ຂ່າວຫຼ້າສຸດ

ເລັ່ງແກ້ໄຂ 126 ຄອບຄົວ ທີ່ໄດ້ຮັບຜົນກະທົບໂຄງການກໍ່ສ້າງທາງ ແຕ່ດອນນົກຂຸ້ມຫາທາງ 450 ປີ

229 26 ມິ.ນ. 2018 ຂ່າວໜ້າ​ໜຶ່ງ
ເລັ່ງແກ້ໄຂ 126 ຄອບຄົວ ທີ່ໄດ້ຮັບຜົນກະທົບໂຄງການກໍ່ສ້າງທາງ ແຕ່ດອນນົກຂຸ້ມຫາທາງ 450 ປີ

ວັນ​ທີ 25 ມິຖຸນາ 2018 ທ່ານ​ນາງ ບົວ​ວອນ ສຸກ​ລາ​ແສງ ຮອງ​ຫົວໜ້າ​ຫ້ອງ​ວ່າການ ທັງ​ເປັນ​ໂຄສົກ​ຫ້ອງ​ວ່າການ​ນະຄອນຫຼວງ​ວຽງ​ຈັນ ໄດ້​ຖະແຫຼງ​ຂ່າວ​ຜົນສຳເລັດ​ກອງ​ປະຊຸມ​ອົງການ​ປົກຄອງນະຄອນຫຼວງ​ວຽງ​ຈັນ (ນວ) ຄັ້ງ​ທີ 19 ປະຈຳ​ເດືອນ​ມິຖຸນາ 2018 ຈັດ​ຂຶ້ນ​ວັນ​ທີ 21 ມິຖຸນາ 2018 ໂດຍ​ເປັນ​ປະທານ​ຂອງ​ທ່ານ ສິນ​ລະ​ວົງ ຄຸດ​ໄພທູນ ເຈົ້າ​ຄອງ​ນະຄອນຫຼວງ​ວຽງ​ຈັນ ມີ​ບັນດາ​ສະມາຊິກ​ອົງການ​ປົກຄອງ ນວ ເຂົ້າ​ຮ່ວມ ເຊິ່ງ​ກອງ​ປະຊຸມ​ໄດ້​ພິຈາລະນາ 6 ບັນຫາ​ສຳຄັນ ແລະ ຮີບ​ດ່ວນ​ຂອງ​ອົງການ​ປົກຄອງ ນວ ດັ່ງນີ້:

ພິຈາລະນາ​ກ່ຽວ​ກັບ​ການ​ຈັດ​ສັນ​ງົບປະມານ​ບ້ວງ​ເງິນ 7.088,90 ລ້ານ​ກີບ ໃນ​ຮ່ວງ​ແບ່ງປັນ​ຈາກ​ກອງ​ທຶນ​ທາງ ເພື່ອ​ສ້ອມແປງ​ທາງ​ໃນ ນວ ເພື່ອ​ປັບປຸງ​ເສັ້ນທາງ ສ່ວນ​ປະຊາຊົນ 126 ຄອບຄົວ ທີ່​ໄດ້​ຮັບ​ຜົນ​ກະທົບ​ຈາກ​ໂຄງການ​ກໍ່ສ້າງ​ເສັ້ນທາງ​ແຕ່​ດອນ​ນົກ​ຂຸ້ມ​ຫາ​ທາງ 450 ປີ ກອງ​ປະຊຸມ​ເປັນ​ເອກະ​ພາບ​ກັນ ຢືນຢັນ​ສືບຕໍ່​ຈັດ​ຕັ້ງ​ປະຕິບັດ​ຕາມ​ມະຕິ​ກອງ​ປະຊຸມ​ອົງການ​ປົກຄອງ ນວ ສະໄໝ​ສາມັນ​ປະຈຳ​ເດືອນ​ສິງຫາ 2016 ພ້ອມ​ກັນ​ນັ້ນ​ກໍ່​ໃຫ້​ກວດກາ​ຄືນ​ວ່າ ​ຈຳນວນ​ປະຊາຊົນ​ທີ່​ສະເໜີ​ມາ​ນັ້ນ​ມີ​ຈຳນວນ​ເທົ່າໃດ ສຳລັບ​ການ​ສະເໜີ​ຂອງ​ປະຊາຊົນ​ນັ້ນ​ໄດ້​ພິຈາລະນາ ຄື: ການ​ໃຫ້​ຫຼຸດ​ເຂດ​ສະຫງວນ​ທາງ​ໃນ​ໄລຍະ 200 ແມັດ​ລົງ ແມ່ນ​ກວດຄືນ​ເບິ່ງ​ຕົວ​ຈິງ ຕາມ​ເນື້ອ​ໃນ​ຈິດໃຈ​ຂອງ​ຂໍ້​ຕົກລົງ ຖ້າ​ກໍລະນີ​ໄກ່​ເກ່ຍ​ກັນ​ບໍ່​ໄດ້ ກໍ່​ສະເໜີ​ໃຫ້​ຜູ້​ທີ່​ມີ​ສິດ​ນຳ​ໃຊ້​ຟ້ອງ​ຂຶ້ນ​ສານ ​ເພິ່ງ​ຂະ​ບວນ​ຍຸຕິ​ທຳ​ເປັນ​ຜູ້​ຕັດສິນ​ຊີ້​ຂາດ ເພື່ອ​ຮັບປະກັນ​ໃນ​ການ​ແກ້​ໄຂ​ຂໍ້​ຂັດ​ແຍ່ງໃຫ້​ຖືກຕ້ອງ ແລະ ຍຸຕິ​ທຳ.

ຂ່າວທີ່ກ່ຽວຂ້ອງ