ຂ່າວຫຼ້າສຸດ

ເມັກຊິກ ພິກລັອກຊະນະແຊັມເກົ່າ ເຢຍລະມັນ 1-0

194 20 ມິ.ນ. 2018 ວົງຈອນກີລາ
ເມັກຊິກ ພິກລັອກຊະນະແຊັມເກົ່າ ເຢຍລະມັນ 1-0

        ເມັກຊິກ ພິກເອົາຊະນະ "ແຊັມເກົ່າ" ເຢຍລະມັນ 1-0  ຄວ້າໄຊຊະນະເປັນທີມທໍາອິດໃນເຕະບານໂລກ 2018  ສາຍ F.

    ການແຂ່ງຂັນເຕະບານໂລກ 2018 iອບແບ່ງກຸ່ມ ກຸ່ມ F ເປັນການພົບກັນຂອງ “ແຊັມເກົ່າ” ເຢຍລະມັນ  ເປີດສະໜາມສນາມພົບກັບ ເມັກຊິກ ທີ່ສະໜາມ ລຸຊນິກີ ສະຕາດິໂອນ.

          ໂຢອາຄິມ ເລິຟ ໃຫ້ ມາວິນ ແພລດເທນອາດ  ແບັກຊ້າຍຈາກແຮທາ ເບີລິນ ອອກສະໜາມເປັນຕົວຈິງ ເມຊຸດ ໂອຊິວ ທີ່ກັງວົນກັນເລື່ອງອາການບາດເຈັບ ສາມາດລົງສະໜາມໄດ້ເຊັ່ນກັນ.

          ສ່ວນເມັກຊິກ ຂອງຜູ້ຈັດການ ຮວນ ໂອໂຊຣິໂອ ວາງ ຄາບອສ ເວລາ ຢືນສະໜັບສະໜູນ ຮາເວຍ ເອີນານເດຊ ທີ່ເປັນໜ້າເປົ້າ ສ່ວນເອີວິງ ໂລຊາໂນ ກອງກາງຕົວເກັ່ງຈາກພີເອສວີ ລົງຫຼິ້ນໃນຕຳແໜ່ງປີກຊ້າຍ.

          ຜົນປາກົດວ່າ ເມັກຊິກ ຫັກປາກກາຊຽນ ພິກເອົາຊະນະ “ແຊັມເກົ່າ” ເຢຍລະມັນ ໄປໄດ້ ຈາກການຍິງປະຕູຂອງ ເອີວິງ ໂລຊາໂນ ໃນນາທີທີ່ 35 ຊ່ວຍໃຫ້ ເມັກຊິກ ຄວ້າ 3 ແຕ້ມ ແບບພິກລັອກໄປໄດ້.

          ສຳລັບເກມນັດ 2 ເຢຍລະມັນ ຈະພົບກັບ ຊູແອັດ ທີ່ຟິສ ໂອລິມປິກ ສະເຕດຽມ ໃນເມືອງໂຊຊິ ຊຶ່ງພວກເຂົາຈຳເປັນຕ້ອງເອົາຊະນະໃຫ້ໄດ້ ຫາກຢາກຫວັງຈະຜ່ານເຂົ້າສູ່ຮອບຕໍ່ໄປ.

          ສ່ວນ ເມັກຊິກ ຈະພົບກັບ ສ ເກົາຫຼີ ທີ່ຣອສຕອຟ ອາຣີນ່າ ໃນເມືອງຣອສຕອຟ-ອອນ-ດອນ ໂດຍທັງຄູ່ລົງສະໜາມ ວັນດຽວກັນ 23 ມິຖຸນານີ້.

          ສໍາລັບຜົນແຂ່ງຂັນນັບແຕ່ວັນທີ 15 – 17 ມິຖຸນາຜ່ານມາມີດັ່ງນີ້:

  • ອີຢິບ  ເສຍ  ອູຣຸກວັຍ                     0-1
  • ໂມຣົກໂກ  ເສຍ  ອີຣ່ານ                  0-1
  • ປອກຕຸຍການ  ສະເໝີ  ແອັດສະປາຍ     3-3
  • ຝຣັ່ງ  ຊະນະ  ອົດສະຕຣາລີ              2-1
  • ອາກຊັງຕິນ  ສະເໝີ  ໄອຊ໌ແລນ           1-1
  • ເປຣູ  ເສຍ  ເດນມາກ                     0-1
  • ກຣົວຊີ  ຊະນະ  ນີເຊຣີ                    2-0
  • ກົສຕາຣິກາ ເສຍ ແຊກບີ                  0-1
  • ເຢຍລະມັນ ເສຍ ເມັກຊິກ                 0-1
  • ບຣາຊິນ ສະເໝີ ສະວິດ                   1-1

 

ຂ່າວທີ່ກ່ຽວຂ້ອງ