ຂ່າວຫຼ້າສຸດ

ເຈົ້າໜ້າທີ່ຕຳຫຼວດ ມອບລົດຈັກໃຫ້ກັບເຈົ້າຂອງ

199 28 ມິ.ນ. 2018 ຂ່າວໜ້າ​ໜຶ່ງ

ພະ​ແນກ​ຕຳ­ຫຼວດ​ຈະ­ລາ­ຈອນ ນະ­ຄອນ­ຫຼວງ​ວຽງ​ຈັນ ໄດ້​ມອບ​ລົດ­ຈັກ ຮອນ​ດາ​ເວບ 100 ຈຳ­ນວນ 1 ຄັນ ທີ່​ເກັບ​ກູ້​ໄດ້​ຄືນ​ໃຫ້​ເຈົ້າ​ຂອງ​ເດີມ ໃນ​ວັນ​ທີ 21 ມິ­ຖຸ­ນາ 2018 ກ່າວ​ມອບ​ໂດຍ​ທ່ານ ພັນ​ໂທ ເພັງ​ສະ­ຫວັນ ທຳ​ມະ​ບູນ ຫົວ­ໜ້າ​ພະ​ແນກ​ຕຳ­ຫຼວດ​ຈະ­ລາ­ຈອນ ນະ­ຄອນ­ຫຼວງ​ວຽງ​ຈັນ ແລະ ກ່າວ​ຮັບ​ໂດຍ​ນາງ ລັດ­ສະ­ໝີ ຢູ່​ບ້ານ​ດວງ​ບຸດ​ດີ ເມືອງ​ໄຊ​ທາ­ນີ (ເຈົ້າ​ຂອງ​ລົດ​ຄັນ​ດັ່ງ­ກ່າວ).

ເຈົ້າ​ໜ້າ­ທີ່​ຕຳ­ຫຼວດ​ໃຫ້​ຮູ້​ວ່າ: ໃນ​ວັນ​ທີ 1 ພຶດ­ສະ­ພາ 2018 ຕຳ­ຫຼວດ​ຈະ­ລາ­ຈອນ​ປະ­ຈຳ​ປ້ອມ​ໄຟ​ອຳ­ນາດ​ຕະ­ຫຼາດ​ເຊົ້າ ໄດ້​ກວດ​ພົບ​ເຫັນ​ລົດ­ຈັກ​ຍີ່­ຫໍ້​ຮອນ​ດ້າ​ເວບ 100 ສີ­ແດງ-ດຳ ບໍ່​ຕິດ​ປ້າຍ​ທະ­ບຽນ ມຸ່ງ ໜ້າ​ມາ​ຈາກ​ໄຟ​ອຳ­ນາດ​ຫໍ­ຄຳ ເຈົ້າ​ໜ້າ­ທີ່​ປະ­ຈຳ​ປ້ອມ​ດັ່ງ­ກ່າວ​ຈຶ່ງ​ໄດ້​ສັ່ງ​ໃຫ້​ຢຸດ ເພື່ອ​ກວດ­ກາ​ເອ­ກະ­ສານ ໃນ​ຂະ­ນະ​ນັ້ນ ຜູ້​ຂັບ​ຂີ່​ໄດ້​ອ້າງ​ວ່າ​ລືມ​ເອ­ກະ­ສານ​ຢູ່​ບ້ານ ແລ້ວ​ປະ​ລົດ​ໄວ້​ນຳ​ເຈົ້າ​ໜ້າ­ທີ່ ແລະ ຂໍ​ເມືອ​ເອົາ​ເອ­ກະ­ສານ​ຢູ່​ເຮືອນ ຈະ​ກັບ​ມາ​ພົວ­ພັນ​ເອົາ​ລົດ​ພາຍ­ຫຼັງ ຈາກ​ນັ້ນ ກໍ່​ບໍ່​ເຫັນ​ມາ​ພົວ­ພັນ ຈຶ່ງ​ໄດ້​ນຳ​ລົດ​ດັ່ງ­ກ່າວ​ໄປ​ກວດ­ກາ.

ຕໍ່​ກັບ​ເຫດ­ການ​ດັ່ງ­ກ່າວ ເຈົ້າ​ໜ້າ­ທີ່​ກອງ​ຄຸ້ມ​ຄອງ​ພາ­ຫະ­ນະ ແລະ ການ​ຂັບ​ຂີ່ ພະ​ແນກ​ຕຳ­ຫຼວດ​ຈະ­ລາ­ຈອນ ສືບ​ຮູ້​ວ່າ​ລົດ­ຈັກ​ຄັນ​ດັ່ງ­ກ່າວ​ແມ່ນ​ອອກ­ຊື່ ນາງ ລັດ­ສະ­ໝີ ສີ​ດວງ​ປະ­ເສີດ ຢູ່​ບ້ານ​ດວງ​ບຸດ​ດີ ເມືອງ​ໄຊ​ທາ­ນີ  ນະ­ຄອນ­ຫຼວງ​ວຽງ​ຈັນ ເຊິ່ງ​ຜູ້­ກ່ຽວ​ໄດ້​ຈອດ​ປະ​ໄວ້​ຢູ່​ໜ້າ​ຫ້ອງ​ແຖວ​ທີ່​ໄປ​ເຊົ່າ​ຢູ່​ບ້ານ​ໂພນ​ປ່າ​ເປົ້າ ເມືອງ​ສີ​ສັດ­ຕະ​ນາກ ນະ­ຄອນ­ຫຼວງ​ວຽງ​ຈັນ ແລ້ວ​ຖືກ​ຄົນ​ຮ້າຍ​ລັກ​ໄປ​ຕັ້ງ­ແຕ່​ວັນ​ທີ 18 ສິງ­ຫາ 2017 ຕາມ​ໃບ​ແຈ້ງ​ຄວາມ​ເລກ​ທີ 015/ປກສ.ນວ.

ຂ່າວທີ່ກ່ຽວຂ້ອງ