ຜູ້ນຳ ​ສປປ ເກົາຫຼີ ຢ້ຽມຢາມ​ຈີນ

165 22 ມິ.ນ. 2018 ຂ່າວຕ່າງປະເທດ
ຜູ້ນຳ ​ສປປ ເກົາຫຼີ ຢ້ຽມຢາມ​ຈີນ

    ແຫຼ່ງ​ຂ່າວ​ຈາກ​ປັກ​ກິງ ໃຫ້​ຮູ້​ວ່າ ທ່ານ​ສີ​ຈິ້ນ​ຜິງ ເລຂາທິການ​ໃຫຍ່​ສູນ​ກາງ​ພັກ​ກອມ​ມູ​ນິດ​ຈີນ ປະທານ​ປະເທດ​ຈີນ ໄດ້​ພົບ​ປະ​ກັບ​ທ່ານ​ກິມ​ເຈິງ​ອູນ ຜູ້ນຳ​ຂອງ ​ສປປ ເກົາຫຼີ ທີ່ຢູ່​ລະຫວ່າງ​ການ ຢ້ຽມຢາມ​ຈີນ ເມື່ອ​ວັນ​ທີ 19 ມິຖຸນາ​ນີ້,

    ຂ່າວ​ແຈ້ງວ່າ ຜູ້ນຳ​ທັງ​ສອງ ໄດ້​ແລກປ່ຽນ​ຄວາມ​ເຫັນ​ກ່ຽວ​ກັບ​ການ​ຂະຫຍາຍ​ສາຍ​ພົວພັນ​ລະຫວ່າງ ຈີນ ກັບ ​ສປປ ເກົາຫຼີ ແລະ ສະຖານະ​ການ​ແຫຼມ​ເກົາຫຼີ ຢ່າງ​ກົງ​ໄປ​ກົງ​ມາ ແລະ ເລິກເຊິ່ງ ພ້ອມ​ທັງ​ສະແດງ​ຄວາມ​ເຫັນ​ວ່າ ຈະ​ຮັກສາ ປັບປຸງ ແລະ ​ຂະຫຍາຍ​ສາຍ​ພົວພັນ​ລະຫວ່າງ​ສອງ​ປະເທດ​ໃຫ້​ດີ​ຂຶ້ນ ພ້ອມ​ກັນ​ຊຸກຍູ້​ທ່ວງ​ທ່າ​ສັນຕິພາບ ແລະ​ສະຖຽນ​ລະ​ພາບ​ຂອງ​ແຫຼມ​ເກົາຫຼີ ໃຫ້​ພັດທະນາ​ໄປ​ຂ້າງ​ໜ້າ ປະກອບສ່ວນ​ເຂົ້າ​ໃນ​ສັນຕິພາບ ສະຖຽນ​ລະ​ພາບ ແລະ ​ຄວາມ​ຈະເລີນ​ຮຸ່ງເຮືອງ​ຂອງ​ພາກ​ພື້ນ ກໍ​ຄື​ຂອງ​ໂລກ​ຢ່າງ​ແທ້​ຈິງ.

    ໃນ​ຂະນະ​ດຽວ​ກັນ ຂ່າວສານ​ສູນ​ກາງ​ເກົາຫຼີ (KCNA) ລາຍ​ງານ​ເມື່ອ​ວັນ​ທີ 21 ມິຖຸນາ​ນີ້​ວ່າ ທ່ານ ກິມ​ເຈິງ​ອູນ ແລະ ​ທ່ານ​ສີ​ຈິ້ນ​ຜິງ ໄດ້​ປຶກສາ​ຫາລື ກ່ຽວ​ກັບ​ມາດ​ຕະການ​ຊຸກຍູ້​ການ​ຮ່ວມ​ມື ຍຸດ​ທະ​ສາດ​ລະຫວ່າງ​ສອງ​ປະເທດ  ລະຫວ່າງ​ການ​ເຈລະຈາ​ເມື່ອ​ວັນ​ທີ 20 ມິຖຸນາ. ຂ່າວ​ໃຫ້​ຮູ້​ຕື່ມ​ວ່າ ໃນ​ການ​ຢ້ຽມຢາມ​ຈີນ​ເທື່ອ​ນີ້ ທ່ານ​ກິມ​ເຈິງ​ອູນ ຍັງ​ໄດ້​ໄປ​ຢ້ຽມຢາມ​ສະ​ຖາ​ບັນ​ກະສິກຳ​ແຫ່ງ​ໜຶ່ງ ແລະ ​ສູນ​ບັນຊາ​ການ​ຄົມມະນາຄົມ​ແຫ່ງ​ໜຶ່ງ ຢູ່​ໃນ​ນະຄອນຫຼວງ​ປັກ​ກິງ ກ່ອນ​ທີ່​ຈະ​ເດີນທາງ​ກັບ​ຄືນ ປະເທດ​ໃນ​ວັນ​ທີ 20 ມິຖຸນາ.

 

ຂ່າວທີ່ກ່ຽວຂ້ອງ