ຟີຟ່າ ຖະແຫຼງເປີດສອບສວນສອງທີມງານເຢຍລະມັນ

149 25 ມິ.ນ. 2018 ວົງຈອນກີລາ
ຟີຟ່າ ຖະແຫຼງເປີດສອບສວນສອງທີມງານເຢຍລະມັນ

ຟີຟ່າ (ສະຫະພັນເຕະບານນານາຊາດ) ປະກາດເປິດການກວດສອບພຶດຕິກໍາຂອງ 2 ທີມງານຂອງທີມຊາດເຢຍລະມັນ ສືບເນື່ອງຈາກເຫດປະທະຄາລົມຫຼັງຈົບເກມກັບ ຊູແອັດ.

          ອຸນຣິຊ ໂຟກ ເຈົ້າໜ້າທີ່ຝ່າຍສື່ສານ ແລະ ຈອດ ເບເລົາ ພະນັກງານຂອງສະມາຄົມເຕະບານເຢຍລະມັນ ຊຶ່ງເຮັດວຽກໃຫ້ທີມຊາດ ຖືກບັນທຶກພາບດີໃຈເຍາະເຢີ້ຍຕໍ່ໜ້າຊຸ້ມຕັ່ງນັ່ງຝັ່ງ ຊູແອັດ ໃນເຕະບານໂລກ 2018 ນັດທີ່ ເຢຍລະມັນພິກຊະນະ 2-1 ຈາກລູກໂທດນອກເຂດໄລຍະທົດເຈັບຂອງ ໂທນີ່ ໂຄຣສ.

          ເຫດການເກີດຂຶ້ນຫຼັງສິ້ນສຽງໝາກຫວີດ ຈຸດຊະນວນຄົນຂອງຊູແອັດ ນຳໂດຍຜູ້ຈັດການ ຢານເນ່ ອັນເດີສັນ ອອກໄປປະທະຄາລົມດ້ວຍຄວາມບໍ່ພໍໃຈ.

          ຫຼ້າສຸດ ຟີຟ່າຖະແຫຼງການວ່າ "ຄະນະກໍາມະການກົດລະບຽບຂອງຟີຟ່າ ໄດ້ເປິດການສອບສວນວິໄນຕໍ່ ອຸນຣິຊ ໂຟກ ແລະຈອດ ເບເລົາ ເຈົ້າໜ້າທີ່ເຢຍລະມັນ ສຳລັບເຫດການຕອນຈົບເກມເຢຍລະມັນກັບຊູແອັດ".

          ຂະນະດຽວກັນ ຟີຟ່າຍັງບໍ່ໄດ້ປະກາດກວດສອບຄົນຂອງຊູແອັດ ທີ່ຢູ່ໃນເຫດການແຕ່ຢ່າງໃດ ລວມເຖິງ ປອນຕຸສ ຢານສັນ ກອງຫຼັງຕົວສຳລອງ ຊຶ່ງສະແດງປະຕິກິລິຍາຕອບໂຕ້ຂ້ອນຂ້າງຮຸນແຮງ ແລະ ຢານ ກຸສຕາຟສັນ ຫົວໜ້າຝ່າຍຮັກສາຄວາມປອດໄພທີ່ຍູ້ເຈົ້າໜ້າທີ່ຂອງ ເຢຍລະມັນ ຄົນໜຶ່ງດ້ວຍ.

ຂ່າວທີ່ກ່ຽວຂ້ອງ