ຂ່າວຫຼ້າສຸດ

ທີມໃດໄດ້ໂບນັສເທົ່າໃດ ຖ້າໄດ້ແຊັມ “ເຕະບານໂລກ”

331 22 ມິ.ນ. 2018 ວົງຈອນກີລາ
ທີມໃດໄດ້ໂບນັສເທົ່າໃດ ຖ້າໄດ້ແຊັມ “ເຕະບານໂລກ”

          ການມາແຂ່ງຂັນເຕະບານໂລກສຳລັບຊາດເກັ່ງໆ ເປົ້າໝາຍໃຫຍ່ ຄື ການຄວ້າແຊັມໂລກມາຄອງໃຫ້ໄດ້ ແຕ່ຢ່າລືມວ່າ “ເງິນ” ກເປັນເລື່ອງສຳຄັນເຊັ່ນກັນ.

          ສະຫະພັນເຕະບານນານາຊາດ (ຟີຟ່າ) ໄດ້ກຽມເງິນລາງວັນເພື່ອ 32 ທີມທີ່ເຂົ້າມາແຂ່ງຂັນຮອບສຸດທ້າຍ ເຖິງ 400 ລ້ານໂດລາສະຫະລັດ ທຸກຊາດຈະໄດ້ຮັບກ່ອນ 8 ລ້ານໂດລາສະຫະລັດ  ຜ່ານເຂົ້າຮອບ 16 ທີມ ໄດ້ຮັບ 12 ລ້ານໂດລາສະຫະລັດ ເຂົ້າຮອບ 8 ທີມ ໄດ້ຮັບ 16 ລ້ານໂດລາສະຫະລັດD

          ທີມອັນດັບ 4 ໄດ້ຮັບ 22 ລ້ານໂດລາສະຫະລັດ (704 ໂດລາສະຫະລັດ) ອັນດັບ 3 ໄດ້ຮັບ 24 ລ້ານໂດລາສະຫະລັດ  ຮອງແຊັມໄດ້ຮັບ 28 ລ້ານໂດລາສະຫະລັດ ແຊັມໂລກໄດ້ຮັບ 38 ລ້ານໂດລາສະຫະລັດ.

          ນອກຈາກນັ້ນ ທຸກທີມຈະໄດ້ເງິນກຽມທີມກ່ອນລາຍການແຂ່ງ 1,5 ລ້ານໂດລາສະຫະລັດ ເອີ້ນງ່າຍໆວ່າ ຖ້າເຂົ້າຮອບສຸດທ້າຍ ຈະໄດ້ເງິນຈາກຟີຟ່າກ່ອນແລ້ວ 9,5 ລ້ານໂດລາສະຫະລັດ.

          ສ່ວນຊາດຕ່າງໆຈະຈັດສັນເງິນລາງວັນໃຫ້ນັກເຕະຢ່າງໃດ ກໍຂຶ້ນຢູ່ທີ່ການບໍລິຫານຈັດການໃນຮູບແບບຂອງຕົວເອງ ສະຫະພັນເຕະບານເຢຍລະມັນ ໄດ້ປະກາດໄວ້ຕັ້ງແຕ່ເດືອນທັນວາປີທີ່ຜ່ານມາວ່າ ໃນກໍລະນີທີ່ປ້ອງກັນແຊັມໂລກໄດ້ ນັກເຕະແຕ່ລະຄົນຈະໄດ້ຮັບເງິນໂບນັສຄົນລະປະມານ 400.000 ໂດລາສະຫະລັດ ຖ້າໄດ້ເຂົ້າພຽງແຕ່ຮອບຮອງຊະນະເລີດ ຈະໄດ້ຮັບຄົນລະ 145.000 ເອີໂຣ  ຂີ້ຮ້າຍກວ່ານັ້ນ ຕົກຮອບ 8 ທີມສຸດທ້າຍ ຈະໄດ້ຮັບຄົນລະ 87.000 ໂດລາສະຫະລັດ  ແຕ່ຖ້າຕົກຮອບ 16 ທີມ ຫຼືຮອບທໍາອິດ ຈະກັບບ້ານແບບມືເປົ່າ.

