ຊານເຊຊ ນັກເຕະໂກໂລມບີ ຖືກກອງເຊຍບານຂູ່ຂ້າ ຊໍ້າຮອຍ ເອສໂຄບາ ເມື່ອ 24 ປີກ່ອນ

286 22 ມິ.ນ. 2018 ວົງຈອນກີລາ
ຊານເຊຊ ນັກເຕະໂກໂລມບີ ຖືກກອງເຊຍບານຂູ່ຂ້າ ຊໍ້າຮອຍ ເອສໂຄບາ ເມື່ອ 24 ປີກ່ອນ

          ກາລອສ ຊານເຊຊ ກອງກາງທີມຊາດໂກໂລມບໍ ຖືກແກັງມາເຟຍໃນບ້ານເກີດຂູ່ຂ້າ ຫຼັງໄດ້ຮັບໃບແດງ ເປັນເຫດໃຫ້ທີມພ່າຍແພ້ທີມຊາດຍີ່ປຸ່ນ 1-2 ຊ້ຳຮອຍ ອັນເດຣສ ເອສໂຄບາ ທີ່ເຄີຍຖືກຍິງເສຍຊີວິຕຫຼັງເຕະບານໂລກປີ 1994.

          ອັນເດຣສ ເອສໂຄບາ ຖືກຍິງຕາຍຢ່າງອະນາດ ຫຼັງເຮັດບານເຂົ້າປະຕູຕົວເອງໃນເຕະບານໂລກທີ່ສະຫະລັດອາເມຣິກາ ແລະ ຄັ້ງນີ້ ຊານເຊສ ກໍຖືກກອງເຊຍບານຫຼິ້ນງານ ແລະ ບາງຂໍ້ຄວາມສໍ່ເຈຕະນາຂູ່ເອົາຊີວິດເຊັ່ນດຽວກັບເຫດການເມື່ອ 24 ປີກ່ອນ ໂດຍໃນສັງຄົມອອນລາຍ ມີກອງເຊຍບານໂພສຮູບ ຊານເຊຊ ກັບ ເອສໂຄບາ ຂະນະທີ່ບາງຄົນຈົ່ມວ່າ “ຖ້າອັນເດຣສ ເອສໂຄບາ ຖືກຂ້າເພາະເຮັດບານເຂົ້າປະຕູຕົວເອງ ກາລອສ ກໍຄວນຖືກຂ້າ ແລະ ເດັດຫົວມັນຖິ້ມສາ”

          ຢ່າງໃດກໍຕາມ ເຈົ້າໜ້າທີ່ຕຳຫຼວດໂກໂລມບີ ໄດ້ເລີ່ມດໍາເນີນການສອບສວນ ແລະ ຕາມລ່າຫຼາຍໆຜູ້ໃຊ້ທີ່ເຂົ້າມາຂົ່ມຂູ່ ກາລອສແລ້ວ.

ຂ່າວທີ່ກ່ຽວຂ້ອງ