ຂ່າວຫຼ້າສຸດ

ຊາຣີ່ ຕົກລົງເຊັນສັນຍາຄຸມທີມເຊວຊີ 2 ປີ

142 21 ມິ.ນ. 2018 ວົງຈອນກີລາ
ຊາຣີ່ ຕົກລົງເຊັນສັນຍາຄຸມທີມເຊວຊີ 2 ປີ

          ກັນໂຊ່ນາໂປລີ 24 ສື່ທ້ອງຖິ່ນຂອງອິຕາລີ ລະບຸເອງວ່າ ເຊວຊີບັນລຸຂໍ້ຕົກລົງກັບ ນາໂປລີ ໃນເລື່ອງທີ່ຈະເອົາ ເມົາຣິຊິໂອ ຊາຣີ່ ມາເປັນຜູ້ຈັດການໃຫຍ່ຄົນໃໝ່ຂອງທີມແລ້ວ ໂດຍທັງສອງຝ່າຍຕົກລົງທີ່ຈະໃຫ້ຄ່າຍົກເລີກສັນຍາຂອງ ຊາຣີ່ ຢູ່ທີ່ 5 ລ້ານເອີໂຣ ສ່ວນຜູ້ຈັດການຊາວອິຕາລີ ຈະເຊັນສັນຍາກັບເຊວຊີ ເປັນເວລາ 2 ປີ.

          ເຊວຊີ ຕົກເປັນຂ່າວຕາມລ່າຕົວ ຊາຣີ່ ມານານ ແລະ ດໍາເນີນການເຈລະຈາເພື່ອທີ່ຈະດຶງເຂົາມາແທນທີ່ ອັນໂຕນິໂອ ຄອນເຕ ນັບຕັ້ງແຕ່ຈົບລະດູການ 2017-18 ແລ້ວ ແຕ່ກ່ອນໜ້ານີ້ ຄາບັນຫາເລື່ອງທີ່ຍັງບໍ່ສາມາດບັນລຸຂໍ້ຕົກລົງກັບ ນາໂປລີ ໄດ້.

          ເຖິງແມ່ນວ່າ ນາໂປລີ ຈະແຕ່ງຕັ້ງ ຄາໂລ ອັນເຊລອດຕິ ເຂົ້າມາເປັນຜູ້ຈັດການຂອງທີມໄປຕັ້ງແຕ່ກ່ອນໜ້ານີ້ແລ້ວ ແຕ່ຕາມສັນຍາແລ້ວນັ້ນ ຖືວ່າ ຊາຣີ່ ຍັງມີສັນຍາຢູ່ກັບທີມດັງແຫ່ງຖິ່ນ ຊານ ເປົາໂລ ໂດຍມັນຈະມີຜົນໄປຈົນກວ່າທຸກຝ່າຍຈະຍອມຍົກເລີກສັນຍາດ້ວຍຄວາມສະໝັກໃຈຮ່ວມກັນເອງ.

          ກະທັ່ງຫຼ້າສຸດ ກັນໂຊ່ນາໂປລີ 24 ກໍເປີດເຜີຍວ່າ ທ່ານ ມາຣິນ່າ ກຣານອຟສະກາຢ່າ ປະທານບໍລິຫານຂອງ ເຊວຊີ ກັບ ຄຣິສເຕຍໂນ່ ຈິຮຸນໂຕລີ່ ຜູ້ອຳນວຍການກີລາຂອງ ນາໂປລີ ໄດ້ນັດຫາ/ືກັນເມື່ອວັນຈັນທີ 18 ມິຖຸນາຜ່ານມານີ້ ແລະ ທຸກຝ່າຍກໍບັນລຸຂໍ້ຕົກລົງຮ່ວມກັນແລ້ວ ໂດຍຍອດທີມຈາກອັງກິດ ຈະຈ່າຍເງິນໃຫ້ອີກຝ່າຍເປັນຈຳນວນ 5 ລ້ານເອີໂຣ.ເພື່ອເປັນຄ່າຍົກເລີກສັນຍາຂອງ ຊາຣີ່.

          ທັ້ງນີ້ ຊາຣີ່ ຈະເຊັນສັນຍາກັບ ເຊວຊີ ເປັນເວລາ 2 ປີ ພ້ອມມີເງື່ອນໄຂທີ່ຈະຂະຫຍາຍສັນຍາອີກ 1 ປີ ຂະນະດຽວກັນມັນກໍມີຂ່າວລືວ່າແຊັມ ເອຟເອ ຄັບ ເມື່ອລະດູການ 2017-18 ຕົກລົງທີ່ຈະຍົກເລີກສັນຍາກັບ ຄອນເຕ ເປັນທີ່ຮຽບຮ້ອຍ ລວມເຖິງຈະຈ່າຍເງິນເປັນຈຳນວນ 11 ລ້ານເອີໂຣ ໃຫ້ກັບຜູ້ຈັດການຊາວອິຕາລີ ແລະ ທີມງານຂອງເຂົາເພື່ອເປັນຄ່າຊົດເຊິຍດ້ວຍ.

ຂ່າວທີ່ກ່ຽວຂ້ອງ