ລັດຖະບານຮັບຮອງເອົາບັນຫາສຳຄັນ ແລະ ວຽກຕໍ່ໜ້າ

264 28 ມິ.ນ. 2018 ຂ່າວໜ້າ​ໜຶ່ງ
ລັດຖະບານຮັບຮອງເອົາບັນຫາສຳຄັນ ແລະ ວຽກຕໍ່ໜ້າ

ກອງ​ປະ­ຊຸມ​ລັດ­ຖະ­ບານ​ສະ­ໄໝ​ສາ­ມັນ​ປະ­ຈຳ​ເດືອນ ມິ­ຖຸ­ນາ 2018 ໄດ້​ດຳ­ເນີນ​ມາ​ເປັນ​ເວ­ລາ 2 ວັນ ຄື: ວັນ​ທີ 25-26 ມິ­ຖຸ­ນາ 2018 ທີ່​ສຳ­ນັກ­ງານ​ນາ­ຍົກ­ລັດ­ຖະ­ມົນ­ຕີ ພາຍ​ໃຕ້​ການ​ເປັນ​ປະ­ທານ​ຂອງ​ທ່ານ ທອງ​ລຸນ ສີ​ສຸ​ລິດ ນາ­ຍົກ ລັດ­ຖະ­ມົນ­ຕີ ມີ​ບັນ­ດາ​ທ່ານ​ຮອງ​ນາ­ຍົກ­ລັດ­ຖະ­ມົນ­ຕີ ສະ­ມາ­ຊິກ​ລັດ­ຖະ­ບານ ແລະ ພາກ­ສ່ວນ​ທີ່​ກ່ຽວ­ຂ້ອງ ເຂົ້າ​ຮ່ວມ​ຢ່າງ​ພ້ອມ­ພຽງ.

ກອງ​ປະ­ຊຸມ​ໃນ​ຄັ້ງ​ນີ້ ໄດ້​ພ້ອມ​ກັນ​ປຶກ­ສາ​ຫາ­ລື ແລະ ພິ­ຈາ­ລະ­ນາ​ຮັບ­ຮອງ​ເອົາ​ບັນ­ດາ​ເອ­ກະ­ສານ​ສຳ­ຄັນ​ຈຳ­ນວນ 4 ລາຍ­ການ ດັ່ງ­ນີ້:  1. ບົດ​ລາຍ​ງານ​ກ່ຽວ​ກັບ​ການ​ຄຸ້ມ​ຄອງ​ລາ­ຄາ​ສິນ­ຄ້າ ແລະ ຄ່າ​ບໍ­ລິ­ການ  2. ບົດ​ລາຍ​ງານ​ກ່ຽວ​ກັບ​ທິດ​ຜັນ​ຂະ­ຫຍາຍ ແລະ ແຜນ​ການ­ຈັດ­ຕັ້ງ​ປະ­ຕິ­ບັດ​ມາດ​ຕະ­ການ ໃນ​ການ​ກະ​ຕຸ້ນ​ເສດ­ຖະ­ກິດ ໃນ​ໄລ­ຍະ 06 ເດືອນ​ທ້າຍ​ປີ 2018  3. ນະ­ໂຍ­ບາຍ​ຂອງ​ລັດ­ຖະ­ບານ​ກ່ຽວ​ກັບ​ການ​ພັດ­ທະ­ນາ​ລັດ​ວິ​ສາ​ຫະ​ກິດ ແລະ ການ​ຜະ­ລິດ​ເປັນ​ສິນ­ຄ້າ​ຂອງ​ສະ­ຫະ ກອນ​ແບບ​ໃໝ່  4. ບົດ​ລາຍ​ງານ​ກ່ຽວ​ກັບ​ສະ­ພາບ​ການ­ຈັດ­ຕັ້ງ​ປະ­ຕິ­ບັດ​ການ​ຜະ­ລິດ​ລະ­ດູ­ແລ້ງ ແລະ ແຜນ­ການ​ຊຸກ­ຍູ້​ການ​ຜະ­ລິດ​ລະ­ດູ­ຝົນ.

