ຂ່າວຫຼ້າສຸດ

ສະຖານະການເຕະບານໂລກ 2018 ຮອບແບ່ງກຸ່ມນັດສຸດທ້າຍ ໃຜຢູ່-ໃຜໄປ ແລະ ເງື່ອນໄຂເຂົ້າຮອບ

288 26 ມິ.ນ. 2018 ວົງຈອນກີລາ
ສະຖານະການເຕະບານໂລກ 2018 ຮອບແບ່ງກຸ່ມນັດສຸດທ້າຍ ໃຜຢູ່-ໃຜໄປ ແລະ ເງື່ອນໄຂເຂົ້າຮອບ

           ເດີນທາງຈົນເຖິງນັດສຸດທ້າຍຂອງຮອບແບ່ງກຸ່ມກັນແລ້ວ ເຊິ່ງໃນບາງກຸ່ມ ເຮົາກໍໄດ້ທີມທີ່ຜ່ານເຂົ້າສູ່ຮອບຕໍ່ໄປແລ້ວ ແຕ່ບາງກຸ່ມ ຍັງຕ້ອງມາວັດກັນເຖິງນັດນີ້ ສະຖານະການຂອງແຕ່ລະກຸ່ມຈະເປັນຢ່າງໃດ ເຮົາໄດ້ສະຫຼຸບໄວ້ທີ່ນີ້.

          ກຸ່ມ A

          ໃນກຸ່ມນີ້ ເຮົາໄດ້ບົດສະຫຼຸບທີມທີ່ເຂົ້າຮອບແລ້ວຄື ອຸຣຸກວາຍ  ແລະ ເຈົ້າພາບ ຣັດເຊຍ.

          ກຸ່ມ B

          ໃນກຸ່ມນີ້ ແອັດສະປາຍ ແລະ ປອກຕຸຍການ ເປັນ 2 ທີມທີ່ຜ່ານເຂົ້າຮອບ 16 ທີມສຸດທ້າຍ.

          ກຸ່ມ C

          ຝຣັ່ງ ທະລຸເຂົ້າຮອບໄປແລ້ວ ໂດຍທີ່ດານມາກ ແລະ ອົດສະຕຣາລີ ຕ້ອງແຍ່ງສິດອີກໜຶ່ງທີມ ເຊິ່ງເກມສຸດທ້າຍເມື່ອຄືນທີ່ຜ່ານມາ ດານມາກ ໄດ້ປະທະກັບ ຝຣັ່ງ ແລະ ຫາກພວກເຂົາຫຼິ້ນໄດ້ຢ່າງໜ້ອຍ 1 ຄະແນນ ກໍຈະຮັບປະກັນໄດ້ເຂົ້າຮອບ.

          ສ່ວນທາງເລືອກຂອງອົດສະຕຣາລີ ຄືຕ້ອງເອົາຊະນະໄວ້ກ່ອນ ແລະ ຈຳເປັນຕ້ອງຍິງຫຼາຍໆເຂົ້າໄວ້ ແລະ ລຸ້ນໃຫ້ຝຣັ່ງ ເອົາຊະນະເດນມາກໃຫ້ໄດ້.

          ກຸ່ມ D

          ກຣົວຊີ ຮັບປະກັນໄດ້ເຂົ້າຮອບຕໍ່ໄປ ຈາກໄຊຊະນະເໜືອອາກຊັງຕິນເກມທີ່ຜ່ານມາ ສົ່ງຜົນໃຫ້ທີມອາກຊັງຕິນ ພົບກັບສະຖານະການທີ່ຍາກລຳບາກ ເຊິ່ງຈາກໄຊຊະນະທີ່ນິເຊຣີ ມີເໜືອໄອຊ໌ແລນ  ກໍຍັງພໍເປິດໂອກາດໃຫ້ອາກຊັງຕິນມີລຸ້ນຂຶ້ນມາເລັກນ້ອຍ.

          ທາງດຽວທີ່ເມສຊີ່ ແລະ ໝູ່ເພື່ອນຕ້ອງເຮັດກໍຄືເອົາຊະນະນິເຊຣີໃຫ້ໄດ້ເປັນຢ່າງທໍາອິດ ເຊິ່ງຫາກເຮັດບໍ່ໄດ້ກໍໂບກມືອໍາລາບານໂລກຄັ້ງນີ້ໄດ້ເລີຍ ສ່ວນອີກຄູ່ ໄອຊ໌ແລນ ກໍຕ້ອງຈຳເປັນເອົາຊະນະກຣົວຊີໃຫ້ໄດ້ ແລະ ມີໂອກາດທີ່ດີເພາະໂຄ໊ຊກຣົວຊີ ໄດ້ບອກມາແລ້ວວ່າຈະສົ່ງສຳຮອງລົງສະໜາມແນ່ນອນ.