           ສ່ວນທີມຊາດບຣາຊິນ ຖ້າຄວ້າແຊັມໂລກສະໄໝທີ 6 ໄດ້ ຈະໄດ້ຮັບຄົນລະ 930.000 ໂດລາສະຫະລັດ  ແອັດສະປາຍ ຈະໄດ້ຮັບຄົນລະ 950.000 ໂດລາສະຫະລັດ ສຳລັບ ອັງກິດ ເຖິງແມ່ນຈະບໍ່ແມ່ນທີມຕົວເກງ ແຕ່ເດິະຊັນ ສື່ດັງ ໄດ້ລາຍງານວ່າ ຖ້າຄວ້າແຊັມໂລກສະໄໝທີ 2 ໄດ້ ຈະໄດ້ຮັບໂບນັສລວມກັນ 6,6 ລ້ານໂດລາສະຫະລັດ ແບ່ງໃຫ້ນັກເຕະໄດ້ຄົນລະ 284.000 ໂດລາສະຫະລັດ ເຊັ່ນດຽວກັບເຢຍລະມັນ ຖ້ານັກເຕະອັງກິດຕົກຮອບທໍາອິດ ກໍຈະບໍ່ໄດ້ໂບນັສແມ່ນແຕ່ໂດລາດຽວ.

          ນັກເຕະ ຝຣັ່ງ ທີ່ໄປເຖິງແຊັມໂລກ ຈະໄດ້ຮັບ 580.000 ໂດລາສະຫະລັດ ຮອງແຊັມ 173.765 ໂດລາສະຫະລັດ  ຕົກຮອບ 8 ທີມ ໄດ້ຮັບ 81.000 ໂດລາສະຫະລັດ  ແລະ 34.750 ໂດລາສະຫະລັດ ໃນກໍລະນີທີ່ຕົກຮອບ 8 ທີມ ດ້ານ ແບນຊິກ ທີ່ກຳລັງລຸ້ນແຊົມໂລກສະໄໝທໍາອິດ ຈະໄດ້ຮັບ 1,15 ລ້ານໂດລາສະຫະລັດ ແລະ ຖ້າໄດ້ຮອງແຊັມ ຈະໄດ້ຮັບ 695.000 ໂດລາສະຫະລັດ.

          ໂອລິເວີ ເບຍໂຮຟ ອະດີດຜູ້ຈັດການທີມຊາດເຢຍລະມັນ ກ່າວວ່າ ການປະກາດເງິນໂບນັສອອກມາໃຫ້ຊັດເຈນກ່ອນການແຂ່ງຂັນ ເປັນເລື່ອງທີ່ດີ ເພາະນັກເຕະຈະໄດ້ມີສະມາທິກັບການແຂ່ງຂັນເທົ່ານັ້ນ ລວມທັງເປັນແຮງກະຕຸ້ນໃຫ້ນັກເຕະຢາກຈະທຸ່ມເທເພື່ອຊາດ ແລະ ເພື່ອລາຍໄດ້ທີ່ຕົວເອງຈະໄດ້ຮັບ.

          ນອກຈາກເງິນໂບນັສແລ້ວ ຍັງມີເງິນຕອບແທນໃນການຫຼິ້ນໃຫ້ທີມຊາດອີກດ້ວຍ ຂໍ້ມູນເມື່ອປີ 2014 ຂອງທີມຊາດອັງກິດ ຖ້າລົງຫຼິ້ນໃນເກມອຸ່ນເຄື່ອງ ຫຼືຮອບຄັດເລືອກ ຖ້າທີມຊະນະ ຈະໄດ້ຄົນລະ 1.500 ປອນ  ສະເໝີ ໄດ້ຣັບ 1.000 ປອນ  ແລະ ຖ້າພ່າຍແພ້ ຈະໄດ້ 500 ປອນ.

          ສ່ວນໃນເຕະບານໂລກ ຫຼືເຕະບານເອີໂຣ ຮອບສຸດທ້າຍ ນັກເຕະທີ່ລົງເປັນຕົວຈິງໃນແຕ່ລະເກມ ຈະໄດ້ເງິນເຂົ້າກະເປົາແນ່ໆ 2.500 ປອນ ສ່ວນສຳຮອງ ຫຼືບໍ່ໄດ້ລົງຫຼິ້ນເລີຍ ຈະໄດ້ຮັບ 1.500 ປອນ.

          ເຕະບານໂລກ ຖືເປັນລາຍການຂອງເງິນໆໂດຍແທ້ຈິງ.

ຂ່າວທີ່ກ່ຽວຂ້ອງ