ຂ່າວຫຼ້າສຸດ

ດຶງເຊືອກລາວ ກຽມສົ່ງນັກກີລາຮ່ວມແຂ່ງຂັນ ທີ່ປະເທດໄທ

235 27 ມິ.ນ. 2018 ວົງຈອນກີລາ
ດຶງເຊືອກລາວ ກຽມສົ່ງນັກກີລາຮ່ວມແຂ່ງຂັນ ທີ່ປະເທດໄທ

ອີງ​ຕາມ​ການ​ໃຫ້​ສຳ­ພາດ​ຂອງ​ທ່ານ ນາງ ມຸກ­ດາ​ວັນ ຄະ­ນະ​ສະ­ຫະ­ພັນ​ກີ­ລາ​ດຶງ­ເຊືອກ​ແຫ່ງ​ຊາດ​ລາວ ເປີດ­ເຜີຍ​ໃຫ້​ຊາບ​ວ່າ: ສະ­ມາ­ຄົມ​ດຶງ­ເຊືອກ​ແຫ່ງ​ປະ­ເທດ​ໄທ ໄດ້​ສົ່ງ​ໜັງ­ສື​ເຊີນ​ມາ​ຍັງ​ສະ­ຫະ­ພັນ​ກີ­ລາ​ດຶງ­ເຊືອກ​ແຫ່ງ​ຊາດ​ລາວ ເພື່ອ​ເຂົ້າ​ຮ່ວມ​ການ​ແຂ່ງ­ຂັນ​ກີ­ລາ​ດຶງ­ເຊືອກ ລາຍ­ການ “TOG OF WAR 2018” ທີ່​ແຂວງ​ຊົນ​ບູ​ລີ ປະ­ເທດ​ໄທ ລະ­ຫວ່າງ​ວັນ​ທີ 28 ມິ­ຖຸ­ນາ ຫາ 1 ກໍ­ລະ­ກົດ 2018 ນີ້ ໂດຍ​ມີ​ທັງ​ໝົດ 3 ປະ­ເທດ​ລຸ່ມ​ແມ່­ນ້ຳ​ຂອງ ຄື: ສປປ ລາວ ກຳ­ປູ­ເຈຍ ແລະ ເຈົ້າ­ພາບ ປະ­ເທດ​ໄທ ເຊິ່ງ​ມີ​ທີມ​ທີ່​ເຂົ້າ​ຮ່ວມ​ການ​ແຂ່ງ­ຂັນ​ດັ່ງ­ກ່າວ 42 ທີມ ແບ່ງ​ເປັນ 2 ຮຸ່ນ ຄື ຮຸ່ນ​ອາ­ຍຸ 15 ປີ ທີມ​ຊາຍ 12 ທີມ ຍິງ 8 ທີມ ແລະ ຮຸ່ນ​ອາ­ຍຸ 17 ປີ ທີມ​ຊາດ 22 ທີມ ເຊິ່ງ​ແບ່ງ​ອອກ​ເປັນ 2 ສາຍ ຄັດ​ເອົາ​ອັນ​ດັບ 1 ແລະ 2 ເຂົ້າ​ຮອບ​ຕໍ່​ໄປ.

ສະ­ເພາະ​ທີມ​ຊາດ​ລາວ ແມ່ນ​ສົ່ງ​ເຂົ້າ​ຮ່ວມ 2 ທີມ ໃນ​ປະ­ເພດ​ທີມ​ຊາຍ ຮຸ່ນ​ອາ­ຍຸ​ບໍ່​ເກີນ 15 ປີ ແລະ 17 ປີ ແລະ ຕັ້ງ​ເປົ້າ​ໝາຍ​ສູ້​ຊົນ​ຜ່ານ​ເຂົ້າ​ຮອບ​ໃຫ້​ໄດ້ ສຳ­ລັບ​ນັກ­ກີ­ລາ​ທີ່​ຈະ​ເຂົ້າ​ຮ່ວມ​ລາຍ­ການ​ນີ້ ປະ­ກອບ​ມີ ອາ​ນຸ​ໄຊ ອຸດ​ທະ​ຈັກ ກີ້ ພາ​ວົງ ສົມ​ຊາຍ ຜາຍ​ຕ້າຍ​ຄາ ສຸ​ລິ​ວັນ ຫຼວງ​ລາດ ພອນ​ປະ­ເສີດ ພຸດ​ທະ​ວົງ­ສາ ສົມ­ບູນ ອິນ​ທະ​ວົງ ໄຊ­ຊະ­ນະ ກົມ​ພາ­ນິດ ຈັນ­ໂທ ສຸ­ວັນ­ນະ​ສັງ​ໂສ ພິມ​ດາ­ລາ ກຸມ​ລະ­ວັງ ແລະ ແກ້ວ​ນະ­ຄອນ ນັນ­ທະ​ບຸດ.

ຂ່າວທີ່ກ່ຽວຂ້ອງ