          ກຸ່ມ E

          ບຣາຊິນ ຕ້ອງການຢ່າງໜ້ອຍໜຶ່ງຄະແນນໃນເກມສຸດທ້າຍກັບແຊັກບີ ສ່ວນທາງສະວິຕ ຕ້ອງມີຜົນງານໃນເກມກັບກົດສະຕາຣິກາ ທີ່ດີກວ່າແຊັກບີ ແລະ ທາງແຊັກບີເອງ ຕ້ອງເອົາຊະນະບຣາຊິນໃຫ້ໄດ້ ເພື່ອຜ່ານເຂົ້າຮອບຕໍ່ໄປ ຫຼືພວກເຂົາສະເໝີ ກໍຕ້ອງລຸ້ນໃຫ້ສະວິຕ ພ່າຍແພ້ກົດສະຕາຣິກາ ຫຼາຍກວ່າໜຶ່ງປະຕູ.

          ໂປຣແກຣມນັດສຸດທ້າຍ

  • 27 ມິຖຸນາ   ເມັກຊິກ  vs  ຊູແອັດ
  • 27 ມິຖຸນາ   ສ  ເກົາຫຼີ vs ເຢຍລະມັນ

          ກຸ່ມ F

          ກຸ່ມນີ້  ຕ້ອງບອກເລີຍວ່າສູສີກັນສຸດໆ   ເພາະທຸກທີມຍັງມີໂອກາດທີ່ຈະເຂົ້າຮອບຕັດເຊືອກ   ບໍ່ເວັ້ນແຕ່ທີມທີ່ໄຮ້ຄະແນນຢ່າງ  ສ ເກົາຫຼີ ກໍຍັງມີສິດເຂົ້າຮອບ ຫຼືທີມທີ່ມີ 6 ຄະແນນຢ່າງເມັກຊິກ ກໍອາດມີສິດຕົກຮອບດ້ວຍເຊັ່ນກັນ.

          ຢ່າງໃດກໍດີ ທີມເມັກຊິກຍັງມີພາສີດີກວ່າທີມອື່ນໆ ເພາະຫາກເຂົາໄດ້ຢ່າງໜ້ອຍ 1 ຄະແນນ ກໍຈະຮັບປະກັນເຂົ້າຮອບ ແລະຫາກພ່າຍແພ້ ກໍຕ້ອງໃຫ້ເຢຍລະມັນພ່າຍແພ້ຕໍ່ ສ ເກົາຫຼີດ້ວຍເຊັ່ນກັນ.

          ສ່ວນທີມຊາດເຢຍລະມັນ ມີທາງເລືອກທີ່ຈະໃຫ້ພວກເຂົາເຂົ້າຮອບ ຄື

          1. ຫາກຊະນະ ສ ເກົາຫຼີໄດ້ຫຼາຍກວ່າ 2 ປະຕູຂຶ້ນໄປ ແລະ ຊູແອັດບໍ່ຊະນະເມັກຊິກ

          2. ຫາກຊະນະ ສ ເກົາຫຼີແລ້ວ ຊູແອັດຊະນະເມັກຊິກ ເຢຍລະມັນຈຳເປັນຕ້ອງຍິງໃຫ້ຫຼາຍໄວ້ກ່ອນ ເພື່ອລູກໄດ້-ເສຍທີ່ດີກວ່າທັງຊູແອັດ ແລະ ເມັກຊິກ.

          ກໍລະນີຂອງຊູແອັດ ຈະເຂົ້າຮອບກໍຕໍ່ເມື່ອ ເອົາຊະນະເມັກຊິກໃຫ້ໄດ້ ແລະ ໃຫ້ເຢຍລະມັນບໍ່ຊະນະ ສ ເກົາຫຼີ ເຊິ່ງຫາກຊູແອັດ ແລະ ເຢຍລະມັນ ຊະນະໄດ້ທັງຄູ່ ທີມຊູແອັດກໍຕ້ອງຍິງໃຫ້ໄດ້ຫຼາຍກວ່າເຢຍລະມັນ.

          ດ້ານ ສ ເກົາຫຼີ ທີ່ຍັງພໍມີລຸ້ນໜ້ອຍໆ ກໍຕ້ອງເອົາຊະນະເຢຍລະມັນໃຫ້ໄດ້ສະຖານດຽວ ບວກກັບໃຫ້ຊູແອັດພ່າຍແພ້ເມັກຊິກ ແລະ ສ ເກົາຫຼີ ກໍຕ້ອງຍິງຫຼາຍໆເຂົ້າໄວ້ອີກດ້ວຍ.

          ໂປຣແກຣມນັດສຸດທ້າຍ

  • 27 ມິຖຸນາ  ແຊັກບີ  vs  ບຣາຊິນ.
  • 27 ມິຖຸນາ  ສະວິຕ  vs  ກົດສະຕາຣິກາ.

          ກຸ່ມ G

          ກຸ່ມນີ້ ທັງແບນຊິກ ແລະ ອັງກິດ ຜ່ານເຂົ້າສູ່ຮອບຕໍ່ໄປຮຽບຮ້ອຍແລ້ວ ໂດຍໃນເກມສຸດທ້າຍ ຕ້ອງມາວັດກັນເພື່ອຫາແຊັມກຸ່ມ ເຊິ່ງຕອນນີ້ທັງຄູ່ມີທັງຄະແນນ ປະຕູໄດ້ ປະຕູເສຍທີ່ເທົ່າກັນ.

