ຫົວ​ສີ​ໄຄ ພືດ​ໃກ້​ໂຕ​ເປັນ​ສະ​ໝຸນ​ໄພ​ດີ​ຕໍ່​ສຸຂະພາບ

212 26 ມິ.ນ. 2018 ຫົວຂໍ້ຂ່າວອື່ນໆ
ຫົວ​ສີ​ໄຄ ພືດ​ໃກ້​ໂຕ​ເປັນ​ສະ​ໝຸນ​ໄພ​ດີ​ຕໍ່​ສຸຂະພາບ

     ຫົວ​ສີ​ໄຄ ຄື​ສະ​ໝຸນ​ໄພ​ພື້ນເມືອງ​ທີ່​ໄດ້​ຮັບ​ຄວາມ​ນິຍົມ​ນຳ​ມາ​ໃຊ້​ໃນ​ການ​ປຸງ​ແຕ່ງອາຫານ ເພື່ອ​ເພີ່ມ​ຣົດ​ຊາດ ດັບ​ກິ່ນ​ຄາວ​ໄດ້​ດີ ນອກຈາກ​ປະໂຫຍດ​ດັ່ງກ່າວ​ແລ້ວ​ກໍ່​ຍັງ​ມີ​ດີ​ອີກ​ຫຼາຍ​ຢ່າງ​ທີ່​ຫຼາຍ​ຄົນ​ຄາດ​ບໍ່​ເຖິງ.

1. ຫົວ​ສີ​ໄຄ​ມີ​ສັບພະ​ຄຸນ​ຫຼາຍ​ຢ່າງ​ທີ່​ເລີ່ມ​ຈາກ​ປິ່ນປົວ​ອາການ​ອັກເສບ: ສາມາດ​ຫຼຸດ​ອາການ​ອັກເສບ ທີ່​ເປັນ​ສາເຫດ​ຂອງ​ການ​ເຈັບ ຫຼື ປວດ​ໄດ້​ດີ ບໍ່​ວ່າ​ຈະ​ເປັນ​ອາການ​ເຈັບ​ແຂ້ວ ປວດ​ເມື່ອຍ​ກ້າມຊີ້ນ ຄໍ ແລະ ອື່ນໆ​ໂດຍ​ໃຊ້​ມາ​ຖູ​ນວດ​ຕາມ​ບໍລິເວນ​ທີ່​ປວດ ຫຼື​ຈະ​ໃຊ້​ເພື່ອ​ຕົ້ມ​ນ້ຳ​ແລ້ວ​ດື່ມ​ກໍ່​ບັນເທົາ​ອາການ​ອັກເສບ​ພາຍ​ໃນ​ຮ່າງ​ການ​ໄດ້.

2. ບຳລຸງ​ສຸຂະພາບ​ດ້ວຍ​ວິຕາມິນ​ຫຼາຍ​ຊະນິດ: ຕ້ອງ​ບອກ​ເລີຍ​ວ່າ​ມີ​ວິຕາມິນ​ຫຼວງຫຼາຍ ເຊິ່ງ​ມີ​ແຕ່​ຄວາມ​ຈຳເປັນ​ຕໍ່​ຮ່າງກາຍ ສາມາດ​ບຳລຸງ​ສຸຂະພາບ​ໃຫ້​ແຂງແຮງ ເຊິ່ງ​ມີ​ວິຕາມິນ E B C ແລະ ພວກ​ແຮ່​ທາດ ໄດ້ແກ່ ທາດ​ເຫຼັກ ແຄວ​ຊຽມ ຟົດ​​ສ​ຟາດ ແລະ ໂປຼ​ເຕ​ຊຽມ ເປັນຕົ້ນ

3. ລ້າງ​ສານພິດ: ສາມາດ​ຂັບ​ລ້າງ​ສານພິດ​ອອກ​ຈາກ​ຮ່າງກາຍ ໂດຍ​ຈະ​ລ້າງ​ພິດ​ຈາກ​ລະບົບ​ຍ່ອຍ​ອາຫານ ຕັບ ໄຂ່ຫຼັງ ກະເພາະ​ປັດ​ສະ​ວະ ເຊິ່ງ​ກໍ່​ຈະ​ເຮັດ​ໃຫ້​ລະບົບ​ຕ່າງໆ​ພາຍ​ໃນ​ຮ່າງກາຍ​ເຮັດ​ວຽກ​ໄດ້​ຢ່າງ​ມີ​ປະ​ສິ​ຕິ​ພາບ​ໄດ້​ຫຼາຍ​ຂຶ້ນ ແລະ​ ຈະ​ຫ່າງ​ໄກ​ຈາກ​ໂຣກ​ໄພ​ໄຂ້​ເຈັບ.

4. ບຳລຸງ​ຜິວ​ພັນ: ດ້ວຍ​ສານ​ຕ້ານ​ອະນຸ​ມູນ​ອິດສະຫຼະ​ຢູ່​ໃນ​ຫົວ​ສີ​ໄຄ​ເປັນ​ຈຳນວນ​ຫຼວງຫຼາຍ ເຊິ່ງ​ສາມາດ​ບຳລຸງ​ຜິວ​ພັນ​ໃຫ້​ມີ​ຄວາມ​ສົດໃສ​ໄດ້​ດີ ແຖມ​ຍັງ​ຊ່ວຍ​ໃຫ້​ຜິວ​ອ່ອນ​ເຍົາ ປ້ອງ​ກັນ​ການ​ເປັນ​ສິວ ເພາະສະນັ້ນ ຖ້າ​ໃຜ​ຍາກ​ມີ​ຜິວ​ງາມ ເບິ່ງ​ແລ້ວ​ອ່ອນ​ກວ່າ​ໄວ​ຢ່າ​ເບິ່ງ​ຂ້າມ​ເປັນ​ເດັດຂາດ.

5. ຊ່ວຍ​ຍ່ອຍ​ອາຫານ:  ສຳລັບ​ຜູ້​ທີ່​ມີ​ບັນຫາ​ອາຫານ​ບໍ່​ຍ່ອຍ​ກໍ່​ຊ່ວຍ​ໄດ້​ຄື​ກັນ ໂດຍ​ຈະ​ກະ​ຕຸ້ນ​ໃຫ້​ລະບົບ​ອາຫານ​ເຮັດ​ວຽກ​ໄດ້​ດີ​ຂຶ້ນ ພ້ອມ​ທັງ​ສາມາດ​ແກ້​ອາການ​ເປັນຫວັດ ບັນເທົາ​ອາການ​ເຈັບ ຈຸກ​ທ້ອງ ຫຼຸດ​ແກັດ​ໃນ​ລຳ​ໄສ ແລະ ອາການ​ຖອກທ້ອງ​ໄດ້​ດີ​ອີກ​ດ້ວຍ.

6. ບຳລຸງ​ປະສາດ: ສາມາດ​ບຳລຸງ​ລະບົບ​ປະສາດ​ໄດ້​ດີ  ໂດຍ​ມັນ​ຈະ​ຊ່ວຍ​ສ້ອມແຊມ ແລະ ເສີມ​ຄວາມ​ແຂງແຮງ​ໃຫ້​ກັບ​ປະສາດ ແລະ ສະໝອງ ເຮັດ​ໃຫ້​ກ້າມຊີ້ນ​ເກີດ​ຄວາມ​ຜ່ອນຄາຍ ແລະ ຫຼຸດ​ອາການ​ແຂນ​ຂາ​ມືນ​ຊາ (ເປັນ​ຕີນ​ໝາກມາດ) ໄດ້​ດີ.

ຂ່າວທີ່ກ່ຽວຂ້ອງ