ຜ່ານ​ການ​ພິ­ຈາ­ລະ­ນາ​ຢ່າງ​ເລິກ ເຊິ່ງ ກອງ​ປະ­ຊຸມ​ໄດ້​ຮັບ­ຮອງ ແລະ ຊີ້​ນຳ​ໃຫ້​ບັນ­ດາ​ກະ­ຊວງ ແລະ ອົງ­ການ​ລັດ​ທຽບ​ເທົ່າ ນຳ ໄປ​ປັບ­ປຸງ​ຕາມ​ການ​ປະ­ກອບ​ຄຳ ເຫັນ​ຂອງ​ສະ­ມາ­ຊິກ​ລັດ­ຖະ­ບານ ເປັນ­ຕົ້ນ​ແມ່ນ: ສືບ­ຕໍ່​ເອົາ­ໃຈ­ໃສ່ ຈັດ​ຕັ້ງ​ປະ­ຕິ­ບັດ ດຳ­ລັດ​ເລກ​ທີ 397 ວ່າ​ດ້ວຍ​ການ­ຈັດ­ຕັ້ງ​ປະ­ຕິ ບັດ​ແຜນ​ພັດ­ທະ­ນາ​ເສດ­ຖະ­ກິດ-ສັງ­ຄົມ ແຫ່ງ​ຊາດ ແລະ ແຜນ​ງົບ ປະ­ມານ​ແຫ່ງ​ລັດ​ປະ­ຈຳ​ປີ 2018:

ສືບ­ຕໍ່​ຈັດ​ຕັ້ງ​ປະ­ຕິ­ບັດ​ບັນ­ດາ​ຄາດ ໝາຍ ທິດ​ທາງ ແລະ ວຽກ​ຈຸດ​ສຸມ ທີ່​ກຳ­ນົດ​ໃນ​ດຳ­ລັດ​ດັ່ງ­ກ່າວ​ໃຫ້​ມີ ປະ​ສິດ­ທິ​ຜົນ ໃນ​ນັ້ນ ໄດ້​ກຳ­ນົດ ແຈ້ງ​ບົດ­ບາດ​ໜ້າ­ທີ່​ຂອງ​ແຕ່​ລະ ຂະ­ແໜງ​ທີ່​ຈະ​ເປັນ​ເຈົ້າ​ການ​ຮັບ ຜິດ​ຊອບ​ຈັດ​ຕັ້ງ​ປະ­ຕິ­ບັດ​ຢ່າງ​ເອົາ ຈິງ​ເອົາ​ຈັງ ລົງ​ເລິກ​ແກ້​ໄຂ​ບັນ­ດາ ຂໍ້­ຄົງ­ຄ້າງ ແລະ ວຽກ​ທີ່​ຍັງ​ຄ້າງ​ຄາ ທີ່​ຖອດ​ຖອນ​ໄດ້ ໃນ​ໄລ­ຍະ 6 ເດືອນ​ຕົ້ນ​ປີ ຈັດ​ຕັ້ງ​ປະ­ຕິ­ບັດ 8 ມາດ​ຕະ­ການ​ກະ​ຕຸ້ນ​ເສດ­ຖະ­ກິດ ທີ່​ລັດ­ຖະ­ບານ​ໄດ້​ສະ­ເໜີ​ຕໍ່​ກອງ​ປະ ຊູມ​ສະ­ພາ​ແຫ່ງ​ຊາດ​ສະ­ໄໝ​ສາ ມັນ​ເທື່ອ​ທີ 5 ຂອງ​ສະ­ພາ​ແຫ່ງ ຊາດ​ຊູດ​ທີ່ 8.

ມາດ​ຕະ­ການ​ທີ 1: ສະ­ກັດ ກັ້ນ​ໄພ​ເງິນ​ເຟີ້ ແລະ ປັບ­ປຸງ​ນະ ໂຍ​ບາຍ​ເງິນ­ຕາ.

ມາດ​ຕະ­ການ​ທີ 2: ປັບ­ປຸງ  ສະ­ພາບ​ແວດ​ລ້ອມ ແລະ ອຳ ນວຍ​ຄວາມ​ສະ­ດວກ​ໃນ​ການ​ດຳ ເນີນ​ທຸ­ລະ​ກິດ.

