... ເຈາະບານໂລກ ...

161 27 ມິ.ນ. 2018 ນານາສາລະ

ໜຶ່ງ​ໃນ​ກະແສ​ໂລກ​ທີ່​ມາ​ແຮງ ນັ້ນ​ຄືການ​ແຂ່ງຂັນ​ເຕະບານໂລກ ເຊິ່ງ​ຈັດ​ຂຶ້ນ​ໃນ​ລະຫວ່າງ​ວັນ​ທີ 14 ມິຖຸນາ ຫາ 15 ກໍລະກົດ 2018 ທີ່​ປະເທດ​ຣັດເຊຍ ຖື​ເປັນ​ເຫດການ​ທີ່​ຊາວ​ໂລກ​ຄອງ​ຄອຍ​ມາຍາວ​ນານເຖິງ 4 ປີ.

ເຈົ້າພາບ​ຣັດ​ເຊຍ ທຸ້ມ​ເງິນ​ມະຫາສານ ປະມານ 1.948 ລ້ານ​ໂດ​ລາ ໂດຍ​ມີ​ການ​ຄາດ​ຄະເນ​ວ່າ ຈະມີ​ແຟນ​ບານ​ໂລກ​ເດີນທາງ​ເຂົ້າ​ຣັດ​ເຊຍ ປະມານ 1,3 ລ້ານ​ຄົນ ຕະຫຼອດ​ການ​ແຂ່ງຂັນ ສຳລັບ​ເງິນລາງວັນ​ກໍ່​ມີ​ສູງ​ເຖິງ 400 ລ້ານ​ໂດ​ລາ.

ສິ່ງ​ຍິ່ງ​ໃຫຍ່​ຂອງ​ຣັດ​ເຊຍ ແມ່ນ​ການ​ເປັນ​ເຈົ້າພາບ​ໃນ​ເວລາ​ທີ່​ຕາເວັນຕົກ ນຳ​ໂດຍ​ສະຫະລັດ​ອາເມ​ຣິ​ກາ ປະກາດ​ຂວ້ຳ​ບາດ​ທາງ​ເສດຖະກິດ ແຕ່ ຣັດ​ເຊຍ ກໍ່​ເຮັດ​ໄດ້ ແລະ ເຮັດ​ຍິ່ງ​ໃຫຍ່​ກວ່າ​ທຸກ​ຄັ້ງ ໂດຍ​ສະເພາະແມ່ນ​ເງິນ​ລາງວັນ.

ການ​ແຂ່ງຂັນ​ເຕະບານໂລກ​ນີ້ ເລີ່ມ​ກັນ​ມາ​ເມື່ອ 88 ປີ​ທີ່​ແລ້ວ ເຊິ່ງ​ໃນ​ການ​ແຂ່ງຂັນ​ຜ່ານ​ມາ ​ມີ​ພຽງແຕ່ 8 ປະເທດ​ເທົ່າ​ນັ້ນ ​ທີ່​ໄດ້​ຄອບ​ຄອງ​ຂັນ ອັນ​ໄດ້ແກ່:

ບຣາ​ຊິນ ໄດ້​ຄອງ 5 ຄັ້ງ ເຢຍ​ລະ​ມັນ ກັບ ອີ​ຕາລີ ໄດ້​ຄອງ 4 ຄັ້ງ​ທໍ່​ກັນ ອາກ​ຊັງ​ຕິນ ກັບ ອຸ​ຣຸ​ໄກວ ໄດ້​ຄອງ​ຂັນ​ສອງ​ຄັ້ງ​ທໍ່​ກັນ ແລະ ຝຣັ່ງ ສະ​ເປນ ແລະ ອັງກິດ ໄດ້​ຄອງ​ຜູ້​ລະ​ຄັ້ງ​ທໍ່​ກັນ.

ແຕ່​ກ່ອນ​ມີ 32 ທີມ ປັດຈຸບັນ​ມີ 48 ທີມ ໂດຍ​ຈະແຂ່ງ 64 ນັດ ໃນ 9 ສະໜາມ​ແຂ່ງຂັນ​ທົ່ວ​ປະເທດຣັດ​ເຊຍ.

ສ່ວນ​ລາງວັນ​ທີ່​ປະເທດ​ຣັດ​ເຊຍ​ຈະ​ໄດ້​ ແມ່ນ​ບໍ່ທັນ​ມີ​ສື່​ໃດ​ໃຫ້​ຂໍ້​ມູນ ແຕ່​ຄິດ​ວ່າ​ມີ​ຫຼວງຫຼາຍ ເພາະເບິ່ງ​ແຕ່​ລາຄາ​ບັດ​ໃນ​ຮອບ​ທຳ​ອິດ ແມ່ນ 105 ເຖິງ 210 ໂດ​ລາ ຮອບ 16 ທີມ 115-245 ໂດ​ລາ ແລະ ຮອບ​ກ່ອນ​ຮອງ​ຊະນະ​ເລີດ ແມ່ນ 175-365 ໂດລາ ເສື້ອ​ນຸ່ງ​ເຊຍ​ກໍ່​ຂາຍ​ໃນ​ລາຄາ 90-100 ໂດ​ລາ ເຄື່ອງ​ຝາກ​ຂອງຕ້ອນ​ຕ່ຳ​ສຸດ​ກໍ່​ແມ່ນ 90 ໂດ​ລາ ໝາຍ​ຄວາມ​ວ່າ ທຸກ​ຢ່າງ​ແມ່ນ​ເປັນ​ເງິນ​ທັງ​ນັ້ນ.

ຄວາມ​ສະໜຸກ​ສະ​ໜານ ມີ​ຂຶ້ນ​ໃນ​ມື້​ເລີ່ມ​ຕົ້ນ ເມື່ອ​ເຈົ້າພາບ​ຣັດ​ເຊຍ ນຳໄປ​ກ່ອນ​ຊາ​ອຸ​ເຖິງ 5 ປະຕູ.

ການ​ພະນັນ​ຂັນ​ຕໍ່​ຫ້າມ​ບໍ່​ໄດ້ ແຕ່​ຂໍ​ໃຫ້​ຢູ່​ໃນ​ສະຕິສຳ​ປະຊັນ​ຍະ ຄື​ກັນ​ກັບ​ການ​ຮັກສາ​ສຸຂະພາບ​ຮ່າງກາຍ​ຕະຫຼອດ​ການ​ແຂ່ງຂັນ ເພາະ​ບາງ​ມື້​ມີ​ເຖິງ 3 ຄູ່.

ຂ່າວທີ່ກ່ຽວຂ້ອງ