ໂຄ໊ຊເອຢິບ ຢືນຢັນຍິນດີລາອອກ ຫາກໃຜບໍ່ພໍໃຈ

141 21 ມິ.ນ. 2018 ວົງຈອນກີລາ
ໂຄ໊ຊເອຢິບ ຢືນຢັນຍິນດີລາອອກ ຫາກໃຜບໍ່ພໍໃຈ

ເຮັກຕໍ ຄູເປ ຜູ້ຈັດການທີມຊາດ ເອຢິບ ປະກາດເຈຕະນາລົມຍິນດີລາອອກຈາກຕຳແໜ່ງ ຫາກມີໃຜບໍ່ພໍໃຈໃນຕົວເຂົາ.

          ຜູ້ຈັດການຊາວອາກຊັງຕິນຫາກໍນຳ ເອຢິບປະລາໄຊຕໍ່ເຈົ້າພາບ ຣັດເຊຍ 1-3 ເຮັດໃຫ້ຍັງເກັບຄະແນນບໍ່ໄດ້ເລີຍໃນບານໂລກ 2018 ແລະ ສໍ່ແວວຕົກຮອບ.

          ຫຼັງຈົບເກມ ຄູເປ ໃຫ້ສໍາພາດວ່າ "ກ່ອນອື່ນເລີຍ ບໍ່ວ່າຂ້ອຍຈະຢູ່ຕໍ່ຫຼືບໍ່ ມັນບໍ່ໄດ້ຂຶ້ນຢູ່ກັບຂ້ອຍ ມີຄົນທີ່ຮັບຜິດຊອບສ່ວນນີ້ຢູ່ ຖ້າມີໃຜບໍ່ພໍໃຈ ຂ້ອຍຍິນດີທີ່ຈະລາອອກ".

          "ເຮົາຍັງເຫຼືອອີກນັດ ເຖິງແມ່ນໂອກາດເຫຼືອໜ້ອຍແລ້ວ ສໍາລັບເກມຮັບນັ້ນ ຂ້ອຍຂໍກ່າວຢ້ໍ້າວ່າ ເຮົາພາດຫຼາຍຄັ້ງໃນໄລຍະເວລາ 10-12 ນາທີ ເຮົາເອົາຝ່າຍກົງກັນຂ້າມຢູ່ໃນເຄິ່ງເວລາທໍາອິດ ເຮົາປ້ອງກັນໄດ້ດີ".

          ຜູ້ຈັດການໃຫຍ່ໄວ 62 ປີ ມັກຖືກກອງເຊຍບານ ບໍ່ເວັ້ນແມ່ນແຕ່ຈາກເອຢິບໂຈມຕີຢູ່ເລື້ອຍໆເລື່ອງການສ້າງທີມແບບເນັ້ນເກມຮັບ.

ຂ່າວທີ່ກ່ຽວຂ້ອງ