ມາດ​ຕະ­ການ​ທີ 3:  ສືບ­ຕໍ່​ແກ້​ໄຂ ໜີ້​ສິນ​ພາຍ​ໃນ.

ມາດ​ຕະ­ການ​ທີ 4: ມາດ ຕະ­ການ​ເກັບ​ລາຍ​ຮັບ ແລະ ຄຸ້ມ ຄອງ​ລາຍ​ຈ່າຍ.

ມາດ​ຕະ­ການ​ທີ 5: ການ ພັດ­ທະ­ນາ  SME ແລະ ການ​ສົ່ງ ເສີມ​ການ​ຜະ­ລິດ.

ມາດ​ຕະ­ການ​ທີ 6: ປັບ­ປຸງ ໂຄງ​ສ້າງ​ການ​ລົງ­ທຶນ.

ມາດ​ຕະ­ການ​ທີ 7: ການ ຄຸ້ມ​ຄອງ​ທີ່​ດິນ ແລະ ການ​ເກັບ ລາຍ​ຮັບ​ຈາກ​ທີ່​ດິນ.

ມາດ​ຕະ­ການ​ທີ 8: ການ ຕິດ­ຕາມ-ກວດ­ກາ ການ­ຈັດ­ຕັ້ງ ປະ­ຕິ­ບັດ​ລະ­ບຽບ​ກົດ­ໝາຍ​ຢ່າງ ເຂັ້ມ​ງວດ.

ການ​ຄຸ້ມ​ຄອງ​ລາ­ຄາ​ສິນ­ຄ້າ: ລາ­ຄາ​ສິນ­ຄ້າ​ມີ​ຜົນ​ກະ­ທົບ​ຕໍ່​ຊີ ວິດ​ການ​ເປັນ​ຢູ່​ຂອງ​ປະ­ຊາ­ຊົນ ການ​ຜະ­ລິດ​ທຸ­ລະ​ກິດ ກໍ່​ຄື ການ ສ້າງ​ເສດ­ຖະ­ກິດ​ແຫ່ງ​ຊາດ ໃນ ນັ້ນ ລວມ​ເຖິງ​ໄພ​ເງິນ​ເຟີ້ ດັ່ງ­ນັ້ນ ຈຶ່ງ​ຈຳ­ເປັນ​ຕ້ອງ​ມີ​ມາດ​ຕະ­ການ ຄຸ້ມ​ຄອງ​ລາ­ຄາ​ສິນ­ຄ້າ​ຢ່າງ​ເໝາະ ສົມ ຮັດ­ກຸມ ແຕ່​ກໍ່​ບໍ່​ໃຫ້​ສວນ ທາງ​ກັບ​ກົນ​ໄກ​ຂອງ​ເສດ­ຖະ­ກິດ ຕະ­ຫຼາດ.

ການ​ຄຸ້ມ​ຄອງ​ລາ­ຄາ​ສິນ­ຄ້າ ໃນ​ສະ­ເພາະ​ໜ້າ​ນີ້ ຕ້ອງ​ສຸມ​ໃສ່ ໝວດ​ລາຍ­ການ​ສິນ­ຄ້າ ທີ່​ມີ​ຜົນ ກະ­ທົບ​ຕໍ່​ອັດ­ຕາ​ເງິນ​ເຟີ້ ເຊິ່ງ​ປະ ກອບ​ດ້ວຍ ໝວດ​ຄົມ­ມະ­ນາ­ຄົມ ແລະ ການ​ຂົນ­ສົ່ງ ໂດຍ​ສະ ເພາະ ນ້ຳ­ມັນ​ເຊື້ອ​ໄຟ ໝວດ​ອາ ຫານ ແລະ ໂຮງ­ແຮມ    ໝວດ ເຄື່ອງ​ດື່ມ​ບໍ່​ມີ​ທາດ​ເຫຼົ້າ (ປະ­ເພດ ສະ­ບຽງ​ອາ­ຫານ) ໝວດ​ຮັກ­ສາ ສຸ­ຂະ­ພາບ ແລະ ຢາ ໝວດ​ການ ສຶກ​ສາ  ແລະ ອື່ນໆ.

