ອາເຈນຕິນາ ໄຮ້ນັກເຕະຄຸນະພາບໜູນຫຼັງ ເມສຊີ – ມາຣາໂດນາ ເຖິງຂັ້ນຮ້ອງໄຫ້

105 22 ມິ.ນ. 2018 ວົງຈອນກີລາ
ອາເຈນຕິນາ ໄຮ້ນັກເຕະຄຸນະພາບໜູນຫຼັງ ເມສຊີ – ມາຣາໂດນາ ເຖິງຂັ້ນຮ້ອງໄຫ້

          ດິເອໂກ ມາຣາໂດນາ ຕຳນານນັກເຕະ ອາເຈນຕິນາ ເຖິງກັບຮ້ອງໄຫ້ຫຼັງເກມ ຊຶ່ງບ້ານເກິດພ່າຍແພ້ແກ່ ໂຄຣເອເຊຍ 0-3 ລະຫວ່າງຊົມເກມທີ່ຣັດເຊຍ.

          ໂດຍ ເຊສ ຟາເບຣກາສ ນັກເຕະທີມຊາດແອັດສະປາຍ ແລະ ອະດີດໝູ່ຄູ່ຮ່ວມທີມບາເຊໂລນ່າ ໃຫ້ສໍາພາດກັບ ບີບີຊີ ວ່າ ມັນຍາກເຫຼືອເກີນກັບເມສຊີ່ ເຂົາບໍ່ມີຄຸນະພາບອັນໃດໜູນຫຼັງເລີຍ ເຂົາຕ້ອງການໃຜຈັກຄົນມາຊ່ວຍ.

          ອະລັນ ເຊຍເຣີ ອະດີດກອງໜ້າທີມຊາດອັງກິດ ຊຶ່ງປັດຈຸບັນເປັນຜູ້ບັນຍາຍ ກ່າວເສີມວ່າ “ອາເຈນຕິນ່າ ບໍ່ມີແຜນອັນໃດເລີຍ ນີ້ມັນໜ້າອັບອາຍສຸດໆ”.

          “ ເມສຊີ່ ສໍາຜັດບານພຽງແຕ່ 49 ຄັ້ງ ແລະ ເປັນພຽງ 2 ຄັ້ງທີ່ໄດ້ບານໃນຂອບເຂດໂທດໂຄຣເອເຊຍ ຂະນະທີ່ຊາມປາໂອລີ ຖືກວິຈານຢ່າງໜັກ ເພາະບໍ່ຄິດຈະປ່ຽນເກມ ທັ້ງທີ່ມີ ເປົາໂລ ດີບາລາ ກອງໜ້າທີ່ຍິງ 22 ປະຕູໃຫ້ຢູເວນຕຸສໃນລີກຢູ່ຂ້າງສະໜາມ ແລະ ເລືອກຈະຕັດ ເມົາໂຣ ອີຄາດີ ກອງໜ້າອິນເຕີ ອອກ.

          ຄຣິສ ວອດເດິນ ອະດີດປີກທີມຊາດເສີມອີກວ່າ ທຸກຢ່າງສ້າງຂຶ້ນເພື່ອເມສຊີ່ ແຕ່ກັບບໍ່ມີໃຜໃກ້ຄຽງເຂົາເລີຍ “ເປົາໂລ ດີບາລາ ສາມາດຫຼິ້ນກັບເມສຊີໄດ້ ແຕ່ດັນໄດ້ພຽງແຕ່ນັ່ງສຳຮອງ ຖ້າຢາກກັບສູ່ເກມ ຊາປາໂອລີ ຕ້ອງຖອດເຊຄິໂອ ອະເກໂຣ ອອກ ເມສຊີ່ພະຍາຍາມຫຼາຍແລ້ວ ເຂົາຄົງຄິດແລ້ວລ່ະວ່າ ຂ້ອຍມາເຮັດອັນໃດທີ່ນີ່”.

          ດ້ານເປົາໂລ ຊາບາເລຕາ ອະດີດແບ໊ກທີມຊາດອາເຈນຕິນ່າກ່າວວ່າ “ຂ້ອຍເສຍໃຈແທນເມສຊີ່ ນີ່ອາດຈະເປັນໂອກາດສຸດທ້າຍຂອງເຂົາກັບອາເຈນຕິນາ ຂ້ອຍຈະບໍ່ແປກໃຈເລີຍ ຫາກເຂົາຕ້ອງເຊົາຫຼິ້ນທີມຊາດຫຼັງຈົບບານໂລກ ເຂົາຄົງຈະເຈັບປວດຕໍ່ໄປອີກ 4 ປີ ກວ່າຈະເຖິງບານໂລກທີ່ກາຕາ ຜູ້ຄົນໃນອາເຈນຕິນ່າຄົງຈະໂກດແຄ້ນກັນຫຼາຍ ພວກເຂົາຄວນຈະກະຫາຍໃນບານໂລກຫຼາຍກວ່ານີ້”.

ຂ່າວທີ່ກ່ຽວຂ້ອງ