ຂ່າວຫຼ້າສຸດ

ຮອນດະ ຄອງດາວຍິງສຸງສຸດບານໂລກຂອງອາຊີ

189 25 ມິ.ນ. 2018 ວົງຈອນກີລາ
ຮອນດະ ຄອງດາວຍິງສຸງສຸດບານໂລກຂອງອາຊີ

            ເຄຊຶເກະ ຮອນດະ ກອງກາງທີມຊາດຍີ່ປຸ່ນ ຂຶ້ນແທ່ນເປັນນັກເຕະອາຊີທີ່ພັງປະຕູໃນເຕະບານໂລກໄດ້ຫຼາຍທີ່ສຸດ ຫຼັງລຸກຈາກຕັ່ງນັ່ງຕົວສຳຮອງລົງໄປພັງປະຕູໃຫ້ທີມຊາດຍີ່ປຸ່ນໄລ່ຕີສະເໝີ ເຊເນກັນ 2-2D

        ກອງກາງໄວ 32 ປີ ຊຶ່ງປັດຈຸບັນຄ້າຝີຕີນກັບ ປາຊູກາ ໃນລີກເມັກຊິກ ສ້າງຊື່ຍິງປະຕູໃນເຕະບານໂລກເປັນລູກທີ 4 ແລ້ວ ຫຼັງຈາກຮັບໃຊ້ຊາດໃນລາຍການນີ້ເປັນສະໄໝທີ 3.

          ສຳລັບ ຮອນດະ ຍິງໄດ້ 2 ປະຕູໃນປີ 2010 ນັດຊະນະດານມາກ 3-1 ແລະ ກາເມີຣູນ 1-0 ພາທີມເຂົ້າຮອບຕັດເຊືອກໄດ້ ແລະຍິງໄດ້ອີກໜຶ່ງປະຕູໃນປີ 2014 ນັດພ່າຍແພ້ ກົດດີວົວ 2-1 ຊຶ່ງທີມຍີ່ປຸ່ນຕົກຮອບທໍາອິດ ກ່ອນຈະມາຍິງໄດ້ອີກລູກໃນເກມຫຼ້າສຸດ.

ຂ່າວທີ່ກ່ຽວຂ້ອງ