ນະ­ໂຍ­ບາຍ​ພັດ­ທະ­ນາ​ລັດ​ວິ​ສາ ຫະ​ກິດ ແລະ ສະ­ຫະ­ກອນ​ຮູບ​ແບບ ໃໝ່ ໃຫ້​ສະ​ຖາ​ບັນ​ຄົ້ນ­ຄວ້າ​ເສດ ແຫ່ງ​ຊາດ ສົມ­ທົບ​ກັບ​ຂະ­ແໜງ­ການ​ກ່ຽວ­ຂ້ອງ​ນຳ­ໄປ​ປັບ­ປຸງ​ຕື່ມ ຕາມ​ຄຳ​ເຫັນ​ຂອງ​ກອງ​ປະ­ຊຸມ ໂດຍ​ສະ­ເພາະ​ແມ່ນ:

- ສະ­ຫຼຸບ​ລາ­ຄາ ແລະ ວິ ເຄາະ-ວິ­ໄຈ​ຕື່ມ​ເຖິງ​ສາ­ເຫດ​ທີ່​ເຮັດ ໃຫ້­ການ​ພັດ­ທະ­ນາ​ລັດ​ວິ​ສາ​ຫະ ກິດ ແລະ ສະ­ຫະ ກອນ​ຜ່ານ​ມາ ຍັງ​ບໍ່​ທັນ​ໄດ້​ຮັບ​ໝາກ­ຜົນ​ດີ.

- ຄົ້ນ­ຄວ້າ​ບົດ­ຮຽນ​ການ​ພັດ ທະ​ນາ​ລັດ​ວິ​ສາ​ຫະ​ກິດ ຫຼື ວິ​ສາ ຫະ​ກິດ​ລັດ​ລົງ­ທຶນ​ຂອງ​ສາ­ກົນ​ທີ່ ເປັນ​ບົດ­ຮຽນ​ທີ່​ດີ ເພື່ອ​ເອົາ​ໝູນ​ໃຊ້ ໃຫ້​ສອດ­ຄ່ອງ​ກັບ​ສະ­ພາບ​ເງື່ອນ ໄຂ​ຂອງ​ການ​ພັດ­ທະ­ນາ​ລັດ  ວິ​ສາ ຫະ​ກິດ​ຂອງ​ປະ­ເທດ​ເຮົາ.

- ໃຫ້​ສະ​ຖາ​ບັນ​ຄົ້ນ­ຄວ້າ​ເສດ ຖະ​ກິດ​ແຫ່ງ​ຊາດ​ຄົ້ນ­ຄວ້າ ແລະ ໃຫ້​ຄຳ​ແນະ­ນຳ​ຕື່ມ ກ່ຽວ​ກັບ​ໃນ ສະ­ເພາະ​ໜ້າ​ນີ້​ຈະ​ສຸມ​ໃສ່​ສ້າງ​ນິ ຕິ​ກຳ​ອັນ​ໃດ​ຕື່ມ ເພື່ອ​ສ້າງ​ເງື່ອນ ໄຂ ແລະ ສະ­ພາບ​ແວດ​ລ້ອມ​ໃນ ການ​ພັດ­ທະ­ນາ​ລັດ​ວິ​ສາ​ຫະ​ກິດ ເພື່ອ​ພັດ­ທະ­ນາ​ປະ­ເທດ​ຕາມ​ທິດ ສັງ­ຄົມ​ນິ­ຍົມ ພາຍ­ຫຼັງ​ຄົ້ນ­ຄວ້າ ແລະ ວິ­ໄຈ​ຕື່ມ ຕາມ​ທິດ​ທີ່​ກ່າວ ມາ​ນັ້ນ​ໃຫ້​ປັບ­ປຸງ​ຮ່າງ​ຂອບ​ນະ​ໂຍ ບາຍ​ຂອງ​ລັດ­ຖະ­ບານ ກ່ຽວ​ກັບ ບັນ­ຫາ​ດັ່ງ­ກ່າວ ເພື່ອ​ໃຫ້​ລັດ​ຖະ ບານ​ນຳ​ສະ­ເໜີ​ຂໍ​ທິດ​ຊີ້​ນຳ​ຈາກ ກົມ​ການ­ເມືອງ​ສູນ​ກາງ​ພັກ.

ຂ່າວທີ່ກ່ຽວຂ້ອງ