          ຫາກລົງເອີຍດ້ວຍຜົນສະເໝີ ຈະຕ້ອງຫາແຊັມກຸ່ມດ້ວຍກົດຍຸຕິທໍາການຫຼິ້ນ ເຊິ່ງອັງກິດໄດ້ຮັບໃບເຫຼືອງໄປ 2 ໃບ ຂະນະທີ່ ແບນຊິກ ໄດ້ຮັບໃບເຫຼືອງທັງໝົດ 3 ໃບໃນຕອນນີ້.

          ສ່ວນທາງປານາມາ ພວກເຂົາຄົງຈະອີ່ມພີກັບປະຕູທໍາອິດໃນເຕະບານໂລກແລ້ວ ເຖິງແມ່ນພວກເຂົາຈະຕົກຮອບໄປແລ້ວກໍຕາມ

          ໂປຣແກຣມນັດສຸດທ້າຍ

  • 28 ມິຖຸນາ   ຍີ່ປຸ່ນ  vs  ໂປໂລຍ.
  • 28 ມິຖຸນາ   ເຊເນກັນ  vs  ໂກໂລມບີ.

          ກຸ່ມ H

          ໂປໂລຍ ທີ່ເປັນທີມວາງຂອງກຸ່ມ ເຊິ່ງຕົກຮອບໄປກ່ອນໝູ່ ປ່ອຍໃຫ້ ຍີ່ປຸ່ນ, ເຊເນກັນ ແລະ ໂກໂລມບີ ແຍ່ງກັນເຂົ້າຮອບຕັດເຊືອກ

          ຍີ່ປຸ່ນ ຈະເຂົ້າຮອບ ຫາກພວກເຂົາໄດ້ຢ່າງໜ້ອຍ 1 ຄະແນນກັບໂປໂລຍ ເຊເນກັນກໍເຊັ່ນກັນ ຜົນສະເໝີກັບໂກໂລມບີ ກໍຈະເຂົ້າຮອບຕໍ່ໄປ ສ່ວນທາງໂກໂລມບີ ຕ້ອງເອົາຊະນະເຊເນກັນໃຫ້ໄດ້ໄວ້ກ່ອນ ແຕ່ຫາກເຮັດໄດ້ພຽງແຕ່ຜົນສະເໝີ ກໍຕ້ອງລຸ້ນໃຫ້ຍີ່ປຸ່ນພ່າຍແພ້ໂປໂລຍ.

          ໂປຣແກຣມນັດສຸດທ້າຍ

  • 28 ມິຖຸນາ   ປານາມາ  vs  ຕູນິຊີ.
  • 28 ມິຖຸນາ   ອັງກິດ  vs  ແບນຊິກ.

        ເງື່ອນໄຂຫາທີມເຂົ້າຮອບ ແລະ ຈົບອັນດັບທີ່ດີກວ່າ

          1. ຄະແນນ.

          2. ນັບຜົນຕ່າງປະຕູໄດ້ເສຍ.

          3. ຫາກລູກໄດ້ເສຍເທົ່າກັນໃຫ້ເບິ່ງທີ່ປະຕູທີ່ຍິງໄດ້ ຫາກໃຜຍິງໄດ້ຫຼາຍກວ່າ ຈະເປັນຜູ້ຊະນະ ຕໍ່ມາ ຫາກມີທີມທີ່ຄະແນນເທົ່າກັນເກິນ 2 ທີມຂຶ້ນໄປ ຈະມາໃຊ້ກົດມິນິລີກ ຕາມດ້ວຍກົດຕໍ່ໄປນີ້

          4. ເອົາທີມທີ່ມີຄະແນນເທົ່າກັນ ໃຊ້ກົດມິນິລີກ ເຊິ່ງເບິ່ງທີ່ຄະແນນ ແລະ ລູກໄດ້-ເສຍ.

          5. ໃຊ້ກົດຍຸຕິທໍາ ຄືນັບຈຳນວນໃບເຫຼືອງ-ໃບແດງທີ່ແຕ່ລະທີມໄດ້

                   5.1 ໃບເຫຼືອງ/ໃບ = -1.

                   5.2 ໄດ້ສອງໃບເຫຼືອງຈົນເປັນໃບແດງ = -3.

                   5.3 ໃບແດງໂດຍກົງ/ໃບ = -4.

                   5.4 ໄດ້ໃບເຫຼືອງໃບທໍາອິດແລ້ວມາໄດ້ຮັບໃບແດງໂດຍກົງ = -5.

          6. ຫາກທຸກຂໍ້ທີ່ກ່າວມາຍັງບໍ່ຫາທີມທີ່ດີກວ່າໄດ້ ຈະຈັບສະຫຼາກຫາທີມເຂົ້າຮອບຕໍ່ໄປ.

ຂ່າວທີ່ກ່ຽວຂ້ອງ