເປັນ​ການ​ສ້າງ​ຄວາມ​ເຊື່ອ​ໝັ້ນ​ໃຫ້​ກັບ​ລູກ​ຄ້າ​ການ​ຕົບ­ແຕ່ງ​ພາຍ​ໃນ​ຂອງ SOJEN F350 ແມ່ນ​ໄດ້​ນຳ​ໃຊ້​ແນວ​ຄວາມ​ຄິດ​ໃນ​ການ​ອອກ​ແບບ​ຈາກ​ປະ­ເພດ​ລົດ​ເກັງ ທີ່​ມີ​ຄວາມ​ລຽບ​ງ່າຍ ເນັ້ນ​ຄວາມ​ສະ­ບາຍ ມີ​ຄວາມ​ທົນ​ທານ ຊ່ອງ​ລະ­ບາຍ​ແອ​ເປັນ​ແບບ​ມົນ­ທົນ 2 ອັນ​ປະ­ກອບ​ກັບ​ຈໍ​ຖອຍ​ທີ່​ມີ​ຂະ­ໜາດ 8 ນິ້ວ ບ່ອນ​ນັ່ງ​ເປັນ​ໜັງ​ທີ່​ມີ​ຄວາມ​ໜາ​ແໜ້ນ ທັງ​ມີ​ເຂັມ​ຂັດ​ສາມ​ຈຸດ​ມີ​ຄວາມ​ສະ­ບາຍ ປອດ​ໄພ.

ລົດ SOJEN F350 ມີ​ແບບ​ລົດ​ບັນ­ທຸກ​ໜັກ ແລະ ລົດ​ບັນ­ທຸກ​ທຳ​ມະ​ດາ ໃຫ້​ລູກ​ຄ້າ​ເລືອກ​ໄດ້​ຕາມ­ໃຈ​ມັກ ດ້ານ​ຄວາມ​ແຮງ SOJEN F350 ຍັງ​ມີ​ເຄື່ອງ​ຈັກ ISUZU 117 ແຮງ​ມ້າ ແລະ WEICHAI 82 ແຮງ​ມ້າ  2 ປະ­ເພດ​ໃຫ້​ເລືອກ ເຊິ່ງ​ເໝາະ​ສົມ​ໃນ​ການ​ນຳ​ໃຊ້​ເຂົ້າ​ໃນ​ທາງ​ການ​ຄ້າ ຫຼື ໃນ​ຄົວ​ເຮືອນ.

ຂ່າວທີ່ກ່ຽວຂ້ອງ