ຂ່າວຫຼ້າສຸດ

ອັງກິດຖະຫຼົ່ມປານາມາ 6-1 ຄວງແຂນແບນຊິກເຂົ້າຮອບ

296 25 ມິ.ນ. 2018 ວົງຈອນກີລາ
ອັງກິດຖະຫຼົ່ມປານາມາ 6-1 ຄວງແຂນແບນຊິກເຂົ້າຮອບ

          "ແຮຣີ ເຄນ" ຍິງ 3 ປະຕູ ພາທີມຊາດອັງກິດ ຖະຫຼົ່ມປານາມາ ໄປແບບຂາດລອຍ 6-1 ຄວ້າສິດເຂົ້າຮອບ 16 ທີມເຕະບານໂລກ 2018 iPບຮ້ອຍ.

          ເຕະບານໂລກ 2018 iອບທໍາອິດ ກຸ່ມ G ທີ່ເມືອງນິຊນີ ນອຟໂກຣອດ ປະເທດຣັດເຊຍ ເມື່ອວັນອາທິດທີ່ຜ່ານມາ ທີມຊາດອັງກິດ ລົງສະໜາມເປັນເກມທີ 2 rq[da[ ປານາມາ ເຄິ່ງເວລາທໍາອິດ ເປັນອັງກິດທີ່ບຸກແບບພັບສະໜາມ ແລະ ອອກນໍາໄປກ່ອນເຖິງ  5-0 ຈາກ ຈອນ ສະໂຕນ ນາທີທີ 8 ກັບ 40, ແຮຣີ ເຄນ ນາທີທີ 22 (ຈຸດໂທດ) ກັບ 45 (ຈຸດໂທດ) ແລະ ເຈສຊີ ລິນກາດ ນາທີທີ 36 ເຄິ່ງຫລັງ ອັງກິດ ຍັງບໍ່ຜ່ອນເກມ ແລະ ຫຍັບໜີໄປເປັນ 6-0 ຈາກການຍິງ 3 ປະຕູຂອງ ເຄນ ໃນນາທີທີ 62 ແລະ ເຮັດໃຫ້ດາວຍິງຈາກທັອດແນມ ຮອດສະເປີ ຂຶ້ນນຳເປັນດາວຍິງສູງສຸດປະຈຳລາຍການນີ້ ດ້ວຍຜົນງານ 5 ປະຕູ ແຕ່ ປານາມາ ຍັງບໍ່ຖອດໃຈງ່າຍໆ ຍິງຕີໄຂ່ແຕກໄລ່ມາເປັນ 1-6 ໄດ້ຈາກ ເຟລິເປ ບາລອນ ໃນນາທີທີ 78 ຊຶ່ງນັບເປັນປະຕູທໍາອິດຂອງປານາມາໃນເຕະບານໂລກຮອບສຸດທ້າຍ ໄລຍະເວລາທີ່ເຫຼືອ ບໍ່ມີໃຜເຮັດອັນໃດກັນໄດ້ອີກ ຈົບເກມ ອັງກິດ ຖະຫຼົ່ມ ປານາມາ 6-1 ເກັບ 6 ຄະແນນເຕັມຈາກ 2 ນັດນຳເປັນອັນດັບ 1 ຂອງກຸ່ມ G ດ້ວຍຄະແນນຍຸຕີທໍາທີ່ໜືອກວ່າ ແບນຊິກ ທີ່ມີ 6 ຄະແນນ ແລະ ມີຜົນຕ່າງປະຕູໄດ້ເສຍເທົ່າກັນ ຜ່ານເຂົ້າຮອບ 16 ທີມສຸດທ້າຍແນ່ນອນແລ້ວ ສ່ວນ ປານາມາ 2 ນັດບໍ່ມີຄະແນນ ຕົກຮອບຮຽບຮ້ອຍ..

          ສ່ວນຜົນອີກ 2 ຄູ່ເຊິ່ງແຂ່ງໃນຄືນວັນດຽວກັນມີດັ່ງນີ້

  • ຍີ່ປຸ່ນ     ສະເໝີ    ເຊເນກັນ           2-2
  • ໂປໂລຍ  ເສຍໃຫ້  ໂກໂລມບີ          0-3

 

ຂ່າວທີ່ກ່ຽວຂ້ອງ