ຂ່າວຫຼ້າສຸດ

ຣິວັນໂດ ກ່າວວ່າ ‘ບຣາຊິນ’ ຕ້ອງແຊັມໂລກສະຖານດຽວເທົ່ານັ້ນ

184 20 ມິ.ນ. 2018 ວົງຈອນກີລາ
ຣິວັນໂດ ກ່າວວ່າ ‘ບຣາຊິນ’ ຕ້ອງແຊັມໂລກສະຖານດຽວເທົ່ານັ້ນ

          ຣິວັນໂດ ຕຳນານນັກເຕະບຣາຊິນຊຸດແຊັມໂລກປີ 2002 ເປີດເຜີຍວ່າ ຂຸນພົນບຣາຊິນຖືກຄາດຫວັງວ່າຈະຕ້ອງໄດ້ແຊັມພຽງສະຖານດຽວເທົ່ານັ້ນ ຫາກໄດ້ທີ 2 ກໍຮູ້ສຶກໄຮ້ຄ່າ ເຖິງແມ່ນວ່າບາງປະເທດອາດຈະສະຫຼອງຢ່າງຍິ່ງໃຫຍ່ກໍຕາມ.

ຕຳນານກອງກາງຄົນເກັ່ງຈາກບຣາຊິນໄວ 46 ປີ ເປີດເຜີຍວ່າ ຕົນຄິດວ່າບຣາຊິນຈະຍັງຄົງເປັນຕົວເກງແຊັມໃນເຕະບານໂລກທຸກໆສະໄໝ ເພາະວັດທະນະທໍາໃນປະເທດ ການໄດ້ແຊັມໂລກຄືສິ່ງດຽວທີ່ພວກເຮົາເພິງພໍໃຈ ອັນດັບ 2 ຫຼື 3 ບໍ່ແມ່ນສິ່ງທີ່ຕ້ອງການ ເຫັນໄດ້ແຈ້ງຈາກເຕະບານໂລກຄັ້ງກ່ອນ ປີ 2014 ທີ່ບຣາຊິນເຮັດໄດ້ພຽງແຕ່ອັນດັບ 4 ຈາກການເປັນເຈົ້າພາບ ນັກເຕະຫຼາຍໆຄົນຕ່າງຖືກວິພາກວິຈານຢ່າງໜັກ ອີກທັງຕົນເຄີຍຄວ້າຮອງແຊັມໂລກມາແລ້ວເມື່ອປີ 1998 ທີ່ບ້ານເກີດເປັນເຈົ້າພາບເຊັ່ນກັນ ຊຶ່ງໃນຕອນນັ້ນ ຕົນຮູ້ສຶກເສຍໃຈ ແລະ ໄຮ້ຄ່າກັບລາງວັນທີ່ໄດ້ມາ.

ນອກຈາກນີ້ ຣິວັນໂດຍັງກ່າວປິດທ້າຍວ່າ ການແຂ່ງຂັນລາຍການໃຫຍ່ເຊັ່ນນີ້ ມີຄວາມກົດດັນຫຼວງຫຼາຍຢູ່ແລ້ວ ສຳລັບ ເນມາ ຫຼືວ່ານັກເຕະຄົນອື່ນໆກໍຕາມ ພວກເຂົາຖືກຄາດຫວັງສູງ ຊຶ່ງພວກເຮົາຕ້ອງຮຽນຮູ້ ແລະ ຮັບມືກັບມັນໃຫ້ໄດ້ ນັກເຕະບຣາຊິນຕັ້ງເປົ້າທີ່ຈະເປັນແຊັມສະເໝີ.

ຂ່າວທີ່ກ່ຽວຂ້ອງ