ຂ່າວຫຼ້າສຸດ

ອາເມຊອນ ເປີດນຳໃຊ້ຮ້ານສະດວກຊື້ສຸດໄຮເທັກ

174 28 ມິ.ນ. 2018 ຫົວຂໍ້ຂ່າວອື່ນໆ

ບໍ­ລິ­ສັດ ເທັກ​ໂນ​ໂລ​ຢີ ອາ​ເມ​ຊອນ ກຳ­ລັງ​ຈະ​ເປີດ​ຮ້ານ​ສະ­ດວກ​ຊື້​ສຸດ​ໄຮ​ເທັກ ມີ​ລະ­ບົບ​ກົນ​ໄກ​ທີ່​ເຮັດ​ວຽກ​ແບບ​ອັດ­ຕະ­ໂນ­ມັດ ຢ່າງ​ເປັນ​ທາງ​ການ​ໃນ​ໄວໆ​ນີ້ ທີ່​ນະ­ຄອນ​ຊີ​ແອັດ​ເຕີນ ລັດ​ວໍ​ຊິງ​ຕັນ ປະ­ເທດ​ສະ­ຫະ­ລັດ​ອາ​ເມ​ຣິ​ກາ ໃກ້​ກັບ​ສຳ­ນັກ­ງານ​ຂອງ ອາ​ເມ​ຊອນ

ຮ້ານ​ສະ­ດວກ​ຊື້​ດັ່ງ­ກ່າວ​ນີ້​ໄດ້​ໃສ່​ຊື່­ວ່າ ອາ​ເມ​ຊອນ​ໂກ ເຊິ່ງ​ຈະ​ບໍ່​ມີ​ພະ­ນັກ­ງານ​ຄິດ­ໄລ່​ເງິນ ລູກ​ຄ້າ​ສາ­ມາດ​ຍ່າງ​ເຂົ້າ​ໄປ​ເລືອກ​ຊື້​ໄດ້​ຕາມ​ອັດ­ທະ­ຍາ­ໄສ ແລ້ວ​ກໍ່​ສາ­ມາດ​ຍ່າງ​ອອກ​ຈາກ​ຮ້ານ​ໄດ້​ເລີຍ ໂດຍ​ທາງ​ຮ້ານ​ໄດ້​ຕິດ​ຕັ້ງ​ລະ­ບົບ​ເຊັນ​ເຊີ ແລະ ກ້ອງ​ວົງ​ຈອນ​ປິດ​ໄວ້​ທົ່ວ​ຮ້ານ ເພື່ອ​ຈັບ​ສັນ­ຍານ​ວ່າ​ມີ​ສີນ​ຄ້າ​ອັນ​ໃດ​ແດ່​ທີ່​ຖືກ​ຈັບ​ອອກ​ມາ​ຈາກ​ຖານ​ວາງ ແລະ ມີ​ສິນ­ຄ້າ​ອັນ​ໃດ​ແດ່​ທີ່​ຖຶກ​ສົ່ງ​ກັບ​ມາ​ວາງ​ໄວ້​ບ່ອນ​ເກົ່າ ຫຼັງ​ຈາກ​ນັ້ນ ເຄື່ອງ​ກໍ່​ຈະ​ຄິດ­ໄລ່​ເງິນ ຫຼື ຄຳ­ນວນ​ລາ­ຄາ​ນັ້ນ​ເອງ ຖ້າ​ເຮົາ​ເລືອກ​ຊື້​ມັນ​ກໍ່​ຈະ​ໄປ​ຕັດ​ເອົາ​ເງິນ​ຂອງ​ເຮົາ​ຢູ່​ນຳ​ບັດ​ເຄ​ດິດ​ຂອງ​ລູກ​ຄ້າ.

ອາ​ເມ​ຊອນ ໄດ້​ລະ­ບຸ​ວ່າ ຈຸດ​ປະ​ສົ່ງ​ຂອງ​ມັນ​ແມ່ນ​ຈະ​ຊ່ວຍ​ໃຫ້​ເຮົາ​ບໍ່​ຕ້ອງ​ເສຍ​ເວ­ລາ​ໃນ​ລຽນ​ເຂົ້າ​ຈ່າຍ​ເງິນ ແລະ ຫຼຸດ­ຜ່ອນ​ການ​ຈ່າຍ​ຜິດ­ພາດ.

ຂ່າວທີ່ກ່ຽວຂ້ອງ