ຂ່າວຫຼ້າສຸດ

"ເຄນ" ເໝົາສອງ ພາອັງກິດຄວ້າໄຊໄປແບບຫວຸດຫວິດ

185 20 ມິ.ນ. 2018 ວົງຈອນກີລາ
"ເຄນ" ເໝົາສອງ ພາອັງກິດຄວ້າໄຊໄປແບບຫວຸດຫວິດ

          "ແຮຣີ ເຄນ"  ສວມບົດວິລະບູລຸດ  ພັງປະຕູໄຊໄລຍະທົດແທນເວລາບາດເຈັບ  ພາອັງກິດຊະນະ  "ຕູນິຊີ"  ໄປແບບຫວຸດຫວິດ 2-1 ໃນເຕະບານໂລກ 2018.

ການແຂ່ງຂັນເຕະບານໂລກ 2018 iອບທໍາອິດ ກຸ່ມ G ທີ່ສະໜາມໂວນໂກກຣາດ ອາຣີນາ ປະເທດຣັດເຊຍ ເມື່ອວັນຈັນທີ່ຜ່ານມາ ທີມຊາດອັງກິດ ລົງສະໜາມພົບກັບ ຕູນິຊີ ເຄິ່ງເວລາທໍາອິດ ອັງກິດອອກຕົວດີ ຂຶ້ນນຳໄປກ່ອນ 1-0 ຈາກ ແຮຣີ ເຄນ ນາທີທີ່ 11 ຢ່າງໃດກໍຕາມ ນາທີທີ່ 35 ຕູນິຊີ ໄດ້ຈຸດໂທດຈາກຈັງຫວະທີ່ ໄຄຼ ວອກເກີ ກອງຫຼັງທີມຊາດອັງກິດ ໄປແກວ່ງແຂນໃສ່ ຟາເຄຣດດີນ ເບນ ຢຸສເຊຟ ແລະ ເຟີຢານີ ຊາສຊີ ກໍສັງຫານເຂົ້າໄປບໍ່ພາດ ເຮັດໃຫ້ປະຕູກັບມາສະເໝີກັນ 1-1 ເຄິ່ງຫຼັງ ອັງກິດພະຍາຍາມເປີດເກມບຸກຢ່າງໜັກ ແຕ່ກວ່າຈະໄດ້ປະຕູຂຶ້ນນຳ 2-1 ກໍຕ້ອງລໍຖ້າເຖິງໄລຍະທົດເຈັບນາທີທີ່ 90+1 ຈາກການເອົາຫົວຂຶ້ນຕໍາບານຢູ່ໃກ້ໆປະຕູຂອງ ເຄນ ໃນນາທີທີ່ 90+1 ໄລຍະເວລາທີ່ເຫຼືອ ບໍ່ມີໃຜເຮັດອັນໃດກັນໄດ້ອີກ ຈົບເກມ ອັງກິດຈຶ່ງຊະນະ ຕູນິຊີ ຢ່າງຫວຸດຫວິດ 2-1 ເປີດສະໜາມດ້ວຍການເກັບ 3 ຄະແນນແບບຫືດຂຶ້ນຄໍ.

ສ່ວນຜົນອີກ 2 ຄູ່ເຊິ່ງແຂ່ງໃນວັນດຽວກັນມີດັ່ງນີ້:

  • ຊູແອັດ  ຊະນະ ສ ເກົາຫຼີ        1-0
  • ແບນຊິກ ຊະນະ  ປານາມາ     3-0.

ຂ່າວທີ່ກ່ຽວຂ້ອງ